角鯊烷臘菊抗皺面霜

這是今年冬天做來送給自己的禮物: 角鯊烷臘菊抗皺面霜

 

早些日子, 天氣又乾又凍, 搽了這個面霜, 臉部不用再像往年般受罪, 北風一吹就像要裂開似的. 對我這種乾性又敏感的皮膚人士, 真的是一大恩物. 好東西一定要跟親友分享. 再做了好幾樽送家中女親友, 大家用過都覺得滋潤又保護.

 

這個面霜有什麼特別呢? 重點在於角鯊烷及臘菊 這兩種成份上.

 

角鯊烷(squalane )是:
1、從橄欖中提取的精純補濕油, 為最接近人體皮脂的一種脂類，親和力強，可與人類自身的皮脂膜融為一體，在皮膚表面形成一層天然的屏障。
2、能抑制皮膚脂質的過氧化，能有效滲透入肌膚，並促進皮膚基底細胞的增殖，對延緩皮膚老化，改善並消除黃褐斑黑色素均有明顯的生理效果。
3、還可使皮膚毛孔張開，促進血液微循環，增進細胞的新陳代謝，幫助修復破損細胞，撫平細紋。
所以特別適合於寒冷的天氣中使用，能補充皮膚天然皮脂。

 

臘菊精油(意大利永久花), 含單萜烯及倍半萜烯成份, 有效増强皮膚细胞再生能力和刺激免疫系統, 能化瘀、去疤去皺.

 

抗皺保濕的成份還包括這些好東西:

 

乳香精油，調整受刺激的肌膚和老化肌膚，平復皺紋，平衡油性皮膚，促傷口癒合。

 

天竺葵精油有收斂功效，可平衡皮膚皮脂腺的分泌。

 

玫瑰果油含八成亞油酸及亞麻酸, 乙種胡蘿蔔素、維他命Ａ，Ｃ，Ｅ，Ｋ及Ｆ, 能促進細胞膜重生, 重構損壞皮膚結構，改善皮膚顏色和彈性，平滑凹凸孔洞, 修復曬傷皮膚，淡化黑斑雀斑.

 

金盞花油泡浸油富含亞油酸和胡蘿蔔素, 具舒緩、消腫、抗菌、消炎等功效,亦具抗自由基及強化細胞增殖的功效,能促進細胞再生, 保濕、滋潤、舒緩、除皺、鎮靜等功效。

 

荷荷芭油: 富含蛋白質、礦物質，適合各種肌膚，滲透力強。對於乾性皺紋肌膚可使其恢復活力光澤。

 

維他命E油可消除痘疤傷疤妊娠紋,延緩細胞老化,加速傷口癒合,並可撫平細紋, 有抗炎及抗老化的作用.

甘油是天然的補濕因子，性質溫和，適合各種皮膚。

 

乳木果脂具有過濾紫外線的保護作用.含有肉桂酸,是良好的保護成分.也具促進細胞再生及微血循環的作用,對龜裂傷口及皮膚潰瘍有療癒的效果.它的抗蛋白質酶(anti-elastase)效果能預防細紋產生,令肌膚更加柔軟及彈性

 

可可脂具良好滋潤及保濕效果，能在肌膚表面形成保護膜、軟化及滋潤肌膚。

 

蘆薈保濕.活膚.更新細胞的特性可令皮膚回復天然光澤和彈性, 更可以淡化色斑及防止肌膚老化的功效, 特別對乾燥和敏感皮膚有益。

 

這個面霜具保濕及抗乾燥功效，尤其適合秋冬干燥的季節使用，塗後肌肤没有油腻感，是很清爽的面霜, 可早晚使用。

 

20ML $100    30ML $140

 

如果需要訂做, 可留言或電郵給我: thriftyhousekeeper@yahoo.com.hk

金盞花油

 

 

 

 

 

 

 

 

 

 

 

 

 

 

 

 

 

Calendula Oil 金盞花油 30ML $75

 

金盞花自古被當成藥用植物, 有"太陽使者"的稱號.

