我屋企常備有"維多C"水溶片, 開始做傷風時飲一杯, 真係鎮得住唔發病嫁~~雖然唔平, 2支共30粒裝, 最平$79到, 我都會買.
今日係屈記見到有換購, $19.9 1支15片裝. 
健康產品包括藥品, 於是我搵左d需要用既野,
買左2 pack "撤隆適"膏貼(3片裝), @$9.9 (除開每片都平過原裝大包果d)比阿媽, 2包喉糖@$4.9 比老公, 換購左4支"維多C"水溶片. 我見係09年6月到期, 估計4支一定飲得曬.
總共$109.20. 2份都只係$55, 都平過原裝果d($79)一大節.
岩用既就快去買啦. 換購完就無嫁啦.
ps: 4/8 今日萬寧都有得換購, 買任何一樣野就得啦.
如果作感冒，有無好介紹? 早排作感冒，吽吽下變咗氣管敏感，咳到飛起。
回覆刪除[版主回覆08/02/2008 22:52:00]感冒都係休息多d, 吸收多d維他命.
咳到飛起==>陰公~~係唔係為左做功課, 辛苦得制啊~保重啊~
愛過你的blog後, 獲益良多, 我正在與通漲作戰中.......
回覆刪除[版主回覆08/02/2008 22:52:00]通漲作戰中.......==>大家咁話啦, 一齊加油啦.
係咩~?係咩?等我都去睇吓先~唔知今日仲有無呢~?
回覆刪除[版主回覆08/02/2008 22:53:00]尋日先第一日, 無咁快比人買曬掛~
是否全部維多C都是提子味呀？
回覆刪除我是想指用來換購果d維多C.
回覆刪除[版主回覆08/03/2008 00:04:00]應該係. 我d朋友係各區買到既都係. 有d shop仲係"買任何物品"就可以換購添.