慳時間之一個活動一個袋

小朋友課外活動多, 每次外出之前要收拾所需用品, 都很煩瑣. 又常有遺漏. 真的煩不勝煩.

如果你都有過以上的煩惱, 這個方法能幫你.

很簡單: 一個活動一個袋

就是每種活動所需要的用具, 各用一個袋子裝好.

例如跳舞活動, 舞衣跳舞鞋襪子頭飾等固定用具, 每次用完或洗完都放回原袋子裹.

好處是:
1. 出發前就不需要另費時間收拾.
2. 不再有遺漏.
3. 小朋友自己也可以收拾, 不需要大人協助.

用這種方式管理, 生活會簡易得多.

當然, 這個方法亦可以用在大人身上.

慳錢生活。衣 (四)

唔知大家買襪既習慣係點樣. 我見有D人仲意買唔同既花/顏色, 一款一對. 我就習慣一次過買幾對同款同色. 點解會咁樣?

因為我發現D襪通常係因為腳指位穿左, 所以要丟. 而且, 一對襪通常唔會一齊穿, 好多時係穿一隻, 另一隻完好. 如果買同款同色, 咁未穿果對可以繼續著到一排.

另一樣好處就係, 永唔會著錯襪.

利是封回收(1月29日至2月14日)

熱熱鬧鬧的過了新年, 今天天氣特別冷, 特別有新年氣氛.

過了初十, 相信大家都拆了利是. 跟去年一樣, 環保組織"綠領行動"舉辦"利是封回收行動", 在全港設一百五十多個回收點，包括領匯商場、銀行、住宅屋苑等

詳情：可參考www.greeners-action.org.

時間：2012年1月29日至2月14日

地點:領匯旗下50個商場　香港機場管理局　信和集團旗下19個商場　永隆銀行各分行　恒基兆業12個屋苑

大家拆了利是, 如果不想留下明年再用, 記得帶上, 投入回收箱.

慳錢生活。衣 (三)

三. 舊衫的處理方法

上回講到要"著來著去果兩件", 又講埋點樣執衫. 接落來當然係要講埋舊衫既處置方法先至叫完滿~

其實之前都講過下, 不過再講多次, 相信大家都唔會覺得我煩既, haha......

我會跟以下既次序去處理:

1. 如果係全新既, 或者好新既, 可以放上網賣, 變返錢.

2. 如果係唔岩身但又唔太舊既, 問下身邊既女性親友(我通常會問阿媽同阿妹, 因為佢地瘦過我), 睇下佢地岩唔岩著, 要唔要接收. 小朋友既衫就送比細個d既小朋友著.

3. 送比工人姐姐(朋友/親友)著.

4. 出街衫變睡衣著. 綿質既衛衣/長袖T-shirt都可以咁樣處理, 綿質既長褲都可以變睡褲. 唔洗特登要買睡衣, 又慳一筆.

5. 去街衫變底衫. 尤其係小朋友, 佢地d衫好快變細件, 只要衫身仲岩著既, 長袖t-shirt可以當冬天底衫著. 短袖 T-shirt就當春秋天底衫, 反正佢地既衫多數係全綿質既.

6. DIY改衫(如果你識既話). 例如: 爸爸既 shirt衫衫袖, 可以剪落來, 加條象根, 改為小朋友畫畫時用既"手袖套",  好用過街買果d. 舊T-shirt改為枕頭套.

7. 用舊左既毛巾, 變成抺手巾.

8. 拎去環保回收站賣($3 1kg), d錢比小朋友(如果有)做零用錢. 

9. 丟落樓下衣物回收箱益管理處.

10. 包好放入垃圾房益清潔阿姐.(d舊衫都值錢嫁, 阿姐會收集埋一齊先交去回收站賣)

11.全綿底衫可以剪開當抺布/地布, 好好用嫁.

12. 大件既過頭昱衫可以剪短d, 當衫罩套住西裝防塵.

13.長褲既褲筒可以剪落來, 買d綿花填入去DIY做攬枕. 

14. 比寵物墊住訓覺(冬天既時間係需要嫁)

再續......

慳錢生活．衣(二)

再講點樣節衣

2. 著來著去果幾件

上回講到要限制儲衣空間. 有blog 友就問: 咁咪會攪到著來著去果幾件.

