創新科技嘉年華2010

天氣涼返, 免費活動又開始多~依個可以帶埋小朋友一齊去玩.

「創新科技嘉年華2010」將會圍繞創意機械人、智能生活及長者護理，以及環保科技三大主題。屆時，超過35個機構會設立展館或攤位，展示他們具創意的作品與科技成就。

嘉年華的節目內容極為豐富，包括本港大學和研發機構展示最新的科研成果、社會各界的創新發明、學生的優勝作品介紹及展出、創意科技比賽、攤位遊戲、講座、創意工作坊及導賞團等。此外，來自香港多間大學及院校的校長，計有香港大學校長徐立之教授、香港中文大學校長沈祖堯教授、香港理工大學校長唐偉章教授、香港城市大學校長郭位教授，以及其他學者，將親身主持嘉年華內一系列的專題研討會，與年青人就創新科技的最新發展及對日常生活的重要性進行交流。

 

「創新科技嘉年華2010」內各項活動及工作坊均完全免費，歡迎市民踴躍參與。

 為方便參觀人士前往香港科學園， 於創新科技嘉年華期間，大會將安排免費穿梭巴士服務接載公眾人士前往香港科學園，詳情如下：

1) 大學港鐵站
上車地點：大學港鐵站B出口
服務日期：11月6-14日(共9天)
服務時間：8:30am to 5:00pm（約15-30分鐘一班，尾班車開出時間為晚上5:00pm）

 

2) 沙田
上車地點：沙田源禾路（沙田中心側）
服務日期：11月6-14日(共9天)
服務時間：8:30am to 5:00pm（約15-30分鐘一班，尾班車開出時間為晚上5:00pm）

 

3) 九龍塘港鐵站
上車地點：九龍塘多福道
服務日期：11月6、7、13、14日（共4天，只限星期六、日行駛）
服務時間：8:30am to 5:00pm（30分鐘一班，尾班車開出時間為晚上5:00pm）

 

詳情可以click依到.

 

深層手足修護(夜)霜

天氣話轉就轉, 今日突然凍左好多. 聽講"今年冬天會很冷"添!

天氣一轉, 師奶之間傾既話題年年都係"搽咩好", 因為家中都有小朋友老朋友都要照顧嗎.  其實中秋過後, 我老爺對腳就已經開始甩皮, 由膝頭對落開始, 腳跟腳底更加係"重災區". 今年咁早就開始裂, 攪到奶奶開聲, 要我整d膏比佢搽.

"女皇"有命, 緊係即刻去做.

研究配方所得, 咁嚴重既乾裂, 一定要用上高比例既油先得. 平常既乳液係幫唔到. 咁樣製作既方式會複雜左, 好在之前累積左一定既經驗, 難係難d, 不過都比我攪點左.

登......登......登.....

深層手足修護(夜)霜出爐啦~

顏色係好討人喜歡既雪白! 味道係清香既檸檬薑味.

用咩來做既???? 都係天然既野, 不惜工本, 超過一半係油來既. 包括有: 

冷榨有機椰子油: 含豐富月桂酸（lauric acid), 不僅易於被皮膚吸收，發揮明顯滋潤作用，更可助去除表面的已死細胞，促進新皮層生長，使皮膚光滑亮澤。椰子油亦可強化皮下的結締組織，有優良療癒和修補功效，使皮膚豐潤，減少皺紋；同時可防止有害的自由基形成，預防由陽光或老化所致的皮膚色斑。有助去除死皮，令皮膚回復彈性，光澤亮麗

甜杏仁油: 性質溫和、易吸收，富含礦物質、蛋白質及各種維他命，滋潤效果極佳。能有效減輕皮膚發癢現象，消除紅腫、乾燥和發炎。

可可脂: 源自可可豆中之天然脂肪物質, 具良好滋潤及保濕效果，能在肌膚表面形成保護膜、軟化及滋潤肌膚。

蜂臘: 由蜂巢提取之天然物質, 具抗菌, 消炎止痕, 軟化肌膚及促進組織再生的功能。

精油就用左 "檸檬" 同"薑".

檸檬精油: 可去除手腳部突出的疣, 治療敏感皮膚, 修復粗糙的手甲趾甲, 去除凍瘡, 並具消毒作用, 能除去暗沉及老人斑, 有溫和美白作用, 讓肌膚更明亮。

薑精油: 促進血液循環, 解除疲勞, 舒緩疼痛。

我教老爺: 每日沖完涼, 就搽落腳, 乾既地方就搽多d, 輕輕按摩一下, 用手溫令d油可以滲透入皮膚. 順手搽埋手指/指甲邊, 最好著綿手套/綿襪訓過夜, 等精油一晚發揮療效. 如果磨下對腳之後再搽, 效果會更明顯.   

