超市超平

今日星期五, 又係超市轉牌(減價貨品既日子), lunch去左超市一轉, 買菜~~無錯, 係買菜啊~~超市食水深, 但係有d野其實真係"平通街"嫁, 就係-"菜" & "生果". 有d仲平過街市.

好似今日我買左既生菜,  

超市價: $3.9. 平時街市都要$5個啦.

小唐菜:

超市價: $3.8磅, 最近街市都要$5-6斤

西蘭花仲抵:

超市價: $2.5個. 平時街市都要$8-10斤. 大約有2個. 咁超市平成半.

娃娃菜又係超市平:

超市價: $3.9包, 街市一般都要$5 包.

依樣長紹菜就最抵:

超市價: $5.9一棵, 街市段斤計, 一棵幾斤重, 唔洗計都知一定平街市九條街.

超市平過街市, 我緊去超市買啦, 一來d菜乾淨d, 二來斤量一定足, 三來又可以簽卡儲分. 點解超市會平過街市呢~~我估因為佢地係大量入貨, 直接同菜場羅貨, 少左中間既批發商, 咪平d羅. 不過由於要大量入貨, 所以越可以放得耐既菜, 例如: 長紹菜就越平, 因為可以入多d, 唔怕變壞羅. 易變壞d菜就無平咁多.

生果至平就係依樣:

超市價: $2.6. 街市至平都要$10 3個.