不易散亂的摺衫法(底衫篇)

依家示範底衫既摺法:

又係一學就識呢~

大人既底衫一樣可以咁樣摺.

慳位又整齊. 得左~

去旅行咁樣摺, 之後放入膠袋, 一人一包, 整齊又唔亂.

不易散亂的摺衫法(底褲篇)

小朋友開始大個, 自己識得沖涼, 我又輕鬆左d.

不過比佢地自己拎衫沖涼,  就成日整亂曬櫃桶入面d衫. 結果攪出另一樣功夫比我跟.

點攪~講極都係咁. 我唔會咁易放棄既~

比我諗到辦法: 改變摺衫既方式.

驚寫出來唔清楚, 今次第一次拍片, 等大家睇得清楚d.

三角底褲的摺法:

平腳底褲的摺法:

係唔係好簡單呢~基本上一學就識. 仲有d似做手工咁.所以我已經傳授左比2隻小鬼~

以後收完衫就自己摺返自己果d.我又做少樣.

P.S. 大人既一樣係咁摺. 慳位又整齊.

《人生不設限——我那好得不像話的生命體驗》

真切地推薦比大家既一本書, 當你覺:

得對生活失去動力,

對自己失去信心,

對將來失去方向時,

請大家都睇下去呢本書.

值得擁有既一本書. 我都買左, 因為可以一看再看. 當然你亦可以去值來睇左先.

圖書館索書號: 245.2 5544

雖然有好多本, 不過都係比人借左或者預約左. 可以都要預約先至可以借到. 不過$2.5係值得比既.

如果你眼淺, 忠告你唔好打書釘/係公眾地方睇, 因為眼液會失控咁樣流出來. 敬請準備紙巾先至開始睇.

或者可以先上youtube了解下佢先.

http://www.youtube.com/watch?v=Tl58qufXfYk

倒茄汁 45度角 拍樽頸

係網上睇到, 同大家分享. 茄汁係我屋企必備, 知道呢個方法真係好啦~

唔知點解每次倒茄汁，特別係全新嘅茄汁，無論點chok，茄汁倒極唔出，點解？原來因為我哋倒時會將茄汁樽垂直倒轉，樽外嘅氣壓就會直衝入樽內，所以就會倒極唔出，其實，只要將樽倒轉45度角，就可減少氣壓入樽，然後用手指輕拍樽頸位，茄汁就會慢慢地流出，下次倒茄汁溫柔啲，唔使用蠻力chok到手都斷啦！

神奇小蘇打粉清潔法之膠凳變身法

屋企張白色膠凳(我估好多人屋企都有)用左好多年, 由於表面唔係滑身既, 日積月累咁, 就生左一層灰色積, 今日決定用"小蘇打粉水"來清潔下, 睇下點.

張凳係咁樣:

睇下d積, 仲有鉛筆痕.

噴小小"小蘇打粉水", 再用布輕輕捽下,  嘩~忍唔住叫左出來, 竟然.......

有咁大分別~真係講你都唔信, 一定要影相比大家睇下~

阿囡聽到我叫, 即刻跑過來八掛~

"我要試下, 我要試下~" 佢爭住要做. "好啦~比你做, 媽媽唔會同你爭既!" (乘機又偷下懶先)

佢拎住個噴壺係咁噴, 再用布/牙擦清潔~真係好認真, 唔馬虎嫁.

呢支水, 我絕對放心比佢拎來用~因為全天然, 直頭係食得落肚既野~一定安全.

"藍威寶"~NO WAY! (個廣告賣到好似小朋友都可以用咁樣, 我唔會信~)

發現環保清潔方法既另一個好處係: 可以將家務交比小朋友幫手做.

------------------------------------------------------------------------------------------------------

小蘇打粉水既制作方法:

一大湯匙食用小蘇打粉+一杯水, 入落噴壺, 搖均. 

每次用之前都搖一搖佢. 

邊到買:

街市買紅綠豆既雜貨店(最平), 超市, 蛋糕用品店

水龍頭返老還童法

檸檬酸可以去水垢, 廚房/廁所水龍頭既水積, 一樣去到.

一於自制檸檬酸水試下先.

 一大湯匙檸檬酸水開一杯水, 裝入噴壺.

做法:

1."達"一張廁紙或者廚紙係水龍頭上. 好似咁樣.

2. 噴濕水龍頭上既紙, 等佢full 下面膜先. 而我就去訓覺.

3. 第二朝訓醒, 張紙仲係濕濕地. 撕開張"面膜", 用乾布抺下~

登......登......d水積無曬, 立立令好似酒店果d咁樣

特登淨係做一邊, 留返一邊做對照. 你地睇下: 本來係咁樣.

 

咁樣一目了然啦~

真係好神奇啊~ 唔洗捽唔洗抺, 唔用化學劑, 就係咁簡單~

電水煲變靚法

屋企個水煲已經唔記得幾耐無洗 , 見話"檸檬酸"可以去水垢+洗潔屋企, 即刻買左一包來用.

方法係咁樣:

先煲左一煲熱水, 然後加一大湯匙"檸檬酸", 即刻見d水出曬水泡, 好似放左"維多c"咁樣. 吸返好個蓋我去街.

幾個鐘頭返來, 打開個蓋, 見d水黃黃地, 用塊百潔布去洗下, d水越洗越黃. 一倒完d黃水, 個見到個水煲竟然還原返"不锈鋼色".

不過由於我係按平時煲水咁樣, d水只係浸到條介線, 攪到個電熱水煲上下兩截色

想成個電熱水煲都"返老還童", 睇怕要搵日再浸多一次先得.

不過都好, 等大家睇到個分別.

效果真好到你都估唔到.

P.S. "檸檬酸"係白色粉末, 化工原料鋪有得賣.  

好似呢間:http://www.hanwai.com/ 每樽係一磅裝.

如果細包就家品店有得賣, 通常就係用來浸水煲既水垢.