無錯, 就係要攪到自己咁樣. 其實我地"需要"既唔係太多, 係"想要"既太多. 由於儲衣空間有限, 就會焗住自己去執好d衫. 只有最常著既衫先至可以留低.

如果你認真執下衣櫃, 會發現經常著既衫真係來來去去果幾件, 塞實衣櫃既衫其實好多一年都著唔到幾次, 例如: 節日著既衫, 出席宴會既禮服, 冬天既大褸 (好多人有好多件包括長褸, 短褸, 中褸, 風褸, 羽絨褸, 皮褸......等等, 每種都有幾件), 有記念價值既衫 (阿囝BB果時著既衫, 唔捨得比人等等), 去旅行滑雪買既雪褸, 公司 annual dinner 既晚裝, 化裝舞會既衫等等.塞到個衣櫃實一實.

另外仲有d係因為種種原因( 肥左, 瘦左, 無場合岩著, 無鞋襯, 有d過時......), 幾年都無著過 因為有空間就留低, "幻想"可能某一日會著返. 

我會乘轉季時大執衣櫃, 如果有1年都無著過既衫, 盡量會送出比人, 無人要忍痛都要送去回收.

同mark數既原理一樣, 節衣既第一步係: 分門別類, 執好衣櫃入面既衫, 分清楚邊d係日常著既, 邊d係間中著, 邊d係一兩年都無著過既.

咁樣分左d衫先. 你會好清楚邊種類既衫適合自己, 成日著, 第二時要添裝, 都係買果種. 咁就唔會因為sales 落嘴頭, 雜誌講潮流興, 一時衝動又買左. 

下次再續.......

慳錢抗通漲

近幾個月來, 越來越少去超市, 因為主要既食物都係批發到買, 日用品多數係藥房, 對超市既價格留意少左.

近排"通漲"呢個題目又多左人講返, 大家又提出要點樣先至可以"慳"d,  同兩年前一樣. 唔通無"通漲", 大家就唔洗"慳".

對我來講, 生活都係一樣, 無論有無"通漲", 一樣"慳"住過日子.

我有咩慳錢方法?? 一路有睇我既人當然知. 不過總結一下:

1.  唔"需要"既野唔買, 唔買就係最"慳"

2. 格好價先去買, 自己做記錄(記住價錢), 唔怕買貴左

3. 經唔同既途徑去買, 批發買可以最平

4. 盡量"重用"物件.

5. 用二手野, 例如: 小朋友可以著舊衫

6. 錫住d野來用, 用耐d, 又慳d

7. 盡量DIY, 不求人就最慳

8. 固定買既物品及牌子, 容易記住價錢

9. 唔好貪新鮮試新野, 多數會唔好, 結果又係要丟

10. 減少購物既次數 = 減少買錯野/買多左無謂野既機會.

11. 盡量使用免費設施.

12. 盡量參加免費活動

13. 盡量領取免費物品

.......

講住咁多先. 歡迎大家接寫落去!!.

慳錢生活．衣(一)

依樣對女人來講真係好"難"做到. 十個女人有九個把口都係成日話無衫著.

早排係網上見到外國有人發起"節衣行動". 方法係一個月只著十件衣服(包括衫褲裙), 配襯得宜, 連屋企人都唔知佢一個月著來著去都係果幾件衫, 真係咁都得. 其實我地實際既"需要"比我地"想要"既少好多.

我既節衣方法係:

1. 唔好增加儲物(衣)空間

好多人覺得個衣櫃成日都唔夠位放, 諗住買多個櫃就可以解決問題, 其實係本末倒置. 無論空問增加左幾多, 慢慢又係填滿左. 好少人可以做到個衣櫃好似 display果d咁整齊.

既然塞滿衣櫃好似係人既本能咁樣, 增加空間結果只係令你越儲越多衫. 不如限住自己, 空間就係得咁多, 四季衣服都放曬一齊, 逼令自己無法增加衣服既數量. 極其量就係一件換一件, 想買衫既時候就會有顧忌.

待續......

