慳左咁耐, 我領悟到既另一個原則就係: 唔止著眼係"銀碼"上面慳, 一d睇唔到既成本都要計埋落去.
咩野? 咪就係"時間"羅. 依樣野開頭都唔多覺, 早幾年興網上拍賣, 於是就將屋企d狗屎垃圾雜物等都放上去賣. 賣賣下開始覺唔對路. 因為果d雜物唔值錢, 有時賣得果十幾二十蚊, 同買家約交收又要等, 一約就交收到仲話好, 有時d人見到實物又話唔要. 真係side曬d時間.
去開倉買野又係, 我會係網上討論區收集下人地去完既comment先, 再安排行程, 順路可以先去買. 唔會side車錢時間結果空手而回(試過之後就學精左啦
依幾年我d時間更加"珍貴", 更加"有價值". 最好既慳錢購物法, 就係搭一d時時都會見到面既人買野. 當然我方便既, 都會幫人買既. 實行大家齊齊慳.
作為一個在職既媽媽, 日日都要同時間競賽, 趕~趕~趕就日每日既寫照, 真係好想一日有48小時. 早排係圖書館見到本日本人寫既書, 叫"我一天有48小時", 好奇就借來睇下. 書入面教你點樣爭取時間做野, 其實有好多時間係我地不知不覺間浪費左. 睇睇下忍唔住笑出來
搭車既時間可以用來: 睡覺, 睇書, 睇報紙, 計劃一日既工作行程, 執銀包(單據), 打電話返學校check野
等人既時間可以: 睇書, 睇報紙, 打電話預約
Lunch叫外賣係公司食, 一來可以慳錢
-集中係周未先去買家庭日用品, 一次過大量購買(減價時更加啦), 唔洗成日要朴來朴去買.
-可以搭人買野, 例如:奶奶/阿媽買野(海味/乾貨), 朋友買開倉貨品, 唔洗下下自己騰去. 又慳返好多時間.
-lunch 去圖書館, 銀行, 行街買衫, 超市買送, 幫阿囝做學校功課等.
我屋企成日煮, 又平又好食又有營養的食譜:
材料：豆腐2件($5)、免治豬肉($6)、蔥1棵
調味料：鹽1/4茶匙、糖1/4茶匙, 生抽1茶匙、蒜茸1茶匙
獻汁：辣豆瓣醬1湯匙、生抽1茶匙、生粉1茶匙、糖半茶匙、水2湯匙
做法：
1.免治豬肉，加入調味料拌勻，醃10-15分鐘。
2.燒紅鑊，下油2湯匙，將豬肉爆炒片刻。
3.加入豆腐及獻汁炒5分鐘，再加入蔥粒即成。
早幾日細妹突然話有人請我食飯.
不過喂人奶真係好好嫁, 係咁易都數到十個好處. 第一個即時見到最大既好處就係"慳奶粉錢"啦.
BB出世頭果年, 當一個月平均5罐奶粉, 頭6個月係食初生奶粉, 一般都$160以上, 即係$160x5x6=$4,800. 如果6個月至1歲轉食2號奶粉, 一般都$140以上, 即係 $140x4x6=$4,200. 如果食依家潮流興既"日本奶粉"就唔止依條數添.
當然喂人奶又唔係完全唔洗成本, 當年我要"投資": 奶泵($350), 凍袋($25), 小型雪櫃(信用卡禮物 $0) + 食lunch時間 + 訓覺時間.
跟住落來慢慢你就會發現另一個好處, 就係"慳醫藥費". 我2個細路一個喂到13個月, 一個到18個月, 期間都只係睇過一,兩次醫生, 有時流鼻水, 唔洗食藥自己都好返. 相比其他BB, 郁下就發高燒入醫院(家下d菌真係唔講得少), 一係就腸胃炎, 真係小巫見大巫. 小朋友開始返學, 分別會更大. 依樣野(抵抗力)我覺得係影響佢一世, 依條數真係無得計
唔知幾時開始, 我發現左惠康超市係有個"清貨架", 我長期留心所見, 職員會將依d放上去:
1. 快將到期貨品(仲有2,3個月到期既)
2. 隨包付送贈品
3. 轉包裝既商品
4. 包裝有破損既商品
5. 唔再上架既貨品 (即係以後都唔會再賣/唔出名既貨, 好多係糖果餅乾)
6. 滯銷貨品 (多數係新口味既食品/新產品)
7. 節日用品 (聖誕用品/新年用品)
依d野多數會用半價/低過半價出售, d sample 就隨便 mark價, 一蚊兩蚊都會有. 岩用既野(多數係日用品, 例如: 牙擦, 洗地水, 洗衣粉, 是油, 牙膏, 尿片, 洗頭水, 女性衛生用品, 沖涼液, 紙巾等等 )真係慳返唔少. 大家都留意一下啦.
近期就係糖果朱古力, 可能過完年要清貨.
好大個啊~~大過我樓下間 cheap cheap酒樓果d.