 

我的"金盞花油"是以乾燥金盞花浸泡甜杏仁油而成的,其中含豐富亞油酸和胡蘿蔔素,能調理敏感性膚質,具有舒緩、消腫、抗菌、消炎等功效,亦具有抗氧化功效,能抵禦游離自由基在體內的造成的對細胞的傷害,具有抗自由基及強化細胞增殖的功效,能促進細胞再生,具保濕、滋潤、舒緩、除皺、鎮靜等功效,亦能減退黑眼圈,此外,對青春痘、皮膚凍傷、尿布疹、皮膚病、皮膚疤痕、靜脈曲張以及擦傷、龜裂皮膚保養都有特別效用.

適用：一般、乾燥、敏感性膚質皆適用。可於沐浴後當護膚油使用, 亦可混入乳霜中使用.

 

這個冬天, 可讓"太陽使者"保護你的皮膚.

 

十月十二日及十三日創藝墟位置

本星期六及日, 應青年廣場的邀請, 將會在新增的二樓展區開檔. 一如過往的做法, 檔口的位置還是抽簽的. 今天通知了結果:

在電梯一上來的位置. 要找我很容易吧~

約好大家當天見.

創藝墟的第一天

準備了幾個星期, 今天終於開檔了~天氣非常的好. 天公做美吓!

 

我的檔口是這樣的, 大家覺得怎樣?

 

 

特別開心的是: 今天有好幾位朋友網友都特意來支持我, 有兩位我一開檔就出現在我面前, 好叫我"操手不及". 呵呵......一陣子手忙腳亂!

 

今天我還有兩位特別的助手, 就是我的兩個孩子, 也坐在我身邊用行動支持我. 幫忙接待客人, 解答問題. 對他們來說是一個難忘的經歷.

 

言教不如身教. 又站又坐了忙了一會兒,  就沒人過來, 兒子的興奮勁一過, 開始......泄氣了. 我告訴他, "等待"也是一種能耐, 世事不會一直順著你的意, 幫自己打氣, 自己有精神, 才會吸引客人停下腳步來.

 

過一會兒, 他打起精神, 也有客人過來了. 看著他幾小時內的進步, 從不知所措, 到掌握到自己的步伐, 真係很欣慰.

 

女兒也放開膽向客人講解介紹, 自信滿滿的.

 

開檔真是頗累的, 不過收獲也不少. 明天繼續!

創藝墟攤位位置

創藝墟攤位位置抽籤結果終於出了~



10月5日及6日兩天都在16號攤位. 朋友WaKaKa 就分派了兩個不同的位置.

10月11及12日我會在2樓, 跟海外參展手作人一齊, 非常期待到時會見到大家~你會來嗎??

 

青年廣場既"創藝墟" (10月5日, 6日, 12日)

又去開檔啦~

今次又係參加青年廣場既"創藝墟", 抽中左啦~

分別係10月5日, 10月6日, 10月12日三日. 得返唔夠一個月時間準備, 時間都好緊逼~

不過諗到又有機會見到大家啦~心情又好興奮. 希望到時大家來現場多多支持我啦~

如果你有需要預訂, 可以留email/sent email比我.

my email: thriftyhousekeeper@yahoo.com.hk

天然全效驅蚊蟲膏及噴霧

今年雨水特別多, 可以係因為咁樣, 蚊蟲亦特多. 好友安妮家中飽受蚊蟲之災, 尤其係佢張床, 唔知點解晚晚訓覺都有好多野咬.

佢試過好多方法, 包括用漂白水沬墻身, 放"除蟲炸彈"除蟲, 但都唔多見效. 晚晚無覺好訓, 向我求救.

佢咁悽涼, 我一定要幫佢既.

搵書試配方, 都比我試到出來. 呢支我叫佢做:
天然全效驅蚊蟲噴霧
主要成份Geraniol(香葉醇), 由玫瑰草配合天竺葵、香茅等多種精華油組合而成, 配方中更含Cedarwood oil香薰油, 是一種芳香及天然蚊蟲驅趕液。能有效地排斥及驅趕蠓、虱、蟎、蜱及其他叮咬人畜的害蟲。適於戶外活動時噴在衣服或皮膚上。
用左呢支噴霧, 安妮終於有覺好訓.

