超市之超平價

今期超市超抵貨品有:

百佳

DREYER'S 各款味道雪糕, 2盒 $59.80.

 

吉之島

維他奶麥精荳奶1L, HK$6.50

惠康:

以下既即食面$19.90 2包

養養即食面 5'S

營多撈麵原味/傳統印尼撈麵五包裝

福字上湯伊麵5'S

西蘭花 3件 $8.90

惠康百佳都有既:

車厘子 $18.80 一磅 (惠康自己可以落手簡)

金奇偉果 5件 $10.80

珠江橋牌 豆豉鯪魚 227gm each $27.80 2件

pamper尿片體驗價

依個價都真係幾抵嫁~~同埋初生真係用依隻最好.

優惠詳情睇依到.

食材成本降一成 食肆勢掀減價潮

終於都等到依一日啦~~

【明報專訊】近半年無論是冷藏、冰鮮或鮮活食品，甚至麵粉的來貨價都下調逾一成，食材成本降低，大家樂率先公開表明有減價空間，飲食業界直言，快餐店「龍頭」帶頭減價，勢掀連鎖減價潮，有餅店已推出八折售新產品，

諗起年幾前, 樣樣野都日日加...加...加...價, 真係滴曬汗~ 最好跌快d啦~~唔該.

 

鯪魚肉棒棒($4)

早排blog友介紹, 用雲吞皮包魚肉來炸, 又平又好味~~我又試下跟住整. 我既做法唔知同唔同佢一樣呢?? 我係咁樣整:

材料(十條份量): 雲吞皮 $1(買$2分2次整), 鯪魚肉$3(買$6分2次), 芝麻油, 胡椒粉少少.

做法:

1. 鯪魚肉加少少芝麻油, 胡椒粉攪拌至起膠.

2. 雲吞皮一片切半, 取小小鯪魚肉舖平係上面, 再卷起收口.

3. 大火燒熱油鑊, 轉細/中火, 放入鯪魚肉卷入去炸.

4. 炸至金黃色就上牒.

5. 點番茄醬食.

阿囝用手拎住食, 話好味啊~~

 跟住狂點番茄醬.

美心MX $10現金卷(至10月30日)

print定一張帶係身, 可能用得著.

美心十元coupon

免費牙膏

又有免費野拎~~ 睇下有無一間近你自己啦~

免費高露潔牙膏

 

人肉洗生果機

依排d車厘子當做, 成街都係. 二十幾蚊磅, 雖然相對其他生果來講都唔平~我都會買d來食, 鬼叫自己仲意咩 . 

車厘子又好益, 岩曬女士食, 點解?? 因為佢:

 味甘，性溫。具有調中補氣、收澀止痛、防治缺鐵性貧血、健腦益智功效。車厘子蘊含豐富維生素 A 及鐵質，有助促進人體免疫力的提升，同時參與血液的製造，促進血液循環。

不過洗依d細細粒既生果都幾煩下, 如果真係要一粒粒咁洗真係洗死人啦~洗得唔乾淨又唔放心~~點呢?

我既方法係:

1. 放d車厘子入去一個有蓋既盒, 放到個盒一半滿好啦~. 再加d水入去至7分滿. 跟住lock好個蓋.

2. 跟住就拎住個盒係手係咁轉, 好似洗衣機既原理咁樣, 利用離心力+磨擦力, fing曬d污糟野出來.

3. Fing完一輪之後打開個盒, 你會發現d水好污糟, 咁就換水再洗多次. 直至見到d水係乾淨既, 就可以放心食得啦~~ 

註: 所有細細粒既生果都可以用以上既方法洗. 例如: 提子. 一樣洗得好乾淨.