十年, 你累積左什麼??

柴九金句: "人生有幾多個十年". 依排人人周圍都有人講, 三歲既小朋友都識講.

依句說話令我諗起早排有個廣告, 廣告果句係: 十年你累積左什麼?? 依個廣告我係老銅既sogo門口睇到既, 現場仲有個超大既透明箱, 箱入面堆滿左一對對既女裝鞋, 場面都幾"震撼"下. 因為果處係巴士站, 一落巴士就見到, 果下真係打左個突嫁~~

個廣告好似係金融機構賣既. 我果時一睇, 個腦即刻都問下自己. 十年你累積左什麼??好在唔係一大堆鞋姐~~

由負資產開始, 十年我還清左債務, 累積左一筆既"失業保障基金", 一個家庭, 一班好友.

十年來,
發現左原來健康先係無價寶,
發現左原來生活係唔需要太多既物質, 簡單就是快樂.
發現左原來唔需要為將來擔憂得太多, 一切都在改變中.
無野你係掌控得到, 亦無需要去掌控.

十年, 我達成左自己既一個夢想, 做左媽媽. 依家努力向另一個夢想進發.
十年後唔知會點樣, 不過只要去做, 就無憾.

十年, 可能有人吃喝玩樂, 累積左一堆埋既卡數.
十年, 可能有人努力上位, 日做夜做, 累積左一身既病痛.
十年, 可能有人日日打機, 累積左好深既(近視)度數.
十年, 可能有人投資有道, 累積左足夠既資產, 自此退休..

十年, 你又累積左什麼呢??? 不妨問下自己. 人生真係無咩幾多個十年.