叫圖書館買書

好開心啊~收到圖書館比我既回覆email, 早排建議既書佢地買左啦~圖書館通知我可以去借啦~

親愛的讀者：

你所建議我們購置下列資料，有關資料已收入公共圖書館藏館。你可透過公共圖書館網站查看詳情 (www.hkpl.gov.hk).：

參考編號	書名	索書號
CW-2009-243	孩子,你的敏感我都懂	523.12    0708

謹此多謝你對公共圖書館服務的支持。

康樂及文化事務署署長
(黎潔瑩女士           代行)   

圖書館係唔係對我好好呢~ 其實佢地對每個市民都咁好嫁~

唔講可能你唔知, 大家如果睇到咩好書, 而圖書館係無既, 都可以向圖書館提出購書建議, 佢地就會納入購書名單, 如果買左就會通知你去借. 咁當然你要等下, 因為"程序需時". 不過值得等既, 實在家下一本書真係好貴.

點樣提出購書建議? 我通常都係網上做. 上圖書館既網頁:

進入: 圖書館館藏==>購書建議

跟表格要求填好就得啦~好簡單. 圖書館仲多謝你"豐富左香港公共圖書館的館藏及擴闊市民的閱讀空間。"添.

為人為已, 大家都快d幫手比建議啦~ 

慳錢生活．水電煤(三)

再續講點樣慳水:

3. 洗衫

- 好似政府係電視賣廣告咁話, 儲埋一機衫先開洗衣機啦~慳水又慳電.

-如果一個人住, 可以考慮用細容量既洗衣機. 市面上有d一人用洗衣機, 細細部慳位又慳水.

- 可以考慮一下人手洗衫.

- 嘗試將d衫著多幾次先洗, 下身著既褲/裙唔需要著一次洗一次, 減少洗衫既次數, 慳得仲多.

- 唔好用厚大毛巾, 轉用薄身細條小小既毛巾抺身. 一家人唔需要每人用一條毛巾, 可以大人一條, 小朋友一條, 抺完身撐開來掛, 等佢快d乾, 使用毛巾既數量減少左, 就可以減少開洗衣機既次數. 因為毛巾都佔洗衣機好多既位置嫁~

- 比起夏天, 冬天時床單/被可以用耐先換.

- 夏天鋪席, 床單又洗少d啦~天氣唔係太熱, 仲可以慳埋冷氣添.

 

慳錢生活．水電煤(二)

慳煤氣(燃料)既方法:

1. 煮野之前睇下煲/鑊底乾未. 未乾就抺乾佢. 無左水份, 加熱就會得快,

2. 火開到同個煲/ 鑊底一樣咁大個圈.

3. 滾湯/煮面要記得蓋上蓋, 熱力就唔會流失.

4. 要煎要煮既菜, 盡量利用一鍋數菜既方式煮. 例如整早餐, 同一時間煎蛋, 腸仔, 火腿咁樣. 或者整d一鍋數食既菜色.

5. 燜既食物盡量用真空煲煮, 煲湯/煲粥都係, 慳返好多煤氣.

6. 根莖類既蔬菜, 好似椰菜花/豆角/羅白/芥蘭等, 都可以先用水焯過再炒, 慳時間又慳火.

7. 夏天沖涼, 過完水可以關上水制, 捽完身再開返, 唔好水開流, 除左慳煤氣, 仲慳埋水.

8.  可以既話, 夏天沖凍水涼, 唔開熱水爐就最慳.

9. 如果係用儲水式熱水爐, 最好係一家人接住沖涼, 水就唔會凍左又要熱返.

 

 

八達通日日賞

日日賞又有新一期優惠啦~~睇下邊個岩你多d~

日日賞最新優惠

誰是「扯電王」？

7月9日 星期四 00:01

每年夏季，選美活動令香港頓變得熱鬧起來，哪位佳麗登上冠軍寶座，成為不少人的茶餘話題。另一個「競選」，大家都可能大感興趣：誰是家中的「扯電王」？來自全港18區住戶的Miss Air Con (冷氣機)，佔住宅用電量34%，以大熱姿態榮封「扯電王」，其次為Miss Lighting(電燈，佔22%)，之後有Miss Fridge (雪櫃，佔14%)和Miss TV(電視，佔7.3%)。冷氣機佔住宅的用電量遙遙領先，「扯電王」稱號認真實至名歸。

炎炎夏日，不少住戶差不多天天長開冷氣機，偏偏冷氣機屬用電量之冠，為荷包、為地球，該如何節能、減排？以下與大家分享智選電器、英明用電的低碳貼士。

以冷氣為例，分體式較窗口式省電，因為分體式有較大的外置機身來散熱，如以每年運作1,000小時計算，一部符合能源效益的1匹分體式冷氣機，每年約耗電800度，排放520公斤二氧化碳；相同匹數的窗口式，耗電量則接近900度，相等於580公斤碳排放。

