清理毛髮小幫手

天氣轉熱, 家有猫猫狗狗既話, 又係一屋毛既時候~佢地d真係甩得好勁, 仲要無處不在. 你隨時一褲都係佢地既毛.

勤力吸塵拖地係必需既. 不過有d位置真係好難攪~就係布制用品既表面, 好似布梳發, 布面餐凳, 唔通日日洗咩~試過用封箱交紙痴, 不過真係好煩~

後來發現左個好幫手~就係......."吸水神奇海綿".

只要將海綿濕水, 半乾濕既狀態下, 將有坑絲既果邊, 單方向用力係布面擦下, d毛就會痴曬出來. 好快清潔完, 仲好有快感添~hehe.......

依d海綿好多家品店都有得賣. 我呢塊係$2店買, 盛惠$3. 家有寵物既真係一定需要一塊~.