新年進步

祝

大家龍年

龍馬精神!
事事如意!
家肥屋潤!
仔女孝順!

***  新年新氣像 ****

《不懂嚼骨的新一代－－會笑的媽媽(2)》

上星期借了這本書, 這幾天一直看, 不得了, 不能夠在地鐵上看, 因為眼淚怎麼不知不覺流了出來. 因為這本書觸動了心中的某個痛處. 還是留著夜深人靜時慢慢看吧.

每個家庭都有一個令人動容的故事。

鄧藹霖像讀心神探，把在每個人心底的秘密與忍痛，層層掀起，發現了……

獨撐一家的威武大哥，原來是被奪去童年的受害者；能言善道的紅DJ，心裏卻關著虛怯自卑的小女孩；捨棄親女的婦人，以為女兒會享有榮華富貴，結果鑄成大錯；連鄧藹霖自己，也曾因長子就讀小三時因為考尾五，完全失去學習動力，叫她苦惱不已，一度藤條作武器。她後來痛定思痛，找出激勵孩子的竅門，不僅享受快樂的親子關係，長子更於今年在香港大學以一級榮譽畢業。

父母培育孩子，固然會遇上逆境，當港孩變成不懂嚼骨的新一代時，更須訓練小孩堅毅的性格。鄧藹霖跟你分享如何從幼兒階段起，在日常生活中提升孩子獨立自主，及抵抗逆境的能力。

不知不覺中, 你也會反思一下自己, 不論有沒有孩子都值得一看的書.

試試挑戰你的眼淚吧~

圖書館索書號: 528.2.1741

 

 

點樣先儲到錢 (六:一切有可能)

時不時都會收到d 朋友/ blog友問我點先儲到錢. 

"可唔可以唔去旅行??"  "唔得"

"可唔可以唔買衫啊?" "唔得"

"可唔可以唔出街食飯啊?" "唔得"

 "可唔可以去平d既地方食啊" "唔得"

"生日可唔可以唔出街慶祝" "唔得"

"可唔可以唔換電話啊?" "唔得"

"可唔可以唔唱K啊?" "唔得"

"可唔可以放假唔去街啊?" "唔得"

"可唔可以唔去戲院睇戲啊?" "唔得"

好多時答案都係咁樣. 樣樣都係必需, 一樣都唔少得.

如果你真係下定決心要儲錢, 以上樣樣都係"得".  

一切都係視乎你既"心" 堅唔堅姐~

改變你的思想, 由生活中細節著手, 一切都係有可能既.

購物清單(Shopping List)

一個家庭既採購工作十成九都係阿媽做曬~~依份工一d都唔易做, 工作量大(又要搬又要托, 少d手力都唔得), 又煩瑣. 一個屋企要用既野真係零零碎碎, 立立雜雜.

我地依d在職媽咪, 又要返工又要臭仔, 時間真係非常緊逼. 加上自己d記性又越來越唔好, 依頭醒起果頭又唔記得. 為左更有效率咁做好"採購", 我每個星期六/日, 出街行一轉做主要採購工作, 事前我會準備一張"購物清單".

依張清單點樣準備呢? 其實好簡單: 貼張紙係雪櫃門, 每次發現屋企既物品就用完, 順手就寫上去. 採購前帶埋出去, 咁就唔會買漏野啦~唔洗左騰加騰, 無形中慳左"時間". 亦唔會因為唔知有無存貨而買多左.

雪櫃門基本上日日都會去開, 如果發現雪櫃入面有咩食完又順手寫埋上去. 呢部份工作亦可以要求家庭成員一齊幫手寫.

Shoppping List 既另一個好處, 就係令你唔會買多野. 通常去到買野既地方, 你總會比一些物件吸引, 不知不覺就買左本來唔需要買既野. 有 shopping list 在手, 比錢之前你對一下, 有咩野買多左就一目了然, 有機會問多一次自己係唔係真係需要買.

你都開始準備你既shopping list啦~ 尤其過件前, 真係有N樣野要買.

 

手套頸巾的存放

天氣突然間又跌十度, 羽絨褸手套頸巾齊出動. 著到成身肥 do do, 換衫都要換耐d, 真係都幾煩.

最煩就係臨出門口, 先來搵唔到手套啊, 頸巾又唔知塞左去邊, 尤其係家有小朋友,又係朝早返工返學趕出門口既時間, 果刻真係想死. 又或是出左門, 先至醒起唔記得左帶, 趕時間又唔可以返轉頭, 唯有硬著頭皮頂硬上.

要避免朝早家吵屋閉, 我既小秘方就係:

手套頸巾一定塞係羽絨褸既衫袋入面. 天氣凍一拎件褸著, 其他既配件自然跟手到. 亦唔怕自己無記性, 出街醒起要帶, 就一拎就有.

當然要呢個方法行之有效, 返到屋企除衫, 一樣要跟手將配件收入衫袋. 特別教小朋友都一齊做. 咁樣就慳功夫慳時間之餘, 阿媽又唔洗成日變"癲婆", 反轉間屋來搵野啦~

你都試下啦~

港孩製造者

圖書館新書, 目前最熱既標題, 即管借來睇下.

內容簡介係咁樣既:

港孩，是社會出了錯？

「軒哥派錢事件」、「賜座男」、「港生滯留英國機場」、「失業碩士生」…從近年香港一些廣為人知的瑣碎事件，發現港孩行為背後可有另一種解讀的意思。

公主病、王子病、小霸王、怪獸家長的出現，是社會出了錯？還是我們家裡的問題？

愛孩子，不是放縱孩子。教養的妙方，不是滿足一切需要就是了。

本書《港孩製造者》從多角度分析，讓讀者了解之前一些可能「過了火」的養育方法，糾正錯誤，讓家長的至愛寶貝獲得健康的成長。



估唔到都講得幾好, 有好多實例. 亦好到肉, 可以引發父母既反思.

值得大家借來睇既書.

圖書館索書號: 528.2 1141

Happy New Year

Happy New Year!

***********
希望來年大家都一切順利!

身體健康!