老爺好乖咁日日搽, 睇怕佢都真係裂得幾痛下.  用左兩星期, 小腿既甩皮情況有改善, 滑返好多, 無再"雪花飛飛". 腳跟亦無乾得咁勁.

好野我緊會同朋友分享, 其實有返d年紀,  大部份人既腳跟都有唔同程度既乾裂, 尤其係仲意著涼鞋/拖鞋既人士, 大部份人平時都忽略腳部既保養, 正所謂"觀音頭, 掃把腳", 要直至到轉季, 乾裂甩皮或者腳痛啦~先知道要搽野. 

腳裂甩皮係有苦自己知, 無啦啦唔會伸對腳比人見,  雖然唔係大問題, 不過係困擾既問題, 除左痛, 最驚係有d情況下要除襪, 比人睇到曬就真係....... 

所以 一於整多d, 等大家都試用下

朋友J拎左一樽, 搽左3星期, 好開心咁話我知, 佢對腳板底改善左好多.

以下照片可能引起不安, 敬請留意!

用之前佢對腳係咁樣, (我覺得)都幾得人驚下~ 裂成咁樣, 再唔攪一定會流血.

搽完三星期後變左咁樣:

真係靚返好多~ 個"裂口"生返埋.

幫到佢我都好開心~即刻比多一樽佢, 希望可以搽好佢. 之後keep住保養就得啦~

如果有興趣, 可以留email比我.

長者於「長者日」免費搭港鐵

(星島)2010年10月25日 星期一 17:25

為支持「長者日」，港鐵將於今年11月21日，給予長者八達通卡持有人免費乘搭港鐵之優惠。長者乘客當天憑長者八達通卡乘搭港鐵前往任何車站(機場快線、東鐵線頭等、往來羅湖    及落馬洲    站除外)，車費將不會被扣除。

港鐵表示，「長者日」是對長者過去為社會作出貢獻的一個肯定。港鐵公司藉著提供今次免費乘車優惠向他們致敬。

記得話比屋企既老人家知道啊~

小錢罌. 大夢想

早排係雜誌知道有呢個比賽, 終於星期六去遞左表格, 拎左一盒返來, 打開原來入面有咁多野

最意外既係"顏色"筆, 一套8支, 其實係"ZEBRA"油性筆, 價值都要四五十蚊. 個錢罌質地都好好.銀行真係大手筆. 不愧係香港既一哥銀行吓!

如果你都想參加, 參加表格可以按這裹.

民安隊少年團

民安隊少年團-一個可以免費參加既制服團隊. 有野學, 送埋制服, 參加某些活動仲有"水腳"收添, 咁著數你知唔知道呢??

唯一既限制係"年齡". 詳情請睇下面:

http://www.cas.gov.hk/chi/enrolment_cadet.html

民安隊少年團成立的宗旨，是鼓勵青少年通過參與有益身心的群體活動和訓練，學習不同技能，培養領導才能，並幫助他們建立自信心、責任感、自律和服務精神，成為良好公民。

少年團是一支著重紀律培訓及服務社會的青少年制服隊伍，經費由香港特別行政區政府全數資助。

少年團的訓練及活動多姿多彩，除每週集會外，還有球類、遠足、露營、攀山、游泳、拯溺、划艇、風帆等，團員亦可透過少年團參與香港青年獎勵計劃的各項個人挑戰活動。

民安隊總部每年都會為少年團團員舉辦各類訓練班及國內外交流探訪活動，使他們有機會學習多種課外知識和技能從而擴闊視野、增進人生閱歷。

凡年滿十二歲但未滿十六歲，在獲得家長或監護人的書面同意後，均可申請登記加入民安隊少年團。

查詢電話
2805 6020（辦公時間）

地址
香港九龍油麻地渡華路8號民眾安全服務隊總部

冷霜會令皮膚病惡化

睇到依段新聞, 唔可以唔轉載比大家睇. 因為之前我都係買來比小朋友搽. 亦介紹過比大家去買. OMG!

