早排有朋友買左架爆谷機, 好興奮咁報料比我知, 因為佢知道我仔仔好仲意食爆谷.
後來我上網search一下, 原來自制爆谷簡單到不得了. 用個鑊產也可以整爆谷。
係吉吉島買左包最細包$5既乾栗米. 諗住過年得閒試下整來食. 第一次一整唔多成功, 因為燶左d. 再研究過原來係因為落左"牛油"既關係.
第二次整就咁樣乾鑊, 放d栗米粒落去.
加鑊蓋用中火, 一邊焗一邊拎起隻鑊搖下, 以防痴底. 慢慢你就會聽到爆緊既聲, 同埋聞到好香既爆谷味, 你要繼續搖到無聲先開蓋.
登........登......登......成功. 好白好靚~~
之後落一小匙已叮熔既牛油, 蜜糖, 用鑊產炒幾下, 或者轉過去個細既煮面煲處, 加蓋用力拋幾下撈暈d牛油蜜糖, 食得.
真係簡單到你唔信~~小朋友想食幾時都可以整來食.
原來賣爆谷超好賺~~
乜真係簡單成咁 ~ 去開吉記又買番包乾栗米試0下先 ~ 多謝介紹
回覆刪除[版主回覆01/31/2009 01:49:00]係啊~~未試過真係唔多信. 真係咁簡單.
我有個 amway 煲都係咁用途, 不過就用錫紙包住先焗, 仲可以焗栗子.
回覆刪除[版主回覆02/01/2009 00:13:00]焗栗子==> 點焗啊~~街賣好貴啊~~
呢個容易啲，我會試一試。
回覆刪除[版主回覆02/01/2009 00:13:00]用$5試下啦~~ 包你都話易.
正喎. 但係係咪乜野鑊都得架. 即係將d栗米放落鑊, 乜都唔駛加, 開火, 加蓋, 聽到啪啪聲, 間唔中搖幾吓, 到無聲就掂.
回覆刪除咁個鑊會唔會有事 ? 如果整鬼爛我媽隻鑊, 我就好大鑊.
[版主回覆02/01/2009 00:17:00]我用平時炒菜隻鑊整羅. 記得要: 一邊焗一邊拎起隻鑊搖下==> 隻鑊係會"離火"一陣, 我隻鑊一d事都無.
用個闊口大煲整都得! 我細佬細細個時都係整黎返學校開party比同學既小食, 不知幾受歡迎!
回覆刪除[版主回覆02/01/2009 00:18:00]你細佬細細個已經學識, 佢都好叻.
嘩... 好吸引呀, 搞到我都好想試下整
回覆刪除[版主回覆02/03/2009 23:30:00]真係易過借火~~試下啦~
可以試吓加啲朱古力/阿華田粉!
回覆刪除[版主回覆02/06/2009 00:18:00]都得. 仲意整咩味都可以.
有人教我整要架油, 原來唔用油都得架, 咁仲健康啦
回覆刪除[版主回覆04/03/2009 23:57:00]我試過用油, 不過好易"long"+焗到出曬煙, 有d驚~~
爆開左之後先再溶左既牛油炒, 易d控制.
我試過用易潔煲焗都得架!
回覆刪除