看得見的通漲

今日去超市入貨, 諗住乘拉左車仔, 買埋"米"啦. 行到米架一望, 嘩~~又加左價.

櫻城牌 珍珠米 5kg 原價$78.80  特價$53.50

唔係啊嗎~早2個星期先至賣$45.90. 我仲覺得貴無入到添. 一加加咁多. 離曬譜~

依隻米食左幾年, 一年前賣約 $33.90, 後來加左 $35.90. 早排米價話貴左, 一加加到$45.90. 依家再加到 $53.50. 前後加左$19.6 (58%). 到底係超市食水深, 定米商食水深. 真係無人知.

唔得啦, 一於要轉. 同老公講左, 由佢去百佳買米(因為離屋企遠), 轉食依隻:

碧香稻 珍珠米 8KG HK$68.80

叫做平返小小啦. ($8.6 vs $10.7 per kg)

通漲之下, 小市民既自保法就只有依招.