炒青瓜不出水法

 

 

夏天最適時的蔬菜莫過於"青瓜".

青. 脆. 爽是青瓜的特點. 涼拌比較好做, 可一放炒, 總是水汪汪的. 

怎樣才能令炒青瓜不再水汪汪呢?

方法其實很簡易, 跟涼拌的做法一樣:

把青瓜切好, 用少許鹽拌一下, 放置約半小時, 就可以去掉多餘的水份.

這樣處理過的青瓜再下鍋大火炒, 就不再水汪汪了. 

旅行必備: 小梳打粉防衣服變臭法

如果參加短線旅行團或者公幹, 基本上衣服是來不及洗的. 要等帶回家, 天氣熱的時候, 那股味真的是.......人中欲嘔. 特別是去東南亞地區.

有沒有辦法呢? 答案是有的. 做用小梳打粉, 就可以防止出現衣物產生人中欲嘔的味道.



方法很簡單:

準備的用具: 垃圾膠袋數個, 小梳打粉一包.

做法:

 

- 每天換下來的衣服, 放進垃圾膠袋裹, 再撒上小梳打粉, 把膠袋口綁起來.

-  回家後打開, 衣物可直接放進洗衣機洗.

這個方法朋友去星加坡旅行切實執行過, 大呼實用. 幫得上大忙. 大家外出旅行/公幹, 記得帶上小梳打粉啦.

自制小梳打粉電解質飲品

何時需要電解質飲品? 大量運動後失汗, 腹瀉或嘔吐, 都需要飲用補充電解質的飲品.

一般人最方便/熟悉的做法, 就是買保礦力飲料, 其實這類補充電解質飲品的成份很簡易, 包括: 小梳打粉, 食鹽, 糖. 真的自己在家也可以調配出來.

材料:
1. 一公升冷開水
2. 一茶匙食鹽
3. 一茶匙小梳打粉
4. 四茶匙糖

方法:
將以上材料均勻攪拌至清澈為止.

是不是很簡易, 下次記得自己動啦配啦~

慳錢保暖法 － 毛毯鋪床

天氣這麼冷, 還會再冷多幾天. 睡覺時都打抖, 香港人最簡單的方法是: 開暖爐, 或者用暖毯. 可是這些都需要用電(=錢).

其實還有很多另類的保暖法, 之前我介紹了這個:快速暖被法。　

現在講另一個，就是- 毛毯鋪床法

 

這種毛毯很多人家中都有, 天氣寒冷時, 可以用來鋪在床單之上. 不需要整張床都鋪滿, 只鋪上半部也可以. 主要在背部保暖就可以. 因為背部暖, 整個人就不會覺得冷.

 

我昨晚已經鋪上, 你今晚也試一下.

小梳打粉+檸檬酸 之 洗衣機清洗法

許多人認為，洗衣機「清洗」衣物，洗完之後本身應該也乾淨了，但事實不然。因為洗衣機常處於潮濕狀態，加上衣物上的髒污、皂垢等多少會殘留在洗衣槽裡，經年累月下來，成為細菌、黴菌滋生溫床。因此, 有些朋友會發現為什麼衣物洗完後, 會有一股臭味呢??

 

為了避免洗衣機成為疾病感染源，建議每隔1～2個月清潔保養一次。

 

 

方法是這樣的:

 

步驟一: 去污

1. 將30克小梳打粉(約6湯匙)倒入洗衣機內, 選擇主洗程式, 加入清水(常溫), 洗滌五分鐘左右, 確保小梳打粉完全溶解後.

 

2. 關閉電源, 浸泡2小時. 重新開機, 先讓洗衣機轉動一至兩分鐘，你會看到有污垢懸浮, 再將水放掉, 按日常洗滌標準模式用清水洗一次.

 

3. 如發現還有污垢懸浮再用清水模式洗一次。

 

步驟二: 消毒殺菌

1. 將30克檸檬酸加水(300cc)溶解後, 倒入洗衣機內, 選擇主洗程式, 加入清水(常溫), 洗滌五分鐘左右, 關閉電源, 浸泡半小時. 再用清水洗一次.

 

簡單方便又環保, 當然也"慳錢". 比起市售專門用來洗洗衣機的產品, 小梳打粉及檸檬酸要便宜好多~

小梳打粉吸濕包

兒子長大了, 唔......腳汗也.....多了. 一脫鞋呢個味.......

剛好有對襪子報廢了, 就動手做了這個:

小梳打粉鞋子吸濕包

做法:

1. 為了防漏, 我先用"茶包袋"裝好小梳打粉, 份量約茶包袋的一半.

2. 再裝入報廢的舊襪子裹, 然後打結.

3. 塞入鞋子的頂部過夜.

問兒子感覺如何, 他說舒服了, 沒了濕氣的感覺. 還自動把吸濕包轉塞到他的球鞋裹.

