百佳高樂氏漂白水2800ML好抵

百佳高樂氏漂白水2800ML好抵, $15元送佳能100M保鮮纸! 真係妹仔大過主人婆. 保鮮纸都成$10 啦~

2樣都係主婦必備既物品, 快手去買啦~

 

天然蚊怕水

最近各媽咪之間既熱門話題係: 點解d蚊咁毒嫁~有咩方法防蚊?? 點解d衰蚊要咬面?

我做既"天然驅蚊膏" 或者係"天然驅蚊乳液"，朋友們都要補貨, 防範措施一定要做足先~

不過佢地提出意見, 要求我做"蚊怕水". 因為蚊膏/防蚊乳液, 佢地幫小朋友搽完, 要搵地方洗手, 如果係街外或者公園, 要搵洗手既地方, 就覺得唔方便. 

另一方面係小朋友長大左, 身體既面積大左, 搽蚊膏/蚊乳既時間就耐左, 好多時朝早返學, 時間非常緊逼, 趕頭趕命既時候, 如果用"蚊怕水", 拎起噴幾噴就攪點, 快手.

既然大家都咁講, 我一定會從益如流, 即將郁手搵資料, 試配方.

得左~

精油就係用返果幾隻, 包括香芧精油, 茶樹精油, 尤加利精油, 薰衣草精油.

真人測試結果: 打曬成個背脊咁樣去公園玩都無事.  

朋友用完既結果係: 小朋友返學前噴左, 放學再無"紅豆"出現啦~

朋友開心我仲開心.

今個夏天, 有齊"防蚊三寶": 天然成份既蚊怕水, 驅蚊乳液, 蚊膏,  衰蚊就一定埋唔到身啦~

如果你有需要預訂, 可以留email/sent email比我.
my email: thriftyhousekeeper@yahoo.com.hk

清仔廚房 (免費午餐?)

大家知唔知, 出前一丁有個"清仔廚房", 免費比7歲以上既小朋友參加.

上星期我地好彩比抽中, 有得去參加.

囝囝好興奮, 仲特登著返件紅色T-shirt去參加, 話係配合返人地~, 真係未出發先興奮~

場地好大啊, 成個商場既中心位佔據曬~我地既"廚房"係台既右手邊.

一去到公關姐姐派左一人一條頭巾, 一條圍裙, 著起當堂成個"小廚師"咁樣. 原來唔止煮面, 導師Denice 先講解"出前一丁"既製作過程及分銷方法, 仲時不時問下問題, 小朋友都好留心聽, 為左要舉手搶答.

跟住到郁手整面既時間, 大家都太興奮啦, 係咁逼埋張檯到, 攪到導師要三番四次叫大家退一步. 由於時間關係, d面已經"和"好左, 一人分一塊 + 一枝面棒~

跟手就將面團壓扁~大家都出力啦~

壓好面團就放入攪面機, 然後小朋友出力攪~真係要幾大力下嫁~

整完面, 跟住就埋檯學煮面. 張檯一早set好曬, 非常之整齊. 睇得出佢地好"細心".

跟住聽導師講解煮面既過程. 相片中兩位著西裝男士, 係日清既高層(我睇到佢地既名牌), 一共有四個. 佢地企足全場1個鐘, 陪我地煮面, 真係唔話得, 咁有禮, 值得一贊~

郁手啦~大家都急不及待~ 囝囝都算熟手, 因為佢唔係第一次下廚, 係屋企已經自己煮過面食.

水滾落面煮三分鐘, 仲有"計時器". 果然係好認真~又要一讚. 每樣都跟足步驟, 做一步, 就有工作人員收走唔需要既物品, 手腳快到你feel唔到.

煮好啦~仲要砌個人樣. 你地睇唔睇到啊~

囝囝話媽媽係長頭髮, 加兩對筷子落去就似d.~(係你不知不覺間, 張檯上面既煮食工具已經清走曬, 日本人做事既方式又要再讚). 

好味啊~自己煮既特別好味啦. 同媽媽一齊食仲好味.

