妙用隱形眼鏡盒

有日朋友雲蒂問我: 你d驅蚊膏係唔係可以止痕呢? 原來有日佢陪個囡搭校車, 阿囡話好痕, 佢搵下手袋, 屎啦~只係帶左驅蚊膏, 唔記得帶紫雲膏添. 佢諗有咩搽咩, 頂住先啦~過左一陣, 佢個囡就唔再叫痕啦~

我話佢知驅蚊膏入面既精油成份都有止痕既作用, 只係無紫雲膏咁快姐.

佢就跟手問我再要d驅蚊膏, 因為自此佢日日都幫個囡搽, 就來用完啦~我就叫佢"回樽".

送比朋友用既我都係用"環保樽"(即係重用既各式樽仔). 佢諗左一陣, 問我: 咁隱形眼鏡盒得唔得啊~我屋企有好多無用既.

得~咩盒都殺! 隱形眼鏡盒防漏一定好, 只係細個左小小姐. 叮~突然間我有個好主意~

我諗到隱形眼鏡盒可以咁用:

一邊裝紫雲膏, 一邊裝驅蚊膏, 你丟一盒係手袋, 咁就唔洗驚帶漏啦~去邊都唔怕衰蚊咬~

除左裝膏, 仲可以裝"防曬霜" "面霜" "手霜""BB cream""Lap balm" "香水膏"......等等.  

你無~, 咁快d問下你身邊有帶隱形眼鏡既人啦~佢地多數有多. 因為好多時買"隱形眼鏡藥水"會送埋.

你仲諗到可以裝咩呢??