邊個偷左你d錢? (七)

7. 換手機

好多人(尤其係男士: 包括埋我老公&佢公司d男同事& 我朋友既老公)都有鋪換手機癮. 依樣野真係好跌錢.老公知道我實會"鵝"佢, 所以可能係個腦入面諗左十次八次先真係去換一次. 不過佢d同事真係兩三個月就換一次, 一年換幾次機,  為咩?? 我真係諗唔明要keep住換先至唔會"out"播.

換左新手機, 好d既就識得將部舊機拎去trade in 或者放上網賣(我老公係其中一個). 不過機既野, 一用過就唔值錢, 話知你用得果幾次, 起碼要折讓30-50%就賣得出啦.

有d就將部舊機送(塞)比身邊既女士, 例如老婆/阿媽/細妹/女朋友/侄仔女等等人士用.

仲衰d既, 話費事煩, 就咁將部舊機pet左係屋企, 美其名話"收藏". 手機有"收藏"的價值咩??自欺欺人~ 

換一次機, 唔見一千都有幾百蚊啦. 一年換幾次, 咁又跌左幾多錢呢~~自己計啦.