佢好多時都會去行山, 叫我幫佢做埋支唇管裝, 咁去到邊都唔怕比"蟲"咬. 佢真係比咬怕左.

如果你都有需要, 可email 比我訂做: thriftyhousekeeper@yahoo.com.hk

天然染髮

香港地, 好多人一早就有白髮, 無辦法! 可能同生活緊張有關.

我D白髮都越來越多, 一直忍住唔染, 後來實在太多, 試染過一次, 自己頂唔住市售染髮劑的味道~總覺得太臭. 另一方面,染完頭髮係咁甩, 好得人驚~

朋友介紹, 有呢隻來自印度既天然染髮粉. 一於試下.

佢係獨立包裝, 長頭髮需要用兩包.

用法好簡單,開水至糊狀, 放置半小時, 均勻搽上已洗既頭髮就得. 停留約一小時, 再用水洗淨. 有陣草青味咁樣.

我用左深啡色, 效果方面就係: 白髮部份染成金啡色, 好似做左 high light咁樣. 意外的效果.

最重要係無損頭髮頭皮, 頭髮無特別甩多, 價錢方面又平(比起市售化學成份的染髮劑). 咁好一定繼續用.

如果你都想試下, 可以email 比我: theiftyhousekeeper@yahoo.com.hk

贊助瑜伽班- "冰爽香體噴霧"

專業靚女瑜伽導師 AMY YAU 一直都係我手作保養品既支持者, 堅持瑜伽練習及堅持少用化學品一直都係佢既追求.

作為一個專業導師, 係依家咁熱既天氣下教授瑜伽, 身體一定會出汗, 所以佢一直都有用呢隻"冰爽香體噴霧", 令自己出汗得來又唔會有異味.

最近佢同 MY Fitness 合作, 攪左"空中瑜伽試玩班". 搵我做贊助. 當然無問題~

正好可以測試下產品, 係唔係真係經得起考驗.

測試結果明天就會知道, 有小小緊張添.

金盞花止痕膏

紫雲膏止痕消腫效果好好. 不過唯一唔好既係佢既氣味. 有人仲意, 有人接受唔到. 阿囡話係學校搽, 同學有投訴. 朋友既女有濕疹, 搽左返學校, 都面對同一個問題. 攪到佢唔願搽, 朋友向我求救, 點好呢~

我唯有上網上圖書館搵資料, 發現原來"金盞花膏"都有類似紫雲膏既功效. 於是郁手做~

金盞花膏既成份

金盞花浸泡油: 含豐富類黃酮、皂質、帖烯醇，可治療各種皮膚病或問題皮膚，適合所有的膚質；特別是皮膚乾裂、敏感、疤痕、創傷、潰爛消腫、去瘀靜脈曲脹以及擦傷等問題。

金盞花具有治療傷口和消炎的作用，癒功效非常強大，包含燒傷、凍傷、小型創傷、發炎、潰瘍、濕疹、尿布疹、皮膚龜裂等各種肌膚狀況均能修護，經常添加在皮膚創傷膏與嬰幼兒肌膚保養用品中。以金盞花製成的浸泡油更是適合嬰兒或敏感性肌膚。

 

我既配方以甜杏仁油做底油, 因為佢性質溫和、易吸收，富含礦物質、蛋白質及各種維他命，是一種保養皮膚及滋潤效果極佳的植物油。能有效減輕皮膚發癢現象，消除紅腫、乾燥和發炎。可刺激內分泌系統的腦下垂腺、胸腺和腎上腺，促進細胞更新，使肌膚恢復光滑柔細。由於甜杏仁油極為溫和，連嬰兒都可以使用。

 

初榨椰子油: 椰子油含有「月桂酸」，主要是促進新陳代謝及增強免疫能力、抑制細菌、病毒及酵母菌，其成分比植物油更接近人類皮下脂肪，容易被肌膚吸收，提高身體代謝速度就做到修復肌膚細胞的作用。有助被濕疹蹂躪過的肌膚回復幼嫩。

 

