免費的3M用品

今日係街, 又見到有人派野(做宣傳), 我緊會去支持下既. 拎到手一睇, 原來係3M公司派發產品試用裝, 就係依盒啦:

打開來睇:

有10張報事貼旗仔, 一卷4米長既隱形膠紙, 少量既便紙條.

文具~岩洗播. 實會用得著啦. 行下到另一個街口, 又有人派, 咁人地係都要派比我, 我都唔會拒絕既.

拆左出來就係咁.

今晚即刻用左張個"旗仔"比阿囝做書簽, 一流! 唔會甩甩漏,

 

原來老公都拎左一份, 3份加埋總值都有十零二十蚊掛(3M d野賣得好貴). 仲有網上有獎遊樂玩, 考下你記性:

www.colorizeyourlife.com

記住依排係街見有人派, 記得去"支持"下啦.

夏日狂歡大派對

打左電話去問, 會如期舉行, 如果唔係太大雨, 都可以帶小朋友去玩. 有得跳彈床已經夠曬d馬騮玩啦.

八達通日日賞$1驚喜優惠

快圖美 - 日日賞$1製作6R相片一張
麥當勞 - 日日賞$1換購蘋果批一個(買超值套餐)
UA戲院 - 於UA MegaBox購買2張戲票,可以日日賞$1換購1張戲票於下次使用 或 換購12oz汽水一杯

尚有其他優惠請click http://www.octopusrewards.com.hk/promo/200807/tc/landing.html

DIY 換椅套

屋企果4張餐椅係包布套既, 本來係幾靚下, 不過經過阿囝幾年來既折磨: 爬上爬落, 嘔奶, 嘔飯, 滴湯汁菜汁等等, 已經面目全非, 布面仲開始爛, 終於我忍無可忍要的起心肝去搵人換.

邊個人幫你換啊~~朋友話可以去窗簾鋪問下, 一問之下,  淨係布都要百幾碼, 4張凳未計人工都要$700幾蚊布. 唔係啊嗎!!買過張新既都得啦~~.不過我唔死心, 搵來搵去, 終於又打聽到一間係舊樓地鋪既窗簾鋪, 聞說係最平既. 打電話問老細, 佢死都唔肯報價, 死死地氣我都要親身去一次. 去到問一大輪, 睇埋布料, 都要成$250張.哎~~好似唔係好值. 估唔到翻新一張舊凳咁鬼貴.

當我諗住放棄買過張新既無咁嬲既時候, 偶然間問到個裝修師傅, 佢了解左我張凳既款式時(坐位+椅背都係用鑼是上既), 就話比我知其實可以自己換.點換啊~~用咩換啊~~師傅話其實去書局買把釘槍($7x), 買d布自己DIY就得.

返來同老公講左, 佢研究左張凳, 佢話有信心攪得點. 真係咁簡易.我就負責買布料, 行左一輪街都搵唔到合襯既, 後來無意中發現原來屋企有d 大既 cushion套留起左, 花款顏色都岩, 度下布料既大細, 又岩用播. 於是係星期日, 老公就開始郁手做.

一開始鬆左d"鑼是"出來, 2塊有軟墊既板就甩出來, 研究一輪, 決定保留原有既布, 再包一層上去, 因為驚拆左塊舊布, 自己無"猛"得咁實, 到時鬆泡泡攪唔點. 再來度下布料既大細, 先釘實一邊, 再拉恆釘實另一邊. 攪左半個鐘, 終於換好左第一張.

 睇住張凳正面好似新既一樣(睇在"師傅"都無收錢, 翠翠地收貨啦), 好有滿足感..其實後面係有小小破綻, 見到2口釘.

就咁上實"鑼是"就得.

凳底就有好大破綻如果塊布大小小, 埋到口就無咁覺眼. 不過是但啦, 反正無人會反轉張凳來"驗"既. 表面"風光"就得啦(好阿Q)

整左第一張, 跟住落來就無難度啦, 一個鐘頭內換好左3張."老公你真係叻~"一定要贊下佢.睇來都可以頂多幾年(唔得就再換一次羅), 捱到阿囝大d先一次過換曬佢.

估唔到一d都唔難, 咁又慳一大筆(淨係買左釘槍+釘, 即係$7x vs $1000).

不過我都係諗唔明, 點解搵人換貴成咁~~香港根本就唔支持人用舊物~~翻新/維修既費用貴成咁, 幾乎同買過新既相差無幾.

免費~~SK II 神仙水試用裝 11ml

http://sk2.she.com/promotion.php

答案 : yes / no / yes / no / no

點樣洗錢?

依幾日睇緊一本有關猶太人點樣睇"錢"既書. 睇到其中一段講男人女人花錢既分別, 其中既一句好鬼精警, 忍唔住大笑出來.係咁寫:

"男人會花兩元去買價值一元的他所需要的東西; 而女人則會花一元去買標價兩元但不是她需要的東西".

男人買野唔格價, 佢需要就去買, 就手/快d到手緊要.

女人睇落好似精明, 會格價. 但係就貪平, 會忍唔住買d本來唔需要既野, 給果"因慳得加".

最完美就係: 花一元去買價值一元的他所需要的東西.

老少平安($11-$20)

材料: 豆腐2件 ($4), 鯪魚肉 ($6), 蛋白1個($1), 瑤柱仔少量(可落可不落)

調味: 鹽適量, 胡椒粉少許

做法:

1. 鯪魚肉加調味拌勻, 豆腐搗爛加入蛋白、鯪魚肉、 瑤柱仔(絲), 2茶匙生粉，拌勻。

2. 蒸約十分鐘，淋上小小生抽及少許麻油即成。

易到不得了.