成日聽到人地講, 街賣果隻"日本北海道牛奶布丁"有幾好味得幾好味, 都心思思想買比寶貝食, 不過一睇個價錢就
近排又聽到人贊, 上網一check, 原來自己整都超簡單~於是的起心肺, 買左材料整. 之前公司有同事食完, 我留起左兩個樽仔, 一於做戲做全套
登.......登......登......, 似唔似樣呢!
食譜:11杯份量 ($3杯)
北海道3.6牛奶 500ml (半盒) $12-$14
總統版 淡忌廉 200ml (一盒) $17 (超市買貴d, 要$23, 蛋糕材料鋪買平d, $17)
魚膠粉 10g $2
糖 57g $1
烹調步驟:
(1) 砂糖和魚膠粉拌勻, 加入100ml鮮奶拌勻至溶
(2) 400ml鮮奶+200ml總統版淡忌廉用小火煮熱
(3) 將(1)加入(2)中拌勻, 煮至完全溶解即可, 不用煮滾
(4) 放進模具內, 置雪櫃內雪最少2小時至凝固即成
兩個寶貝食完超贊
比起街賣既果隻, 我依個A貨都有90%像真度, 不過慳錢度就多600% 
年尾咁多家人聚餐, 一於整來請家人食, 一定個個都會贊你"叻".
p.s. 加入朱古力粉, 綠茶, 咖啡, 阿華田等, 味道仲意點變都得!
嘩！你真係好掂呀！多謝你的分享，呢個假期，一於要試下先得！
回覆刪除(Empty)
回覆刪除正野
回覆刪除係啦, 超貴, 唔捨得買o黎食...
回覆刪除正呀,
回覆刪除不過由雪櫃攞出來, 幾耐會溶呀?
(Empty)
回覆刪除您好叻呀, 什麼都識做不過我是素食者, 看來都是無我份啦!
回覆刪除[版主回覆01/15/2011 23:45:00]可以試下用豆奶整, 唔知味道會係點. 不過質感應該會係一樣咁滑既.
蛋糕材料鋪
回覆刪除需唔需要做左會員先可以買野?
[版主回覆01/15/2011 23:44:00]唔洗做"會員". 出名d既有"二德惠".
(Empty)
回覆刪除好叻呀~
回覆刪除Tks for sharing
回覆刪除我試佐牛奶布丁啦！屋企人都話好食，好香牛奶味。我想請問倘若想加朱古力粉，咁份量應該點樣調節？加幾多朱古力粉先啱？謝謝！
回覆刪除wa....好叻啊！！谢谢分享！！
回覆刪除你真係好叻呀
回覆刪除你好! 我做出來的布丁表面呈虎皮狀, 是否正常?
回覆刪除你好呀, 第1次睇你既部落格, 學到好多野, 超讚!
回覆刪除我想學整個布甸, 不過我好小下廚所以好多野唔明, 想請教你的
A. 步驟1的砂糖和魚膠粉就咁伴勻嗎? 要不要先將魚膠粉整溶?
B. 步驟2&3是坐熱還是直接放入煲內煮熱呢? 如直接煮會痴住煲嗎?
C. 如要加朱古力粉或其他味的粉, 應該在哪個步驟加入?
請指教, 謝謝
[版主回覆02/20/2012 18:05:02]A: 再加入100ml鮮奶拌勻至溶就可以.
B: 直接用火煲熱. 只係熱, 唔需要滾.
朱古力粉, 綠茶, 咖啡, 阿華田等最後先加. 通常我會倒左部份出來(原味). 剩返果d先再加其他味.