Beard Papa 免費派100個芭芙(8月1-2日)

Beard Papa 免費派100個芭芙

全線Beard Papa 於8月1日及8月2 日中午12點開始派發100個芭芙(原價$12個)及送出卡通伯伯迷你扇一把，
先到先得送完即止.

唔知會唔會排長龍呢~~

 

店鋪地址如下:

銅鑼灣祟光百貨地庫二樓16號舖
No.16-B2,Jumbo Sogo,555 Hennessy Rd.,Causeway Bay
電話:2831-8693

旺角地鐵站11號舖(近E出口)
Shop 11 ,Mong Kok MTR Station ,Mong Kok (MTR Exit E)
電話:2392-1218

九龍灣地鐵站1號舖(地鐵站A出口)
Shop 1 ,Kowloon Bay ,Kowloon Bay MTR Station (MTR Exit A)
電話:2331-9488

荃灣地鐵站10號舖(近B出口)
Shop 10 ,Tsuen Wan Station ,Tsuen Wan (MTR Exit B)
電話:2402-3160

觀塘418號創紀之城五期apm地面低層LG 103B號舖
LG 103B ,APM Millennium City 5 ,418 Kwun Tong Rd,Kwun Tong
電話:3148-9263

屯門市廣場第二期一樓38B
Shop 38B ,1/F,Phase II ,Tuen Mun Town Plaza ,Tuen Mun
電話:2404-9919

太古城康山道2號康怡廣場吉之島地下L101號舖
Shop L101?G/F,JUSCO Kornhill Store,Kornhill Plaza (South),2 Kornhill Road,Quarry Bay,HK .
電話:2967-9747 (開張日期2008年7月10日)

簡易鰻魚炒飯 ($18.5/$9.3)

假日中午, 老公唔係屋企食, 又諗唔到要煮咩~~搵下雪櫃有咩材料先, 搵到先前係批發買既一包"鰻魚". 一於整"鰻魚炒飯", 又易整又唔洗煮到身水身汗.

材料: 白飯三碗($3) , 鰻魚一條(250g $30), 急凍雜豆一小碗($3), 蛋一隻($1) 

做法:

1. 鰻魚切粒備用.  雜豆解凍後用滾水略沖去雪味. 蛋落小小鹽打勻.

2. 燒熱油鑊, 加入蛋煎成蛋皮, 盛起切成蛋絲備用.

3. 再燒熱油鑊, 加入鰻魚粒炒一會，盛起備用.

4. 再燒熱油鑊, 炒冷飯，加少許日本醬油炒勻

5.將鰻魚粒加入(4)中炒勻，最後加入雜豆炒勻，試味後盛起, 將蛋絲鋪上面。

6. 食之前再加d"日本飯素".

簡簡單單又一餐~

依餐計大人$18.5, 2位小童 $9.25.

Super Sandwiches Coupons

又有新coupon, 都無停過~

岩用就print出來啦~

原圖

 

免費涼茶試飲裝

免費涼茶試飲裝

大熱天時, 要下火真係岩曬~~仲要係寄來你屋企. 正~~

夏日香水之另類用法

依排天氣真係熱到爆~~一出街就一身汗. 好多時上巴士/入地鐵一坐低, 如果車箱入面都係"猛男"多, 果陣"男人味" 真係好難頂下~ 咁點算呢? 走又走唔到, 避又避唔到, 地鐵行果時車箱仲會有d風, 行車時d味都叫無咁勁~ 巴士就慘d, 真係焗住要聞~拎張紙巾出來掩住個鼻又好似好樣衰咁. 

為左令自己好過d, 大熱天時, 我會隨身帶支香水版, 係依d 時候拎出來搽小小係手腕/手背處, 之後再用隻手托住下巴, 果陣陣既香味就可以擊退異味, 

日式豬骨湯鴨胸拉面($15.5/$8碗)

依排咁熱, 個人都無咩胃口, 三餸一湯, 煮完都食唔落啦~ 依d天氣我會煮d簡單又易入口既野.

係日式批發果處, 我搵到隻獨立包裝既日式拉面, 慳．師奶價只係 $2包, 仲有隻獨立包裝既日本Nibishi九州拉麵(濃縮)湯 (No. 5 )小包裝湯底, $3.5包. 平平地, 一於每樣買2包來試下整:

九州鴨胸拉面

材料: 拉面2包($4),  九州拉麵(濃縮)湯 ($7), 煙鴨胸一塊($7), 粟米一盒($5), 椰菜半顆($2.5), 東菇 數粒 ($5)

做法:

1. 椰菜洗淨切大塊, 落鑊炒至軟身, 加小許鹽調味, 待用. 東菇浸淋待用.

2. 煲一煲水, 水滾落面, 邊煮邊攪拌, 防止面黏埋一齊。 煮到8分煮(你要夾起來試下), 隔水待用.

3. 同時間用慢火煎香鴨胸, 切片待用.

4. 2碗半滾水加入濃縮湯底, 放入東菇滾幾滾略待入味.

5. 大碗內放入拉面, 加入豬骨湯底, 將各材料排好.