可可脂是可可豆中之脂肪物質，具良好滋潤及保濕效果，能在肌膚表面形成保護膜、軟化及滋潤肌膚。

 

蜂臘是由蜜蜂蜂巢提取的天然物質，具有抗菌，消炎止癢，軟化肌膚及促進組織再生功能。

薰衣草精油: 抗菌、促進傷口結疤及癒合。

茶樹精油，能提振免疫系統能力，抗菌、防腐及抑制黴菌的效果絕佳。能幫助防止及治療傷口、消炎及潰傷等。

整左小量比寶貝囡同朋友個囡試用, 兩位小姐都好滿意, 因為無再比人投訴. 效果方面紫雲膏略勝一籌, 所以阿囡選擇在家用紫雲膏, 外出帶備金盞花膏旁身.

朋友落單訂做, 應佢要求, 我做左唇管裝, 佢話呢隻方便用.

如果你想訂做, SENT EMAIL比我啦~thriftyhousekeeper@yahoo.com.hk

防蚊三寶

呢排日日落雨, D惡蚊又開始橫行. 阿囡返學校比蚊咬左, 即刻郁手做"防蚊四寶".

識得我既朋友都陸續搭我做. 日日搽, 天然材料做既各位媽咪會比小朋友用得安心D.

成份包括: 初搾特級Olive Oil, 葡萄籽油, 白蜂臘, 香芧精油, 茶樹精油, 尤加利精油, 薰衣草精油, 

如果你有需要, 都可以訂做. SENT EMAIL: thriftyhousekeeper@yahoo.com.hk 比我就得.

天竺葵玫瑰花水

姑奶多謝我成日整CREAM 比佢. 送左呢部"日立離子美容器 Hada CRiE"比我. 因為佢用左半年, 效果好好.

投桃報李, 我就整返D好野益佢. 配合呢部機需要, 我整左:

"天竺葵玫瑰花水"

第一時間自己用.

"天竺葵精油"有平衡油脂分沁既作用, 而"保加利亞玫瑰花水"就具滋潤作用, 當然唔少得既仲有天然保濕因子"甘油". 三者配合係一齊, 加埋離子機導入功能, 真係好滋潤啊~

臨訓前做機, 第二朝起身, 感覺到皮膚飲飽水. 真係好好feel! 望落去皮膚光滑左, 人就精神左~

 

橄欖特潤沐浴乳

入秋以後, 每次沖完涼, 抺乾個身之後, 全身既皮膚就覺得好緊, 呢種感覺到左入冬, 就變左好似"破冰"既感覺--裂開.  同朋友傾開, 原來好多人都有呢種感覺, 自己家族中既女性, 幾個都係咁樣.

係佢地既要求之下, 令我開始諗下係唔係可以整隻特潤沐浴乳, 等大家係冬天都好過D.

我諗係沐浴乳中加入潤膚成份, 應該係可行既. 試左幾次之後, 終於比我成功左.

橄欖特潤沐浴乳

呢個配方含20%冷壓萃 取橄欖油, 因為橄欖油脂質結構同我地肌膚相同, 係溫和清潔既同時, 可以維持肌膚健康,

另外, 加入月見草油, 防止皮膚老化.  當然唔少得天然保濕因子甘油及維他命E, 令洗後膚質柔軟留下極佳觸感.

再添加有去水腫及收緊皮膚功效既"迷迭香"及"檸檬"精油, 令呢支沐浴乳又滋潤又醒神.

當然係自己第一個試用, 沖完涼既感覺係好清爽, 唔似得市面果D話加左潤膚乳成份既沐浴乳, 沖完涼之後, 硬係覺得未沖乾淨咁樣, 抺乾身之後, 無果種龜裂既感覺, 用左一段時間之後, 感覺皮膚既彈性都好左.

自己滿意之後, 就派比家人用. 上至老人下至小童, 大家用後都好滿意, 好開心啊~如果你都有需要, 可以留電郵比我或是傳送電郵至: thriftyhousekeeper@yahoo.com.hk 訂做嫁~

甜杏仁油潤膚乳(檀香依蘭)

 

呢排沖完涼, 一定要搽乳液, 唔係就會感覺到乾裂既感覺. 妹妹既情況同我一樣.

