Fly Guy

依本書係講一個男仔同佢養既"烏蠅"寵物, "烏蠅"都可以做寵物~ 

內容都幾無聊下, 插圖又肉肉酸酸咁樣, 不過囝囝好仲意睇. 真係越肉酸d男仔越仲意, 仲可以引到佢好難得咁番睇第二次添. 男仔有d野, 女仔永遠都唔會明.

圖書館有依4本:

全套書

圖書館索書號: JJ ARN

睇下你地屋企既男仔仲唔仲意??

ESTEE LAUDER 免費sample

睇下換領既地方近唔近你~

ESTEE LAUDER免費SAMPLE

調查：雨傘袋造成環保問題

環保團體綠領行動的調查發現，七成七受訪市民有使用商場派發的雨傘膠袋，九成三人認為會產生環保問題。

綠領行動上月在全港四十個商場，訪問了八百名市民，調查雨傘膠袋使用的情況。

結果顯示，七成七人說會使用商場提供的雨傘膠袋，三成四人說會重用這類膠袋，或放入回收    箱。七成半的受訪者認為，雨傘膠袋帶來環境問題。

綠領行動推算，全港554個商場，一個雨季用去1800萬個雨傘膠袋，估計總值二百萬元。

綠領行動已去信全港主要商場及商業大廈，要求減少派發雨傘膠袋。(即時新聞)

1800萬個, 真係小數怕長計~大家係時候要反思一下.

九州豬軟骨烏東+日式雞軟骨餃子 (每人$20.3/$10.2 & $5.1)

上次食左一次豬骨湯底拉面, 咁好味當然要話比多d人知道啦~~我d同事都好有興趣試下. 咁我地就一齊夾份係批發果處買左樽大支裝既豬骨湯($128).

1.8公升真係好大支好重嫁~~四個人分. 大家都可以慢慢食啦~~如果人少就好似我上次咁樣, 買"獨立裝"都得, 只係貴小小姐.

今次一於整下我最心愛既烏東先.

材料: 冷凍稻庭烏東(3.5塊 $23.1), 豬骨湯底(100g $7), 豬軟骨2/3包 ( $23.3), 粟米一盒 ($5), 椰菜半個($2.5)

豬骨湯底未稀釋之前係咁樣既顏色. 加d滾水就會變左好靚既奶白色. 開樽之後就放係雪櫃. 

做法:

1. 豬軟骨切大塊,  椰菜切大塊炒熟備用.

2. 煲一煲滾水, 水滾落烏東煮至半透明, 試食熟左啦, 就夾起放大碗內.

3. 豬骨湯底加四碗半滾水稀釋, 加入烏東面中. 再將所有材料排放係上面, 得左~

食得啦~~話都無咁快.

依碗比自己既~~塊豬軟骨好大夠~大啖咁樣咬落去, d汁成口都係, 再食一啖烏東面, 豬軟骨既濃香加上烏東既軟滑~~正.

依碗囝囝既, 佢見到碗面未食已經流曬口水~一個為食樣.

我煎埋8隻日式雞軟骨餃子$10 (一包30隻, $38),

再點依隻阿so曾經介紹過既醬油糕一齊食.

依餐超飽, 大滿足~ 2大2小都只需要$60.9.

親子節目之賣旗

依個星期六既親子節目就係---幫健康快車基金賣旗. 如果你係街上見到個師奶帶住個囝係處賣旗, 記得比面幫手買返張啦~可能果個人就係我啦.

我覺得賣旗真係一個非常好既親子節目, 何解? 幫到人又幫到自己羅.

小朋友從中可以學習到做善事, 佢地付出小小既力, 就可以幫到其他人, 而佢地自己亦有好多得著. 咩得著?? 第一樣係練大膽羅.