 

研究：冷霜會令皮膚病惡化

(明報)2010年10月20日 星期三 14:55

英國    一項新研究顯示，一種俗稱「冷霜」的產品常被用作護膚品滋潤皮膚，但其實會使濕疹    等皮膚病情惡化。

這種英文名為Aqueous Cream BP的冷霜產品，不少醫生都會建議用它來治療濕疹等皮膚病。

但英國巴斯大學的研究說，這種冷霜產品中，有一種名為「十二烷基硫酸鈉」（sodium lauryl sulphate）的化學物質，它會損害皮膚的角質層，令皮膚病情惡化。

該校研究人員請志願者每天在手臂上使用這種產品，4周後，志願者手臂皮膚角質層的厚度，減少超過10%。

相關的研究報告發表在《英國皮膚病學》雜誌上。

據了解，冷霜本來是洗潔劑，是肥皂等的替代用品，但近來被廣泛用作護膚品，被認為有滋潤皮膚和保濕等效果。還有不少醫生建議用它治療濕疹等皮膚病，塗抹在乾燥開裂的皮膚患處。

參與研究的理查德•蓋（Richard Guy）說，冷霜會損害角質層，而角質層是皮膚的保護層，它可以阻止各種化學物質從皮膚進入身體。

如果長期使用冷霜，會使角質層變薄，外界化學物質會容易侵入並引起發炎。對皮膚病患者來說，患處皮膚本來就有問題，如果再使用冷霜，則病情將更加惡化。

英國國家濕疹學會早已建議不使用含有「十二烷基硫酸鈉」的物質，來治療濕疹等皮膚病，但由於冷霜類產品較便宜，以及許多醫生過去形成的使用習慣，它仍在被錯誤地廣泛使用。（新華社    、英國廣播公司    ）

免費肺功能測試

雖然遲左發現, 不過仲來得切. 來緊星期六日如果發現依架車, 不妨上車測試下~

肺功能流動測試車來往本港不同地區為市民提供免費肺功能測試，車上設有測試肺功能儀器，透過該等儀器檢測市民的肺功能，且輔以問卷評估測試者的呼吸系統是否有潛在問題。

活動月: 2010年10月14日至11月13日

肺功能流動測試車停泊地點：
10月16日(六) 沙田大會堂戶外廣場
10月17日(日) 旺角
10月23日(六) 銅鑼灣
10月24日(日) 尖沙咀
10月30日(六) 觀塘、寶琳
10月31日(日) 荃灣
11月6日 (六) 深水埗
11月7日 (日) 元朗

開幕活動
日期：10月16日(六)
時間：下午3時
地點：沙田大會堂戶外廣場
內容：開幕儀式、「肺功能流動測試車」為市民免費測試肺功能、健康攤位
主禮嘉賓: 環境局局長邱騰華太平紳士、立法會議員余若薇女士、環境諮詢委員會主席林群聲教授、南華足球會主委羅傑承伉儷、南華足球員陳肇麒

成人及兒童肺功能健康講座
日期：11月13日(六)
時間：下午3時15分至4時半
地點：香港理工大學蔣震劇院
講員：譚卓賢醫生(呼吸系統科醫生、香港胸肺學會會長)
　　　譚一翔醫生(兒科醫生、香港哮喘會主席)
費用全免，請致電2895 6502 留位

大會秘書處：
香港哮喘會
九龍油麻地上海街402號地下
電話 2895 6502
傳真 2711 0119
電郵 hkas@hkasthma.org.hk
網址www.hkasthma.org.hk

詳情可以睇依到.

值得買的筆刨

我覺得非常之值得買既筆刨就係依隻老字號:

 

你可能都識.

 

唔平播~係啊, 真係唔平, 都要賣幾十蚊一個.

 

點解會買佢??? 事由係咁樣: 

 

小朋友開始返小學, 我都係買細細個既筆刨, 諗住平平地幾蚊個用得就得啦. 小朋友要帶5支筆返學校用, 屋企又要準備5支比佢用, 加埋顏色筆, 日日都要刨十枝八支筆. 用得一排之後, 發現用二個月左右個筆刨仔就玩完, 仲加成日刨斷筆, 一支有1/3係無左, 又刨到隻手好痛, 非常之激氣.

 

後來醒起公司有一個咁既筆刨, 聽d資深同事講, 係好耐以前傳落來既, 超碼都有二十幾年. 用咁耐~~ 真係幾誇下! 於是我特登去試刨下, 估唔到用左咁耐, 個筆刨仲係"寶刀未老", 好好刨播.

 

於是上網搵下資料, 發現評價都好好. 再格下價, 一般書局賣$6x, 教協最抵, 只需 $48.