PS. 小梳打粉用過一段時間後, 如吸濕氣, 會變硬. 可取出, 拖地時加入水中用, 不會浪費.

梳打粉+檸檬酸清潔大法(二)

續上次:

砧板: 將小梳打撒滿砧板，倒上檸檬酸水，讓兩者起泡，然後用熱水沖洗，可避免細菌滋長，亦可癖除菜、肉腥味。

油煙機過濾網: 將過濾網拆下, 直接放入小梳打水中浸過夜, 再噴上檸檬酸水, 用牙刷洗刷, 油積通通BYE BYE.

 

奶積: 小朋友吃完東西, 不小心吐在圍兜上, 先撤上小梳打粉, 倒上熱水用牙刷刷洗一次, 再噴上檸檬酸水, 再用洗水洗淨. 就可以乾淨又無異味.

 

2. 廁所清潔

馬桶內側: 倒500cc的檸檬酸水, 最好沿著內側倒一圈，讓所有表面多少有檸檬酸水。沒時間的話就靜置10分鐘，污垢較多時放個半個鐘頭至二個小時皆可。然後在馬桶內側所有的地方都灑上小蘇打粉。灑多一點在馬桶內的水（現在已經與檸檬酸水混合了），然後就會出現起泡聲，約10秒後，拿馬桶刷把內部刷一刷，污垢就乾淨了

 

3. 露台清潔

地磚: 比較污糟的地方, 先用塗上小梳打糊, 再用刷子刷洗一次. 沖淨後再噴上檸檬酸水, 防菌防霉.

梳打粉+檸檬酸清潔大法

小梳打粉和檸檬酸單獨使用的方法已經講過, 再講的是......他們兩位如何"結和"起來, 使威力倍增.

1. 廚房清潔

排水孔：廚房經常性積累油垢, 最容易淤塞的地方. 將蘇打粉約100g 倒進排水孔內，等待五分鐘, 再以一匙檸檬酸溶解於200ml 50度溫水中, 倒入排水孔，兩耆混合後會產生二氧化碳氣體(會聽到起泡聲), 會將污垢浮出。等待半小時後, 再倒進溫水清洗.

 

排水孔過濾格: 過濾細格內, 容易沾有油膩的污積, 很難清洗. 只要反轉過濾格, 撒上小梳打粉, 靜止數分鐘, 再倒上檸檬酸水, 待起泡聲靜止後, 用牙刷輕輕擦拭, 可輕鬆除去污積.

 

再續.//////

梳 打 粉 家 居 清 潔 大 法

再續講天然無毒清潔劑, 大家要記下來啦~

梳 打 粉 家 居 清 潔 大 法

小梳打即煮食醃肉用的梳打粉，本身可食用，殘留物質也不會對人體有害，用來清潔食具最佳；把一至湯匙小梳打加入一杯水，即可製成梳打水。

清潔塑膠用具

-          膠凳, MOUSE, 膠箱污積表面噴上梳打水, 再用濕布抺擦。

消除奶瓶異味

奶瓶殘留的味道，可用小梳打2大匙加半盆熱水,浸泡一個晚上, 即可除去。

拖地(廚房)

將6湯匙梳打粉倒入半桶溫水，用以清潔地磚污漬，十分有效，而且不用過水。

天然吸味劑

-          存入小杯, 放入雪櫃即可. 三至六月換一次. 換出來的仍可用作清潔用途.

-          把梳打粉放進舊襪子，放在鞋櫃角落異味, 放入鞋中可吸汗臭味.

-          灑小量梳打粉在垃圾桶底, 可減少垃圾桶臭味

去爐台、排油煙機頑固油污

梳打粉加溫水開成糊狀, 放置油污表面, 半小時後用百潔布洗刷。

清潔地毯

將梳打粉灑在地毯上過夜，再用吸塵器吸淨。

洗衣除臭

洗衣時加一大匙進洗衣機，可助除汗臭味。

檸 檬 酸 家 居 清 潔 大 法

今次創藝墟, 我順手帶了"檸檬酸"和"小梳打粉"去, 心裹抱著: 這麼好的天然無毒清潔劑, 要介紹給多些人認識這個想法的.

結果......很多人都詢問了, 原來大家都想用這種天然無毒清潔劑, 不過認識不深, 不知道如何使用. 還好我準備了半張紙的介紹.

這張介紹很受歡迎. 好些人拿不到. 我在此再張貼, 大家記得抄下, 記得如果應用.