早排同事問我既意見: 佢個小朋友細膽, 見到陌生人就唔出聲, 擔心來緊考小學, 面試時應付唔來, 唔知比佢去讀面試班有無幫助~

我既意見係: 如果想膽大唔怕陌生人, 最好既方法就係去賣旗. 無咩活動會比賣旗需要面對更多既陌生人, 小朋友唔單止要面對, 仲要開聲叫人地買野~真係夠曬挑戰性~

除左練膽色, 賣旗過程中仲會遇到好多事, 例如: 點樣挑選有利既賣旗位置? 被人拒絕點算? 向咩人賣旗成功既機會會大d?  陌生人提問要點樣回答? 錢袋塞左點算好? 同一時間有幾個人向你買旗要點處理? 等等.....

小朋友係過程中學習到既一定比佢付出既多好多好多~~  

有時間都帶埋小朋友一齊去賣旗啦~絕對係免費又有益既活動.

p.s.賣完旗, 有關機構仲有張証書比你, 有d 仲會送汽水卷多謝你既幫忙添.

Dr. Seuss

依套書又係超攪笑, 內容完全係天馬行空, 插圖又好另類, 一路讀比小朋友聽, 佢地一路係咁笑~睇完一次又一次.

全套書分三個階段(blue, green, yellow), 適合唔同程度既小朋友. 其中部份係咁樣:

 Blue back books :

Green back books :

Yellow back books:

圖書館索書號: JJ SEU

仲有 web site 可以玩下遊戲添.

 

幼童免費打肺炎鏈球菌針

 

講左好耐, 政府終於落實幫幼兒打依支針, 如果家有幼兒又未打針既, 記得去預約啦~

(星島日報    報道)政府決定九月一日起新增為兩歲或以下幼童，免費注射肺炎鏈球菌疫苗，每年預計有七萬名新生嬰兒受惠，現時約有十三萬名在二○○七年九月一日或以後出生的兩歲以下幼童，亦合乎免費打針資格。家長可於九月起帶同子女往三十一所母嬰健康院打針，政府已準備約五十萬針，期望能於年底前為全部合資格兒童，至少打完第一針。

　　記者：楊玉珠

　　政府動用公帑二億二千八百萬元，購買約五十萬劑肺炎鏈球菌針，今年七月一日或以後出生的新生嬰兒，可在母嬰健康院免費注射疫苗，料下半年約有三萬多名，約十三萬名○七年九月一日或以後出生的兩歲以下幼童，亦符合補打疫苗資格。每名幼兒分別要打一針至四針（詳見表）。

　　衞生防護中心總監曾浩輝表示，符合資格幼童的家長，如今年九月至十一月期間，已預約到三十一所母嬰健康院打其他疫苗，毋須再預約；其他未預約幼童，家長於下周一起，帶同子女出生證明書和針卡，往各區母嬰健康院預約九月以後的打針日期，先到先得。

　　曾浩輝籲家長讓子女打針

　　當局會在二十九所母嬰健康院（長洲    及梅窩    的除外），加設星期日的注射疫苗服務，並由三百五十名受訓的醫療輔助隊成員協助進行。全港母嬰健康院於周一至周五要為四千至五千幼童打針，預料額外加開的周日，則可為五千至六千幼童打針。

　　本港每十萬名幼童中，每年平均約有七點七人因肺炎鏈球菌而引致嚴重併發症要入院，過往亦有死亡病例。曾浩輝說，根據外國文獻，打肺炎鏈球菌針，可預防因肺炎鏈球菌引致的肺炎、中耳炎、鼻竇炎、腦膜炎，及入侵血液而引起的敗血症，成功率達九成。

　　曾浩輝強調，根據外國經驗，打此針的副作用極少，打針後兒童或會在三天內出現發燒，過敏反應則包括如出疹或痕癢，嚴重如血壓下降。他呼籲家長認真考慮讓子女打針，不打針的風險一定高於打針的副作用。

　　打肺炎鏈球菌針為自願性，曾浩輝指難以估計覆蓋率有多少，但根據其他疫苗的覆蓋率均達九成，他期望亦可達此目標。

　　香港兒童健康疫苗關注組對於當局未能在十一月前，完成為兒童打肺鏈球菌針感到擔憂，擔心未能在下一波流感高峰期前為兒童提供最佳防疫保護，關注組要求當局同時提供電話預約。