十一月開始, 突然間成街都係"開倉""大平賣"咁啊~~無論名牌, 平價牌子通通都要錢唔要貨, 數量之多, 簡直令你
不過大家唔好太興奮, 開倉買野確係平好多, 不過一個唔覺意買多左, 咁就反而"偷雞不著蝕把米".
我去開倉, 會咁樣做:
1. check下自己係唔係有"需要"買果樣野. 如果唔係就唔好去.
2. 如果驚自己去到會忍唔到手買多左, 去之前set定一個筆直比自己.
3. 再驚, 就直頭只帶果個筆直既現金, 唔好比機會自己(既心魔
4. 如果真係自己知自己事, 不如就唔好去, 托去既朋友代買你需要既果件貨.
切記: 開倉本來為慳錢, 好易唔覺變蝕錢.
我通常都好忍得住手, 同埋通常都會幫朋友買埋, 幫到人又可以滿足下自己(想買野)既心魔
註: 依家只係開始, 來緊幾個月, 仲大把跳樓貨~~大家都係忍手先啦~~留返d $$, 遲下仲抵.
周末行过下,感觉无乜特别平既野,点解你经常可以见到平野嫁!
回覆刪除[版主回覆11/11/2008 23:31:00]经常可以见到平野==>對依樣野特別敏感羅.
我諗臨近年尾可能仲平!!!
回覆刪除[版主回覆11/11/2008 23:37:00]會越來越平. 今日又多間餐廳執啦~~
其實香港d衫衫有時真係幾平,仲好多款
回覆刪除不過我都試過去完香港之後買左好多無用的回來
不愧為購物天堂,買到忘晒型 ^o^
[版主回覆11/13/2008 23:34:00]買到忘晒型==>當好多人一齊搶果時, 更加會令人忘形.
Hi Hi, 你好吖!!! 你講的, 我之前幾年都中哂招啦... 唔慳到不特止, 仲要比平時買多左好多嘢, 都唔知係我真係亂買嘢, 定還是我真係冇咩新衫, 總之每年聖誕前都會用好多錢, 跟住過左年後還的咭數簡直令我癲左啦 ...., 今年仲未好敢去行開倉呀, 我都係等再遲些, 臨聖誕前可能會再平D.... 不過我今年會記得你o既方法, 仲有, 一.......定.........唔帶信用咭去, 有幾多, 洗幾多....
回覆刪除[版主回覆11/13/2008 23:36:00]年尾既氣氛會令人覺得要消費~~不過今年睇怕個氣氛都唔多好, 好多人失業啊~~