呢支甜杏仁油潤膚乳(檀香依蘭) 最岩依家既天氣. 亦係我地兩個最喜愛既味道.


檀香加依蘭, 味道唔止非常之夾, 仲係好持久, 可以keep 到全日, 妹妹話有人問搽左咩牌子既香水, 咁香既. 真係連香水都慳返.

除此之外, 檀香同依蘭精油仲有鬆馳神經既作用, 沖完涼搽左唔止香, 仲會好訓D添. 

甜杏仁油及小麥胚芽油含豐富維他命E，是天然抗氧化劑，其抗自由基的特性，可延緩皮膚老化；滋潤性強，可淡化細紋、妊娠紋、疤痕，增加肌膚濕潤力，對干燥、缺水、老化、皺紋肌膚極有幫助。可減少臉上長青春痘所留下的痕跡。適合各種膚質。

甘油，是由植物提煉出來的天然的補濕因子，性質溫和，適合各種皮膚。
如果你有需要, 都可以訂做. 請留PM 或者電郵比我: thriftyhousekeeper@yahoo.com.hk

潤唇膏

中秋已過, 開始感覺到秋意. 今日阿仔竟然同我講, 要用潤唇膏, 因為佢個嘴開始爆啦~

今日假期, 拿拿林整比佢. 阿女當然又要一支.

早排入唇管時, 比我見到有新既唇管貼紙, 又入左貨.

呢張咁咁多款, 仔同女都有得選擇啦~

如果你都有需要, 可以訂做. sent email比我啦: thriftyhousekeeper@yahoo.com.hk

纖體修身按摩油

妹妹有按摩的習慣. 佢叫我幫手配隻有纖體修身功效既按摩油. 因為坊間用既按摩油, 按完次後痴立立, 沖身沖好耐都沖唔乾淨. 我解釋比佢知道, 因為果d按摩油係用礦物油做底油, 礦物油係人體無法吸收既. 一定會痴立立.

唔想痴立立, 用植物油做底油就可以解決到. 我選用左甜杏仁油及小麥胚芽油.

甜杏仁油性質溫和、易吸收，富含礦物質、蛋白質及各種維他命，是一種保養皮膚及滋潤效果極佳的植物油，適用於各種膚質。它能有效地減輕皮膚發癢現象，消除紅腫、乾燥和發炎。可刺激內分泌系統的腦下垂腺、胸腺和腎上腺，促進細胞更新，使肌膚恢復光滑柔細。由於甜杏仁油極為溫和，因此連嬰兒都可以使用。

小麥胚芽油含豐富高單位維他命E，是著名的天然抗氧化劑，其抗自由基的特性，可延緩皮膚老化；滋潤性強，可淡化細紋、妊娠紋、疤痕，增加肌膚濕潤力，對干燥、缺水、老化、皺紋肌膚極有幫助。可減少臉上長青春痘所留下的痕跡。適合各種膚質.

精油方面就選用左有消除水腫, 幫助皮膚緊實功效既葡萄柚. 杜松子. 及迷迭香,  以及能幫助清除橙皮組織及收斂功效既檸檬.

阿妹用完, 大讚~唔會痴立立唔再講, 按摩完即時覺得皮膚滑左. 佢唔需要沖身, 著衫就走得. 第二日, 摸到皮膚滑不溜手 , 真係緊緻左, 完全係喜出望外. 大自然既力量係不可低估既. 只係之前無發現姐. 佢話以後都會keep住用.

如果你都有需要, 可以訂做. sent email比我啦: thriftyhousekeeper@yahoo.com.hk

送給準媽媽的禮物

老公托我做一套"天然生薑沐浴啫喱"及"天然生薑洗頭水", 打算送比同事, 佢就來放產假.

當然無問題啦~話咁快就整好. 我仲幫佢包靚佢~

第二日佢話比我知, 同事收到好開心~ 因為無諗過會收到份禮物. 通常d人都係送野比BB.

諗下又係播. 雖然收到送比BB既都會開心, 不過收到送比自己既就更"窩心".

