慳錢生活．水電煤(三)

再續講點樣慳水:

3. 洗衫

- 好似政府係電視賣廣告咁話, 儲埋一機衫先開洗衣機啦~慳水又慳電.

-如果一個人住, 可以考慮用細容量既洗衣機. 市面上有d一人用洗衣機, 細細部慳位又慳水.

- 可以考慮一下人手洗衫.

- 嘗試將d衫著多幾次先洗, 下身著既褲/裙唔需要著一次洗一次, 減少洗衫既次數, 慳得仲多.

- 唔好用厚大毛巾, 轉用薄身細條小小既毛巾抺身. 一家人唔需要每人用一條毛巾, 可以大人一條, 小朋友一條, 抺完身撐開來掛, 等佢快d乾, 使用毛巾既數量減少左, 就可以減少開洗衣機既次數. 因為毛巾都佔洗衣機好多既位置嫁~

- 比起夏天, 冬天時床單/被可以用耐先換.

- 夏天鋪席, 床單又洗少d啦~天氣唔係太熱, 仲可以慳埋冷氣添.