冷氣機又可配合電風扇使用：每調低冷氣機攝氏1度，電費便增加6%，而使用電風扇10小時，電費只是6毫 。此外，不要小看窗簾的能力，利用窗簾避免房間直接曝曬，是最有效減少冷氣費的方法。

想知道更多低碳貼士、選購節能電器？《低碳生活電器選購指南》幫到手！

為屋企，慳電重要；為地球，減碳更重要；一起努力創造綠色香港，共同對抗氣候變化﹗

想慳錢既你, 一定要入去睇下d貼士~~

想慳電一定要知~

如果你想慳電, 就一定要知道依d數據:

你知道嗎? 本港家居九成電力用於：

 

九成電力用於

 

另外半成至一成用電，就白白花在讓電器處於備用狀態(standby)！
立即使用我們的 家用電慢慢碳計算器，找出你家的慳電大法！

想知道自己屋企各款電器有幾"食"電, 就要用家電有幾"碳"計數機 計下佢啦~ 你就知道由邊到慳起啦~

轉車慳時間法

由於公司搬左, 我搭地鐵返工變左要轉三次車(以前一程車直到), 真係轉車既時間仲多過坐車既時間, 不停咁樣起身==>行, 起身==>行, 起身==>行, 由於每次轉車既位置都唔同, 攪到成朝都要係月台同人逼逼逼, 好煩啊~~ 轉得車多亦意味住送車尾既機會都多左 , 朝早有時真係分秒必爭嫁嗎~~送左車尾分分鐘就變成"遲到".

為左避免依個情況既出現,我就咁樣做:

1. 每次上車就(盡量)行到接近轉車時需要既位置, 車一到站, 一落就可以出要轉車既位, 唔洗係月台同人逼住行.

2. 轉車時唔想行咁遠, 盡量利用升降機. 例如: 係鰂魚涌轉車本來要行一大餐(長長長既走廓), 其實車站係有一部升降機, 如果坐到升降機, 一出就係下層月台, 唔洗行. 如果坐唔到都唔緊要, 係升降機隔離仲有一條樓梯, 行樓梯都可以直達下層月台, 兩個方法都比行果條長廓慳時間慳腳骨力.

用左依個方法之後, 好處有:

1. 慳左時間, 因為唔洗係月台同人逼住行.

2. 行少左路.

3. 感覺成個路程順暢左, 心情都好左.

4. 有時時間配合得岩岩好, 一去到月台即有車, 感覺特別好, 成朝都醒神d.

煩人既事依家變得不煩人啦~~

舊衫的處理方法

有blog友問: 我有D舊衫唔啱著，掉咗佢又好浪費，可否教我點處理?

方法有好多種:

1. 如果係唔岩身但又唔太舊既, 問下身邊既女性親友(阿媽/阿妹......), 睇下佢地岩唔岩著, 要唔要接收.

2. 比阿媽寄返鄉下.

3. 比工人(如果有)寄返鄉下.

4. DIY改衫(如果你識既話)比狗仔/公仔著. 

5. 拎去環保回收站賣($5 1kg), d錢比小朋友(如果有)做零用錢. 

6. 丟落樓下衣物回收箱益管理處.

7. 包好放入垃圾房益清潔阿姐.(d舊衫都值錢嫁, 阿姐會收集埋一齊先交去回收站賣)

8.全綿底衫可以剪開當抺布/地布, 好好用嫁.

9. 大件既過頭昱衫可以剪短d, 當衫罩套住西裝防塵.

10.長褲既褲筒可以剪落來, 買d綿花填入去DIY做攬枕. 

11. 比寵物墊住訓覺(冬天既時間係需要嫁)

仲有無人諗到多d呢??? 

母親節的晚餐

上星期母親節, 我地無出街, 請左母親大人來我屋企食飯. 我係凍肉批發訂左d凍肉, 親自整左3餸過佢食. 佢又帶左一條石斑來加餸. 睇下食咩餸先:

1.七彩牛柳絲炒牛肉($33)

 

2.香草煎羊扒 ($55)

3. 蒸石斑($85, 阿媽帶來既)

4. 炒白菜 ($6)

咁開心, 老公又開左支紅酒 ($76)

食住羊扒飲紅酒~~味道好夾啊~(老公話). 咁開心, 阿媽都飲左d.

