天然生薑沐浴啫喱及生薑洗頭水

 

朋友糖糖知道我有自制天然保養品, 托我幫她做"天然生薑沐浴啫喱"及"天然生薑洗頭水", 皆因她的妹妹一月會生BB. 她想送給妹妹坐月時用.

這麼好的姐姐, 我一定會為她辦到的!


天然生薑沐浴啫喱 及 生薑洗頭水 完成品是這樣的.
賣相不錯吧! 顏色很"薑' 呢~~



當然啦, 因為真材實料, 有很多薑. 哈哈哈~~

味道方面都很"薑", 因為落左薑精油. 薑既好處真係好多, 特別係對女人來講, 真係飲又好, 食又好, 用又好. 好處多到數唔曬.

除左主角"薑", 當然仲唔少得天然的補濕因子"甘油".

洗頭水方面仲加左有生髮護髮功效既"迷迭香"精油 及味道清新醒神, 有殺菌作用既"檸檬"精油.  另外添加左對頭髮非常滋補既荷荷芭油, 生完BB一般都會有脫髮現像, 一定要補補先得.

今次既新產品, 自己第一個試用者. 因為我係"寒底". 整個冬天都係手凍腳凍, "薑"對我來講都應該係有作用既.

沖涼時用天然生薑沐浴啫喱捽下, 沖完個身會暖耐d.

用洗頭水時, 特登捽下頭皮, 沖完個頭好爽, 好似識得呼吸咁樣, 好舒服~生薑可以去"頭風". 對容易頭痛既人來講最適合.

即刻整多一套送比阿妹, 等佢今個冬天都暖立立.

如果你都有需要, 都可以訂做, sent email 比我: thriftyhousekeeper@yahoo.com.hk

聖誕快樂

今年的覺悟!

你撒出的種子, 不保証全部有收成; 可是你不播種, 就肯定沒有收獲!

JUST DO IT!

想要做什麼, 不需要計較太多!

************

快樂~是每個人都可擁有的.

 ~ 只要 ~

著眼你擁有的, 懷著感恩的心, 擁抱對未來的希望!

祝

大 家

聖 誕 快 樂 !

免費座枱年曆 周五起派發

新一年將至，公民教育委員會特別印製了2012年座枱年曆，以推廣良好公民核心價值觀。年曆將由12月23日（星期五）起免費派發。



今年的年曆由年青漫畫家梁進設計。透過他創作的漫畫人物「阿呢」的生活剪影，以輕鬆生動的插圖展現不同核心價值的重要。



年曆派發地點包括18區民政事務處諮詢服務中心、公共圖書館、各區大會堂、香港文化中心、香港歷史博物館，以及位於柴灣柴灣道238號青年廣場7樓的公民教育資源中心。先到先得，派完即止。



年曆同時設有網上版，市民可由星期五起於公民教育委員會的網頁（www.cpce.gov.hk/calendar2012）下載。如有查詢，可致電2802 0131。


手快有手慢無啊~仲意"粱進"既朋友, 更加記得去拎返本.

朱古力工廠開倉日(22-12-11)

一年一度, 做冬果日來開倉. 今次淨係貼左張紙出來.

詳細資料睇相:




有免費試食嫁~食完岩先至買.

www.gourmethouse.com.hk

風褸外套的摺法

大家既冬天衫, 應該出曬場!

天氣凍, 著得衫多, 但係一去有暖氣既地方或者搭地鐵人多, 就要除褸. 一家四口就攪到一大堆野, 呢個可以話係冬天既煩惱.
帶小朋友出去玩, 一熱起上來, 佢地又係除曬d褸, 結果......又拎到阿媽一手都係.
屋企既衣櫃係呢個時候, 特別覺得唔夠用, 比d肥嘟嘟既褸塞到爆曬棚~

點攪~
同大家分享慳位摺外套既方法, 希望可以減輕下大家既煩惱啦~

睇片: 風褸外套的摺法



肥嘟嘟外套"瘦身法"






好唔好呢~比d意見. 慳唔慳位呢? 真空袋都唔洗用啊~

好~

咁仲唔即刻郁手摺. 小朋友自己都做得來嫁~

針織開倉

年尾又係shopping既時間.

除左因為周圍都減價, 又有好多展銷會, 仲有"開倉".

不過近年好多"開倉"都係假既. 即係係工廠大廈"樓上鋪", 扮"開倉". d價錢平過鋪頭小小.

不過呢間就係真正既廠家開倉, 但係就要睇你好唔好彩, 因為件件唔同款, 唔同碼. 最好帶埋把"尺"上去度.

大部份係女裝 , 大碼既最多. 亦有童裝. 價錢真係好平.

不過我都係果句 --  "需要先至買". 帶現金啊~記住只開星期三及星期六, 時間: 11點-5點.
 

史雲生清雞湯 ($29.90 三盒)

今日星期五, 史雲生賣廣告, 全線湯底$31.9 三盒, 不過百佳廣告就係$29.90 三盒, 做三日特價. 年尾多家宴, 用開既就好去買定存貨啦~