檸 檬 酸 家 居 清 潔 大 法

洗衫:

1.      除”嗡”味: 將檸檬酸2-3湯匙加入半面盆熱水後浸衫(半小時), 再放入洗衣機清洗, 可除去衣物上的異味, 也有潔白作用。

2.      當作衣物柔順劑:將檸檬酸2-3湯匙加入250ml水混合，放入洗衣機的柔順劑格中。

廚房清潔 :

1.        洗淨電熱水煲內水垢: 可用2湯匙檸檬酸加入水煲中煮沸，靜置6小時後洗刷，可使內膽光潔如新，更有除菌作用。

2.        玻璃杯清潔:盆中加水加入一湯匙檸檬酸，浸泡3小時候後沖擦。

浴室清潔 :

1.        洗淨馬桶: 直接放檸檬酸2-3湯匙於馬桶內，靜置一夜，輕鬆洗刷即可。

2.        洗淨潔具: 將檸檬酸1湯匙加200ml水調和成清潔液，水龍頭的水垢可噴上檸檬酸液，用海綿洗刷後即可變得光亮, 洗水盆浴缸上的水垢亦同樣可除去。

家居清潔 :

1.      洗淨銅器: 用檸檬酸水噴濕紙巾, 蓋置在銅器或銀器上過夜, 第二天再抺擦, 器具就會變得閃亮。

2.      除熨斗水漬:將檸檬酸水噴在抹布後擦拭。

3.      抺窗: 噴上檸檬酸水後抹擦, 更晶瑩剔透。

 

明天貼小梳打粉用法.

報紙吸臭法

我諗大家都有試過呢個苦惱: 廚房既垃圾桶發出臭味. 尤其係天氣熱果時. 諗起要清洗垃圾桶, 真係好唔願做啊~

後來知道左一個簡單既方法, 可以好快解決問題.

就係: 墊D報紙係垃圾桶底.

垃圾桶既臭味, 好多時係由於食物既汁液, 係垃圾膠袋滲出, 留左係垃圾桶而產生既. 墊左報紙就可以吸左呢D汁液. 當你感覺有臭味既, 拎起D報紙換過新既就得. 

你都試下~慳返好多功夫.  

清潔去污好幫手 -- 扇牌洗衣皂

依家超市既洗衣產品都係多到你唔知點簡, 各有唔同既功能, 有D專洗領口, 又有專洗內褲. 我都試用過一D, 不過最終發現原來呢隻"扇牌洗衣皂"最好用.

簡單既包裝, 便宜既價錢, 超市都上唔到架. 只可以係藥房先買到. $6 兩塊, 係我地阿媽以前洗衣既必然選擇. 洗領口袖口污積, 捽幾捽就乾淨曬.

我仲發現佢去油效果同樣一流. 用刀仔批D碎塊, 浸過夜制成為皂液, 用來抺廚房爐頭, 墻身污積, 即去乾淨曬, 天然環保. 廚房肥淋淋既抺布, 用皂液浸過夜, 即刻乾淨曬. 清潔劑都慳返唔洗買.

你都試下就知有幾好~

掛毛巾小方法

我屋企既毛巾本來係就咁掛係掛勾上, 但係就好容易甩, 尤其係廁所果條抺手巾, 小朋友用完就幾乎次次都係跌落地.



為左唔想次次都去執, 我唯有諗下計仔.

登登登......, 比我諗到加個咁既夾.

就係咁樣, 毛巾唔再甩, 唔洗成日執.

你都試下.

報紙吸濕法

呢排天氣真係激死人, 每日都係"濕", 好多日都未見過太陽. 成間屋都係"濕立立". 衫又唔乾地下又出水. 有日濕度竟然去到100%, 真係差d唔信自己對眼. 以為自己睇錯添.

出街返來, 對鞋唔想即刻入鞋櫃, 諗住放係地下等佢乾下水氣, 先至放入去(費事攪到鞋櫃一陣味), 點知一陣之後拎起對鞋, 見到地下成隻鞋"水印". 


點攪啊~見到隔離回收箱入面既報紙, 即將諗到咁處置:

報紙吸濕既效果好好嫁. 放左一陣, 等鞋底既水氣乾左, 至放入鞋櫃, 係唔係好簡單呢!

做左呢一步, 鞋櫃就唔會咁臭啦~

如果覺得鞋入面都好似有水氣, 將報紙卷成一

你都試下啦~

手套頸巾的存放

天氣突然間又跌十度, 羽絨褸手套頸巾齊出動. 著到成身肥 do do, 換衫都要換耐d, 真係都幾煩.

最煩就係臨出門口, 先來搵唔到手套啊, 頸巾又唔知塞左去邊, 尤其係家有小朋友,又係朝早返工返學趕出門口既時間, 果刻真係想死. 又或是出左門, 先至醒起唔記得左帶, 趕時間又唔可以返轉頭, 唯有硬著頭皮頂硬上.

要避免朝早家吵屋閉, 我既小秘方就係:

手套頸巾一定塞係羽絨褸既衫袋入面. 天氣凍一拎件褸著, 其他既配件自然跟手到. 亦唔怕自己無記性, 出街醒起要帶, 就一拎就有.

