點樣先儲到錢 (四: 零錢佈施自己)

航空公司有個叫"零錢佈施"既計畫, 即係叫d旅客將用剩既外國零錢捐出來. 好多人都樂意咁做, 因為數目少, 加下外幣零錢真係換唔返本地錢(好費事). 不過你唔好睇少依d小數目, 一年落來加加埋埋條數就唔少.

如果你覺得自己係一個點都儲唔到錢既人, 不妨仿效依個方法, 為自己實行"零錢佈施自己"儲蓄計劃. 準備一個錢箱放係門口, 每日入屋, 就將自己銀包入面既零錢投入去, 唔好睇少"零錢",  假設一日五蚊, 一年就有$5x365=$1825. 如果一日十蚊, 咁一年就係$10x365=$3650.  只要每日持之以恆咁做就得.

依個方法完全唔會影響日常既生活, 亦唔會有"痛苦"既感覺, 不知不覺間都會儲到小小錢.