如果你又想送呢份"窩心"既禮物比朋友, 就sent email: thriftyhousekeeper@yahoo.com.hk

冰爽香體噴霧

“創藝墟”已經告一段落, 下次墟期幾時? 未知~

 

今次除左比我一個難忘既經驗之外, 亦為我帶來新既出品 – “冰爽香體噴霧”

 

事由係朋友R及A抽到5月26-27日既檔期. 我有去幫手. 雖然當日唔係太熱, 但始終戶外無冷氣, 睇檔六小時, 到收檔果時, 一人一身”up”味. 仲要搭車返屋企, 真係自己都頂唔住, 叫曬救命, 猛問我有無產品可以辟味防臭.

 

朋友有所求, 我當然要出手啦~好在手頭精油種類好齊.諗到用檸檬、尤加利、薄荷、迷迭香等,有抑制細菌滋生功效既精油,調配出呢支純天然草本既噴霧。難聞既體味係由細菌分解皮膚表面汗液時而產生既,如果可以令細菌少d,咁臭味自然會少d. 

 

第二日開檔時拎比佢地用,實地測驗下。點用?? 直接噴灑於乾爽之腋下，如果需要可重複使用。當然腋下有傷口或脫毛後時就不宜。

 

初試既感覺係: 好涼啊~好似開左冷氣! 朋友A話. 好舒服. 味道又清新。清涼既感覺源自薄荷, 都涼到半個鐘. 三個鐘之後再補噴多一次. 人都清神d.

 

到左收檔既時間, 經過六個鐘既考驗, 感覺點樣啊? 真係無咁臭播~無左果陣”栗”味. 果然係洗得. Wakakaka……

 

之後果個星期開檔, 我地都帶住呢支噴霧. 同客人接觸, 一身臭味點得嫁~no way!

 

我亦整左係檔口比客人試用,  “味道幾好播!” 一知道係防臭用途, 有個男士好爽咁買左兩支. 其實男女都需要, 日日噴住, 呢個夏天就無尷尬啦~

如果你都有需要, 可以訂做. sent email比我啦: thriftyhousekeeper@yahoo.com.hk

方便裝紫雲膏(大唇管及小唇管)

自從整左方便唇管裝蚊膏, 就不停有朋友問我幾時"紫雲膏"有唇管裝. 真係太方便啦~

得得~~等我回回氣就整.

得左~仲整左兩款添.

大唇管就媽咪keep, 細唇管就比小朋友帶返學校/隨身帶, 各位媽咪話: 就算唔見左就無咁肉赤~

大家滿意啦~ 

鼻敏舒緩膏

每次季節轉換之時，家中兩位鼻敏感男士一定係鼻水長流不息，時時莫名其妙地鼻哥癢，一早一晚都會突然猛打噴嚏，半夜訓訓下覺有時都會突然打噴嚏，又或者因為鼻塞而醒左，佢地辛苦之餘，我亦唔好過，要諗下辦法至得. 

比我搵到啦~

鼻敏舒緩膏

用左天然甜杏仁油、天然蜜做基礎, 加入綠花白千層、歐薄荷、茶樹、尤加利精油來整.

搽左有一點涼涼的感覺，不會太刺鼻，味道會有一d提神既感覺，可以舒緩鼻塞發痕及流鼻水既徵狀，“大少”覺得好岩用，整左幾樽,一樽比佢帶返學， 阿囡唔執輸，亦要一樽. 後來佢同我講，有時因為鼻屎太硬了唔到出來，佢用舒緩膏, 過一陣，鼻屎就會軟化左，好易呻出來，呵呵~咁都比佢諗到.

同朋友傾開計, 原來好多人都有呢個鼻塞鼻敏感既煩惱~香港空氣實在太差啦! 長期鼻塞訓唔好, 好影響日常生活, 特別係小朋友. 完全無精神返學做功課. 呢樣我都係切膚之痛~

一於整多幾樽比大家都"舒緩"下啦~ 
如果大家需要訂做的話, 請sent email : thriftyhousekeeper@yahoo.com.hk