上完堂仲有証書 + 一堆禮物. 包括頭巾 & 圍裙.

拎左証書, 除左同派証書既日本人握手, 我教囝囝都行埋去其他果三個日本人握手+ 講 thank you. 話曬人地咁有禮, 我地都要以禮回報~佢地既反應係有d錯愕, 跟住就好開心. 禮多人不怪嗎! 最緊要大家都開心.

"有齊"架生", 又有煮面証書, 阿囝你以後自己可以煮面食啦!". (我仲唔乘機偷懶!, 將個ball交比佢.)

"好啊~我煮埋比你食啊!" ==>阿媽最大既收獲係呢句!

******************************************************************************

返屋企途中,

囝囝: "媽媽啊~原來世上真係有免費午餐嫁"

媽: "你諗真d, 真係免費咩? 我地都有付出嫁~" 

囝囝: "唔.......咁又係, 我地出左時間!"

媽: "唔止, 我地仲要出交通費. 所以唔算係完全免費, 只可以算"交換"啦. 大家交換各自所需既野"

"我明白啦~"==>囝囝既收獲.

 

總商會150周年 請搭小輪電車

大家記得去搭免費車啦~

 

(明報)2011年5月20日 星期五 05:10

【明報專訊】香港總商會    為慶祝成立150周年，6月9日請市民搭電車及天星小輪。市民當日可免費乘搭其中15輛印有總商會周年標誌的電車，以及來往中環    至尖沙嘴    的所有班次小輪，其中1000名乘客還有機會獲贈一套四款紀念郵票。

今次免費搭車搭船活動，由總商會旗下15個會員贊助。活動當日市民可免費乘搭的15輛電車，分別印有贊助商商標    ，於電車營運時間來往港島西區至筲箕灣    ；至於該15輛以外的電車，當日繼續收費營運。總商會預料當日兩種交通工具客量會大增，將加派保安員在碼頭及主要車站維持秩序。

反應好將考慮年年請

總商會總裁方志偉表示，電車及天星小輪均有過百年歷史，與總商會一樣老，同樣見證香港變遷，是本港最有標誌性的交通工具，因此選擇與兩間公司合作。如果今次反應良好，會考慮將此設立為年度活動，讓市民每年都可免費搭電車、小輪。

總商會亦推出一套四款紀念郵票，分別標誌總商會4個重要時刻，包括召開首次會議、首次派代表團訪問內地等等。郵票面值分別為1.4元、2.4元、3元及5元，本月26日起於各大郵政局    公開發售。總商會另會預留郵票，於下月9日免費搭車搭船日，派發給電車及小輪乘客各500人。

BINGGRAE免費派雪條活動

有免費雪條食. 我食過一次, 都幾好味嫁~大家如果路經記得留意下啦~

踏入夏日，又係時候食雪條！韓國著名雪糕品牌BINGGRAE推出的MELONA系列，共有蜜瓜、芒果、士多啤梨及香蕉4款口味，選用最新鮮果汁混合牛奶製成，入口果味香濃、甜而不膩，連續4年獲得韓國客戶滿意指數冠軍。在本周六及下周六，旺角及銅鑼灣行人專用區更有MELONA免費派雪條活動，萬勿錯過！
查詢：2418 9618

 

Nascar Heroes (2007) comic books

近排阿囝沉迷英文漫畫, 我既原則係: 打鐵乘熱, 佢仲意睇咩就盡情地睇~ 又好好彩, 圖書館近期突然多左幾套英文漫畫書, 字都唔係太多, 岩曬初小既小朋友

其中依套岩曬男仔:

一套六本~全新上架, 好幸運咁一次過借到六集. 囝囝可以一口氣睇曬, 爽啊~佢話好滿足. 

圖書館索書號: J741.5973 DIA

Starbucks：星冰樂買一送一（逢星期五 下午3-5 至31/5）

天氣突然間熱到爆~, 真係好想飲"冰"啊~

星期五下午3-5 至31/5有買一送一, 正啊~大家就住個時間啦~