食飽飲夠之後, 我再比分左d牛扒, 羊扒比阿媽同埋阿妹帶走, 阿媽來我處又食又拎都係第一次(通常都係我去佢處又食又拎), 有得食阿囡煮既餸同埋有"禮物"收, 當然好開心咁走啦.

依餐圍起都只不過係$255元(每人都只係$51). 識得慳,就食得豐富又開心.

慳錢生活．水電煤(一)

水電煤三寶, 我地一入屋就要用佢地. 我知唔少人電費水費煤氣費月月都過千~~長期咁樣, 一年落來條數都好溶~其實要慳, 一d都唔難. 方法仲係個個都可以做到.

先講點樣慳水:

1. 洗手

- 水龍頭唔好開盡, 只需要開一條鉛筆咁粗既就夠啦~

- 洗手液唔好用太多, 擠小小就夠啦, 將買返來既洗手液加水稀釋或者自制洗手泡泡, 過水就唔洗過咁耐啦~順手仲慳埋洗手液既錢添

- 捽洗手液既時候, 唔好由得水長流, 先關上水喉.

2. 沖涼

- 換一個低出水量既花灑頭(日本城有得賣), 每次沖涼都慳到水.

- 如果唔係用恆溫熱水爐, 由噠著熱水爐至水熱, 中間時間流出來既水, 用盆留起佢. 可以用來洗碗/洗面/淋花/洗衫/洗手/拖地.......

- 沖涼液一樣加水稀釋左先用, 市面賣果d一般都好杰下.

- 沖涼液亦唔好搽太多, 一蚊銀咁上下大就夠啦, 咁過水可以過快d.

- 沖涼時洗埋頭, 一次過做曬2件事.

- 天氣暖既日子, 過完水捽身既時候, 關上水喉, 唔要水長流.

- 盡量用花灑沖涼, 減少浸浴.

- 沖完涼既水, 可以留起部份用來拖地.

慳錢生活．食(七)

7. 返工食飯慳錢法

個個返工都要食飯, 有咩法子慳錢呢~

- 係屋企食早餐, 一日都慳十蚊八蚊. 如果真係食唔切, 咁就買個面包食. 有時唔想食面包, 間中我都會係街買早餐, 不過我多數唔要飲品, 又慳返幾蚊.

-晏晝果餐最慳就緊係"帶飯". 不過唔係個個人都帶到飯, 咁可以試下:

*如果工作上容許, 晏d先去食"下午茶餐". 好多食店2點就開始啦~價錢平d又唔洗同人逼.

*如果一定食一點, 買飯食果時, 唔好買套餐, 叫佢比杯水, 清水免費. 

*夾埋同事一齊食, 2份餐三個人食(女仔細食多數夠食).

*盡量利用coupon, 新年後好多食市都推出coupon(免費報紙上有得剪), 一般都慳到$3-$5蚊.

你仲有咩好計~~

新年裝飾($0)

年年新年既裝飾用品, 我都無需要比錢去買, 今年亦係一樣.

大門口有: "財神到"

見左幾十年, 都一樣咁好睇既~~

囝囝房門有依張, 某日係街邊有人派既. 又可愛又好意頭, 比起賣果d一d都唔輸舌~

自己房門有依張: 無價寶~~ 阿囡親手做既, 仲係佢親手貼上去既添. 出年一定發財啦~~

利是封就從來都未買過, 其實家下d免費利是封無論設計紙質方面都真係好靚, 加上近年果d都用左環保設計, 用一次真係唔捨得丟~~

依d舊年留起所收到既"精選", 今年就再用多一次啦~~

我地身邊實在太多資源啦~~

慳錢生活．食(六)

6. 一次過煮多d

點解~~仲洗講, 慳時間慳功夫又慳火.

我仲意煮d大大煲既送, 例如冬天就煮咖哩薯仔紅蘿白炆雞/牛腩, 栗子炆排骨, 夏天就煮"苦瓜炆排骨", 依d咁既菜色, 第二日再煮熱, 分分鐘仲好味過第一日果時.

又例如第二日如果打算食炒飯, 我會之前一晚煮多d飯, 留起d飯第二日炒. 煲湯就煲多d, 分兩日飲. 

如果炒面/炒米粉/菜飯/意粉, 就炒/煮多d第二日帶埋飯返工.