話咁易就整好, 食得啦~~

依碗自己既~~都扮得幾似鋪頭果d. 湯底開左水變左奶白色. 我勁仲意栗米, 勁落~~係出面食果d拉面, 成日比得好少, 好孤寒, 自己整當然要完全滿足自己啦~

依碗囝囝既, d料多d連面都見唔到.

睇下d面. 食落口又滑又彈, 同鋪頭果d一樣樣啊~~再飲下個湯, 正啊~面同湯配合得岩岩好, 完全同係街食既一樣味 ~(撞鬼咩~鋪頭都係拎依d貨, 緊係一樣味啦~)

以後係屋企都食到日式拉面啦~~粟米仲可以落好多好多~~好開心啊~

依個份量一大兩小食, 我當2份計, 大人果份都只不過係$15.50. 鋪頭食一碗起碼要$38. 慳一半都唔止.

食到見底, 湯都一滴不留.

大昌行勁爆熱賣

依排屋企附近既大昌行超市長期9折(米油產品95折), 尋日見到仲有個勁爆熱賣推廣,

買滿$50, 就可以優惠價換購指定貨品. 今期係換大昌芥花籽油 ($39.90 3支). 大家如果去買開野, 不妨留意下有咩換購野岩自己啦~~ 

美心西餅優惠現金券下載(至7月31日)

依個我諗大部份人都岩用. 我就常用$2果張. 買任何產品送西餅果張都唔錯.

想印大張既請click 原圖

註: 關於"影印本無效"依個問題, 我打左電話去美心問, 個客戶服務員答: 果幾個字係針對"報紙送果張coupon", 依網上版大家係"print"出來用既就無問題播.

雀巢咖啡優惠卷

如果有飲開既, 咁就要印定一張袋係身啦~~

http://www.nestle.com.hk/tradch/jetso/0161/coupon_live.pdf

 

八達通日日賞

日日賞又有新一期優惠啦~~睇下邊個岩你多d~

日日賞最新優惠

慳錢機場半日遊

星期日小朋友學校有活動, 要入到機場附近, 一場去到咁遠, 緊係順便係果處玩埋. 我地搭地鐵去東涌轉巴士, 先前用地鐵禮友會積分換返來既5張地鐵飛岩岩用得上, 慳左2個大人2程車錢+一個小朋友一程車錢 ($20.7x4 + $10.4=93.20).

去果處玩咩~~我之前上網check過, 機場客運大樓T2有個Skyplaza, 入面果個航空探知館, 有間4D立體戲院.

 一早應承左阿囝暑假帶佢睇一場戲, 果間戲院做緊"冰河世紀3",一於去睇下4D 電影係點樣既.

依套戲既票價係:成人 $65，小童/學生/長者 $50. 二大二細加埋要$230. 都幾貴下~

好在我路經三樓見到有個推廣櫃台, 行過去問路, 見到依張coupon, 係指家商戶單一消費$180 可減$20, $1,000 減$200. 優惠至8月31日止.

 

買戲飛既時候又拎係手, 問下個賣票員用唔用得, 完全係博一博, 因為我見排前面買飛既人, 無人用過. 賣票員都唔係好肯定, 要問左個阿頭先覆我, 原來係用得既. 問多句, 咁又慳$30.

除左戲院, 原來依一大堆參與商戶都用得, 包括好多大家都成日幫襯既商戶, 連係萬寧買奶粉(不過萬寧奶粉一向貴過人)都用得. 如果咁岩有野想買都幾好播. 仲有好多其他套票優惠

買左飛不過未夠鐘, 有咩攪~~去隔離「PlayStation® Gateway」遊戲特區

免費打下機. 

如果打機唔岩, 就睇下飛機模型

或者操作下館內設有既6座操作簡便互動資訊櫃檯, 例如：機翼如何運作、如何發動噴射引擎及各種不同飛機所需的飛行時間等。

另外仲有仿30年代和50年代的懷舊機艙，以至仿頭等機艙的佈置, 坐下望下個"窗"口，看到世界各地的空中景色，真係有d似搭緊飛機. 全部都係免費.

玩下玩下完全唔覺就兩點, 係時候搵下食. 見好多人係"潮館"排隊飲茶, 原來下午茶6折. 心諗不如都飲下午茶啦, 反正仲有時間. 點知拎左張飛之後, 睇到個點心價錢: 小點 $20, 中點 $26...... 嘩......6折都係貴過出面啦~~即刻轉去food court.

睇來睇去, 都係想食日本野, 一份都要$45-$50. 我睇餐牌既時候, 個收銀姐姐好醒目咁話我知, 佢地2點15分有下午茶餐, 仲拎左個餐牌出來, 話我可以比錢先, 夠鐘先去拎. 一睇個下午茶餐 - $23份. 嘩~~平一半.

我知一般下午茶餐份量都會少d, 不過斷估都唔會少成半掛. 一於叫一份睇下個份量係點樣先.

我個餐出來啦 : 日式炒烏東+日本素菜粥 + 飲品一杯= $23

唔覺同正價餐牌既份量有差別, 仲可以話幾多下添.

老公即刻叫多一份 - 日式餃子烏東+凍飲.

