雪糕盒的另類用途

依個盒大家都好熟悉~入面裝住咩野呢??

仲洗講, 雪糕羅!

當然係裝過雪糕啦~不過雪糕食完之後, 我將佢洗乾淨, 仲有另一個用途~

登......登......登......

就係: 用來裝筆.

小朋友有好多顏色筆, 放曬入去都仲有位剩. 合埋蓋仲可以疊高, 真係整齊又慳地方.; 唔好睇佢係紙制, 都幾硬正下嫁; 又輕身又容易開合, 方便小朋友自己收拾; 好過用筆盒, 因為筆既顏色一目了然, 唔洗搵來搵去; 整污穢左就丟左換過個, 乾手淨腳. 幾多好處!!

除左裝筆, 當然都可以用來裝d"小物件". 小朋友果d立立雜雜既"小物"真係幾多下.

味千拉面優惠卷

岩洗就印出來用啦~

 

無添加香薰潤唇膏(清爽配方)

天氣雖然仲係好熱, 不過朝早開始覺得有d秋天既感覺- 乾爽, 加上阿囝個鼻敏感又開始發作, 每朝早既哈0次証實左天氣既轉變.

好友"雲妮"新屋入伙, 請我地去踏場加燒野食, 不過唔準我地買野去. 兩手空空好似唔係幾好意思 , 諗諗下不如自己整d野送比佢啦, 聊表心意.

於是整左依支純天然"無添加香薰潤唇膏", 秋風起, 應該開始要保養唇部啦~特別係住係新界, 風都大d.

用咩來整? 當然係好野啦~

甜杏仁油, 可可脂, 白蜂蠟, 維他命E油, 薄荷精油(雲妮仲意既味道)

- 甜杏仁油含維他命E、維他命F、維量元素-硒，具高抗氧化與滋潤的作用。

- 可可脂, 從可可豆中提取的植物脂肪，具滋潤及柔軟肌膚的功效，可幫助癒合和軟化粗糙皮膚.

- 蜂蠟能增加皮膚的柔軟及彈性，親膚性佳，不會造成任何過敏或不適，又有抗氧化、抗菌、抗UV、消炎、防霉等特性。

- 維他命E油有防腐作用, 屬油溶性抗氧化劑, 可為皮膚抗氧化, 防止唇紋出現。

搽左既感覺係點樣? 雲妮話: 好正~岩曬我. 唔會太油膩, 滋潤得來岩岩好. 囡囡都一齊搽, 唇嘴上既乾皮明顯無左. 薄荷精油味道涼涼地, 朝早搽左好醒神.

好開心啊~最緊要岩用.  

依個配方一於整多d來送禮啦, 因為全天然無添加, 可以話係"食得落肚既潤唇膏", BB小朋友都岩用. 味道方面可以選擇薄荷, 薰衣草, 檸檬, 西柚精油 或者無味都得.

如果你想預定, 可以sent email比我/留私人留言.

中秋綵燈會

話咁快又到中秋節啦~一年又過左四份三啦~ 細細個阿爸阿媽就帶我地去睇燈會, 依家我就帶小朋友去睇. d燈真係幾靚下嫁~

今年一樣有燈會, 詳細係咁樣:

三個綵燈會場內的綵燈展覽於 18.9.2010 (星期六) 至 23.9.2010 (星期四) 開放供遊人觀賞。免費入場

新界西中秋綵燈會
21.9.2010 (星期二)
農曆八月十四
7:30pm ﹣10:30pm
青衣公園

市區中秋綵燈會
22.9.2010 (星期三)
農曆八月十五
8:00 pm ﹣11:00 pm
維多利亞公園

新界東中秋綵燈會
23.9.2010(星期四)
農曆八月十六
7:30pm ﹣10:30pm
大埔海濱公園

庚寅年中秋專題綵燈展覽
月滿西九
10.9.2010 (星期五) ﹣24.9.2010 (星期五)
西九龍海濱長廊

庚寅年中秋專題綵燈展覽
香江歲月狂想曲
10.9.2010 (星期五) ﹣17.10.2010 (星期日)
香港文化中心露天廣場

各別燈會詳細資料可以click入去睇.

MTR Club「站站獎」積分計劃(13/09/2010 – 12/12/2010 )

新一期「站站獎」積分計劃又來啦~

今期星期六日仲有雙倍積分添~

周末出去玩，搭港鐵，大看眼界，大收穫！由2010年9月13日至12月12日，港鐵友禮會會員乘搭港鐵、機場快綫、輕鐵或港鐵巴士，每搭$1即賺1分；逢星期六、日及公眾假期，積分更雙倍計算！各位會員，一起來計劃行程，四出活動，順道搭車儲積分，換取今期限量禮品！

洗手盤唔再濕立立

好唔仲意個廁所既洗手盤周圍成日都係濕既, 尤其係d洗水液漏曬出來. 不過屋企有小朋友 & 無手尾既人, 真係避無可避.

終於都比我諗到個方法解決~

就係咁樣啦~你睇:

係洗手液下面放一塊海綿, 一來可以吸左漏出來既洗手液, 二來當你發現個洗手盤比d細路攪到周圍都係水既時候, 第一時間可以拎塊海綿來吸左d水. 咁樣, 洗手盤周圍時刻都可以保持乾爽羅.

得左.

你又試下~

"蜂膠麥蘆卡蜂蜜潤喉糖"買一送一(Part II)

尋日係APM吉之島見到依隻康維他"蜂膠麥蘆卡蜂蜜潤喉糖" 又做買一送一, 不過今次到"黑加倫子" 同"薄荷"味. 其他分店有無唔知道.

上次買唔到既, 今次快手去買啦~

因為太多人, 我無問佢做到幾時完添.