當然要呢個方法行之有效, 返到屋企除衫, 一樣要跟手將配件收入衫袋. 特別教小朋友都一齊做. 咁樣就慳功夫慳時間之餘, 阿媽又唔洗成日變"癲婆", 反轉間屋來搵野啦~

你都試下啦~

風褸外套的摺法

大家既冬天衫, 應該出曬場!

天氣凍, 著得衫多, 但係一去有暖氣既地方或者搭地鐵人多, 就要除褸. 一家四口就攪到一大堆野, 呢個可以話係冬天既煩惱.
帶小朋友出去玩, 一熱起上來, 佢地又係除曬d褸, 結果......又拎到阿媽一手都係.
屋企既衣櫃係呢個時候, 特別覺得唔夠用, 比d肥嘟嘟既褸塞到爆曬棚~

點攪~
同大家分享慳位摺外套既方法, 希望可以減輕下大家既煩惱啦~

睇片: 風褸外套的摺法



肥嘟嘟外套"瘦身法"






好唔好呢~比d意見. 慳唔慳位呢? 真空袋都唔洗用啊~

好~

咁仲唔即刻郁手摺. 小朋友自己都做得來嫁~

去年的潤唇膏

不知不覺"霜降"都已經過去了, 一早一晚嘴唇也開始覺得有點乾. 翻箱倒篋了一陣子, 把去年丟在櫃底的"潤唇膏"找了出來. 可是......已經放了一年, 應不應該繼續用呢~雖然看上去感覺還是可以的, 但心理上有點怪怪的. 丟掉嗎~又覺得好像有點浪費!

你有沒有以上的感覺呢~

其實所有的"潤唇膏"除了用來潤唇, 還可以用來滋潤手肘, 腳肘. 特別是用天然蜂臘植物油制作的, 絕對能夠舒緩手肘腳肘的硬皮, 改善脫皮及乾燥的情況.



去年的潤唇膏有用處了~不要一手就把它丟進垃圾筒啦~



 

去年的潤唇膏

不知不覺"霜降"都已經過去了, 一早一晚嘴唇也開始覺得有點乾. 翻箱倒篋了一陣子, 把去年丟在櫃底的"潤唇膏"找了出來. 可是......已經放了一年, 應不應該繼續用呢~雖然看上去感覺還是可以的, 但心理上有點怪怪的. 丟掉嗎~又覺得好像有點浪費!

你有沒有以上的感覺呢~

其實所有的"潤唇膏"除了用來潤唇, 還可以用來滋潤手肘, 腳肘. 特別是用天然蜂臘植物油制作的, 絕對能夠舒緩手肘腳肘的硬皮, 改善脫皮及乾燥的情況.



去年的潤唇膏有用處了~不要一手就把它丟進垃圾筒啦~



 

神奇小蘇打清潔法之小總結一

身體力行地用了小蘇打粉代替化學清潔品一段時間, 第一個小總結是: 清潔塑膠類用品真的非常好

.

家中塑膠制品真的非常多, 小蘇打水, 對尤其是表面不平滑的塑膠用品, 效果特別明顯, 幾乎是一擦就乾淨, 好像電視廣告一樣,

請看:

1. 家中的"老鼠".

清潔前  

 
把小蘇打水噴在布上, 只擦了一下, 就看到了差別~


清潔後:  

 
2. 囡囡心愛的八達通卡套, hello kitty 變的"灰頭灰臉"了~  

 
也是噴小蘇打水在布上, 輕輕一擦,  Hello Kitty 立即"美白"了. 

3. 洗菜的隔水盆, 以前怎麼洗總是覺得不夠乾淨, 用小蘇打一噴, 等一會兒, 再噴上"檸檬酸"水, 帶上手套, 用手輕輕擦幾下, 一沖水, 摸上去好爽, 真的乾淨了.

4. 墊腳的小板凳, 也是一擦就乾淨.

5. 小朋友用來帶茶點的小塑盒, 乾淨之餘, 還可以去掉食物的殘留的味道. 

還有:電腦鍵盤，分隔餐品的膠盤，　擦牙用的膠杯，　小朋友的玩具等等。　

太開心了，　真的太方便了。　 最重要還是　"天然無毒".

你用了沒有?? 還沒, 趕快試一下,你會愛上"它".  

 

 

 

 

 

 

 

 

 

銅器變靚法

檸檬酸除左令水煲水龍頭"返老還童", 原來對銅器都一樣得嫁~

呢個門柄出曬銅綠

好似對付水龍頭水積咁樣, 照板煮碗用紙巾幫佢做mask~

包左紙巾, 再噴上檸檬酸水, 過夜.

第二朝用乾布捽乾. d銅綠無曬.靚返曬~