阿囝就叫左佢既至愛 - $27.

4個人食三份, $23+$23+$27=$73

食飽飽再返去玩Playstation到夠鐘入場. 戲院入面d凳係一級級咁拾級而上既, 坐落去一定唔會比前面既人遮到/睇到人頭, 而銀幕又特大(比起依家果d迷你影院), 睇起上來特別爽.

有返以前細個睇戲果種感覺. 而且間唔中仲放下泡泡/煙/水滴. 小朋友都睇得好興奮~~

睇完就落二樓, 睇熊仔展覽. 又影下相. 睇到告示, 原來2號客運大樓係有shuttle bus 去東涌地鐵站既.  正啊~~又慳返每人$3.5($14)車費.  係9號閘口等車, 7點前好似15分鐘一班, 7點後就半個鐘一班. 架車十分鐘內出到東涌, 就停係富東商場(地鐵D出口)對開. 

晚餐就係富東商場入面既大家樂解決.

依日4個人睇戲($200)+食2餐飯($73+$107)+車錢($10.4+$10.4+$3.5+$3.5+$3.5)=$411.30

我覺得如果係東涌住/搭地鐵唔洗錢既人, 或者你需要去送機, 去機場消費分分鐘平過去旺角.

Origins 白米換膚霜試用裝

係德福商場有得拎.

免費 sample

仙跡岩買一送一(7月16日只做一日)

依間野d飲品都幾好飲既, 不過就貴d~~好耐都無飲過啦.

家下有買一送一, 如果你都仲意飲既, 就記得約埋朋友一齊去飲返杯啦~

鋪頭地址睇依處

誰是「扯電王」？

7月9日 星期四 00:01

每年夏季，選美活動令香港頓變得熱鬧起來，哪位佳麗登上冠軍寶座，成為不少人的茶餘話題。另一個「競選」，大家都可能大感興趣：誰是家中的「扯電王」？來自全港18區住戶的Miss Air Con (冷氣機)，佔住宅用電量34%，以大熱姿態榮封「扯電王」，其次為Miss Lighting(電燈，佔22%)，之後有Miss Fridge (雪櫃，佔14%)和Miss TV(電視，佔7.3%)。冷氣機佔住宅的用電量遙遙領先，「扯電王」稱號認真實至名歸。

炎炎夏日，不少住戶差不多天天長開冷氣機，偏偏冷氣機屬用電量之冠，為荷包、為地球，該如何節能、減排？以下與大家分享智選電器、英明用電的低碳貼士。

以冷氣為例，分體式較窗口式省電，因為分體式有較大的外置機身來散熱，如以每年運作1,000小時計算，一部符合能源效益的1匹分體式冷氣機，每年約耗電800度，排放520公斤二氧化碳；相同匹數的窗口式，耗電量則接近900度，相等於580公斤碳排放。

冷氣機又可配合電風扇使用：每調低冷氣機攝氏1度，電費便增加6%，而使用電風扇10小時，電費只是6毫 。此外，不要小看窗簾的能力，利用窗簾避免房間直接曝曬，是最有效減少冷氣費的方法。

想知道更多低碳貼士、選購節能電器？《低碳生活電器選購指南》幫到手！

為屋企，慳電重要；為地球，減碳更重要；一起努力創造綠色香港，共同對抗氣候變化﹗

想慳錢既你, 一定要入去睇下d貼士~~

「小企業‧大舞台」暑期展銷會

來緊果個星期六, 係維園會有個展銷會.

日期：2009年7月16日至19日 (展期4天)

開放時間：16/7 及 17/7 - 上午11時 至 晚上9時
18/7 及 19/7 - 上午10時 至 晚上9時

地點:香港維多利亞公園 (1及2號足球場, 即近銅鑼灣入口)

主題展區：        電子產品；有機產品；家居用品；教育產品；寵物用品；食品(乾貨)；創意產
品

入場費用：        免費

有咩賣~~睇依處可以知道部份啦~

想慳電一定要知~

如果你想慳電, 就一定要知道依d數據:

你知道嗎? 本港家居九成電力用於：

 

九成電力用於

 

另外半成至一成用電，就白白花在讓電器處於備用狀態(standby)！
立即使用我們的 家用電慢慢碳計算器，找出你家的慳電大法！

想知道自己屋企各款電器有幾"食"電, 就要用家電有幾"碳"計數機 計下佢啦~ 你就知道由邊到慳起啦~

Maisy新書

Maisy書圖書館一向都有. 不過由於太受小朋友歡迎, 果幾本都甩頭甩腳啦~~

 

最近發現圖書館入左新書啦~,  依本係其中一本. 阿囡簡直係愛不釋手啦~

 

 

構圖顏色都無得頂. 難怪咁受小朋友歡心.....同埋超貴. 好在有圖書館.

Maisy新書

Maisy書圖書館一向都有. 不過由於太受小朋友歡迎, 果幾本都甩頭甩腳啦~~

 

最近發現圖書館入左新書啦~,  依本係其中一本. 阿囡簡直係愛不釋手啦~

 

 

構圖顏色都無得頂. 難怪咁受小朋友歡心.....同埋超貴. 好在有圖書館.