豐衣足食

香港人既生活真係可以話"豐衣足食". 話豬肉, 雞, 菜貴左幾多幾多, 過年既食品一樣照舊咩都唔少得.

奶奶過年照舊比左我一隻雞, 2斤燒肉, 2隻大烏頭魚, 十二個橙, 半底蘿白糕, 一夠年糕, 一底馬蹄糕.  問題係我地一家初一至初三基本上都係佢屋企開飯. d野點食得曬. 仲有日日大魚大肉, 真係食到嘴都歪埋.

雖然天氣凍, 但d野放得耐都無益, 唔想side野, 我想到既方法就係今日拆左隻雞晏晝煲雞粥, 一家食左好舒服. 燒肉就加大介菜一齊炆, 連埋一條烏頭魚今晚食. 日日以糕做早餐.

我同老公都唔贊成奶奶買咁多野, 不過老人家習慣左, 覺得咁樣先叫做"過年"(其實就係浪費), 講極都唔聽, 唯有年年自己想辦法啦.