清潔去污好幫手 -- 扇牌洗衣皂

依家超市既洗衣產品都係多到你唔知點簡, 各有唔同既功能, 有D專洗領口, 又有專洗內褲. 我都試用過一D, 不過最終發現原來呢隻"扇牌洗衣皂"最好用.

簡單既包裝, 便宜既價錢, 超市都上唔到架. 只可以係藥房先買到. $6 兩塊, 係我地阿媽以前洗衣既必然選擇. 洗領口袖口污積, 捽幾捽就乾淨曬.

我仲發現佢去油效果同樣一流. 用刀仔批D碎塊, 浸過夜制成為皂液, 用來抺廚房爐頭, 墻身污積, 即去乾淨曬, 天然環保. 廚房肥淋淋既抺布, 用皂液浸過夜, 即刻乾淨曬. 清潔劑都慳返唔洗買.

你都試下就知有幾好~