點樣先至儲到錢(七: 每日限定用錢)

如果你係無法節制自己用錢既人, 即係就算知道唔應該洗, 但係唔知點解就會係果一刻又洗左.

有個方法係岩你用既: 每日限定洗錢金額.

方式係咁:
1. 拎曬銀包入面既信用卡出來, 收埋係屋企.
2. 每日只放一定數額既現金係銀包.
3. 每日如果有用剩既錢, 就拎出來放入錢箱.
4. 月尾數下錢箱入面有幾多錢剩, 下個月再減少每日使用既數額.
5. 重覆以上程序.

咁"數額"又點樣定呢? 先計出每日必須用既金額. 如果係上班一族, 最簡單既係: 交通費($20)+飯錢($35)+零用錢($30)=$85.

你可能會"嘩", 點過日子啊~先實行一周先啦~如果發現仲未死得人, 咁就再實行一個月.

或者你可以將月尾剩返既錢, 拎一半獎勵自己, 一半就儲起佢.  咁樣可能動力會大d.

試下先, 再話我知得唔得!