 

我合指一算, 保守估計如果小朋友用5年(當上中學就唔用鉛筆), 一年都只係需要$9.6. 比起我一年買幾個細筆刨仲要抵啦~ 仲未計刨斷既筆錢呢! 一於去馬, 搭人去教協買左佢.

 

用左年幾兩年, 佢都真係無令我失望, 當初既決定係好明智既.有時我同阿囝講笑咁講, 以依個筆刨既耐用程度, 分分鐘可以傳比佢既仔用.

 

如果你同我當初一樣用緊細筆刨又有相同感受既, 快d轉買依個啦~

找死的兔子

依本書淨係睇個書名都幾恐怖下(我覺得), 內容係講兔仔點樣找死, 方式都幾殘忍下. 但係小朋友睇就覺得好攪笑, 睇完一次又一次. 笑到停唔到口. 可能黑色幽默唔係個個人既體會會唔同.

你可以自己睇下, 先決定比唔比小朋友睇.

書既內容係:

這是一本主角只有兔子的圖文書。一心找死的兔子用盡各種怪異搞笑卻又變態扭曲的自殺方式，內容荒誕不經卻充滿令人驚喜的黑色幽默！

 

內頁可以睇呢處.

圖書館索書號: 874.6 7474

 

日圓飈升 十蚊店最多貴25%

【經濟日報專訊】港人愈來愈追求高質素產品，糧油食品、生活雜貨、以至山珍海味均無「日」不歡，然而日圓飈升，日貨現加風，有日資百貨「十蚊店」部分貨品加價25%。

加......加......加......,近排外匯飈升, 唔止日元, 澳元歐元英磅人仔全部都升~得好勁. 來緊一定樣樣都加加加. 去買餸真係好頭痕, 樣樣都咁貴.

香港人都好無奈(因為聯繫匯率), 真係比美國累死. 唔知大家又要捱幾耐.  

我的家在紫禁城

帶小朋友去左, 幾好玩既一個展覽. 好多圖片及動畫短片介紹紫禁城, 仲有互動遊戲玩. 值得一去.

我的家在紫禁城
日期﹕即日至10月15日
地點﹕港島東太古坊康和大廈一樓ArtisTree
時間﹕上午10:00至晚上8:00
費用﹕免費
導賞活動逢周六、日上午11:45及下午3:45，
每節1小時，即場參加，每節20人，免費
查詢﹕2232 0003
網址： http://www.rhfamilyfoundation.org/ForbiddenCity_Exh_HK.html

仲有一個一小時的導賞，導賞哥哥講得好太生動，推薦大家參加導賞團.

「一人一信」免費投寄日(2010年10月9日)

又可以免費寄信, 不妨寫封信比屋企人, 比個驚喜佢地.

「一人一信」免費投寄日活動定於二○一○年十月九日舉行。香港郵政連續第七年舉辦這項活動，旨在鼓勵市民為摯愛親朋送上書信，表達關懷之意。詳情如下：

投遞安排和條款

本地私人信件的定義

• 以個人名義寄出，並寫上寄件人和收件人的姓名和本地地址。

數量限制

• 每人可免費投寄一封本地私人信件

包裝、大小和重量限制

• 放於信封內或以明信片形式投寄
  
• 信封須妥為封好，恕不接受信封末端開口的信件。
  
• 大小上限為167毫米 x 260毫米，下限為90毫米x 140毫米。
  
• 厚度不少於0.25毫米和不多於7毫米
  
• 重量以50克為限

地址格式

• 信封面須註明"私人信件"及收件人的姓名和地址
  
• 信封底須註明寄件人的姓名和地址

收件郵政局和收件時間

• 在全線郵政局櫃位（兩間流動郵政局除外）的營業時間內投進特別投寄箱

派遞標準

• 投寄後下一個工作天派達

家計會60周年 優惠60歲婦女 $60做子宮頸細胞檢查

家計會1950年成立，今年慶祝六十周年，因此以港幣$60優惠價，由護士為1950年出生的婦女作子宮頸細胞檢查，名額600個。

符合資格並對此優惠有興趣的婦女，請致電2919-7745與本會傳訊組預約。符合資格就診者如預約「婦女健康檢查」，亦可享有以$60接受子宮頸細胞檢查之優惠，使原價$370「婦女健康檢查」減至$280。有興趣者請致電查詢。

此項子宮頸細胞檢查優惠將於2010年12月底結束，先到先得，額滿即止。