DIY 萬用紫雲膏-濕疹救星

近排自己研究緊DIY既手工保養品,  早排天氣轉, 見姑奶對腳R到損曬, 先知原來佢濕疹發作, 睇西醫都只係治標唔治本, 比類固醇佢搽, 只係止得一陣痕, 晚黑都痕醒, 訓都訓唔到,  陰公! 小腿因為搽左類固醇攪到一達達, 好似瘀左咁樣, 好肉酸啊, 裙都唔著得.

醒起係網上見過人地話紫雲膏對付濕疹都好有效咁, 於是的起心肝去研究下, 4月19日終於第一次試整. 原來都唔係太難整.第一次唔知有無效, 小小地整左幾樽. 依d樽仔原本係裝果占既, 姑奶比我, 非常岩用.


老公手指都有濕疹, 佢同姑奶當然成為首批"試用者"啦. 又比左樽奶奶, 試下對刀傷, 燒傷效果點樣先, 佢成日係廚房整親.

不過搽左就有好香既麻油味, 老公話會令佢好想食"出前一丁".等待試用報告. 如果真係有效再整多d.

3日後有報告啦~好鬼開心啊~姑奶用左幾日, 濕疹位置既水泡收乾左, 仲開始結焦好返啦~佢好多謝我啊. 佢要我再整多d比佢, 佢會努力幫我留多d樽仔. 老公手指d關節位硬皮軟化, 裂開既地方亦開始埋口結焦. 囝囝比蚊咬, 腫左一大片, 仲出埋水泡, 搽左止痕退腫, 水泡都即謝.

拎左樽返公司比個有濕疹既同事試搽, 試過都話"得", 濕疹位置唔再痕, 好鼓舞啊~佢只係搽左2-3次咋. 同事行山比蚊針到, 好痕. 試用後真係止到痕. 有人試左有效, 幾個同事都想試.  朋友聽我講姑奶試左有效, 幾個屋企人有濕疹既都想試.

於是再買材料整, 今次浸出來既油比上次更紅, 可能係切碎左d藥, 藥力比較出到. 希望效力同樣有加強啦~

不停地比人催(姑奶同事朋友), 尋晚開爐整. 今次整得好快, 有經驗啦嗎~. 因為太多人想試, 事前我寫定張list, 費事漏左, 再入多一樽做"是啤". 一共整左9樽. 超大樽既比姑奶, 等佢慢慢搽.

睇下d膏幾紅~

完全係天然色素來嫁~睇下過濾出來既油幾紅.

紫雲膏既作用係點樣, 我係網上搵到:

紫雲膏最早記載於明代醫藥典籍《外科正宗》，有治療皮膚病的作用，後來廣清代太醫院採用，並加入金銀花、青黛等成為御方紫雲膏，外塗治療濕疹。

成份：
紫雲膏的成份為紫草、當歸、麻油、黃蠟等，但坊間各家製作的比例不盡相同。

各款成份功用：
紫草 - 殺菌、抑菌、消炎。　　
當歸 - 滋潤肌膚、活血止痛、改善循環、促進肉芽組織生成。　　
麻油 - 潤膚、滋養。　　
黃臘 - 賦形劑。 　　

紫雲膏除了對治療濕疹有效外，亦主治以下：
（一）一度或二度燙傷：我個人在製作紫雲膏的過程中曾不慎燙到，傷處紅腫熱痛（一度燙傷），先用冷水沖泡後，塗抹紫雲膏。幾個小時後，燙傷處的灼熱感很明顯的漸漸消退。二度燙傷為起水泡，有病人反應用了有幫助。三度燙傷傷到神經，病人多住院治療，我們沒機會使用。但是曾有燙傷植皮的病人，植皮處紅、腫、癢、乾燥，使用紫雲膏後，皮膚狀況很快改善。 　　

（二）擦傷、刀傷、各種傷口：塗上紫雲膏後，傷口會很快不痛，比較快癒合。如果傷口仍在流血，將紫雲膏塗抹厚一點還可幫助止血。曾有人養的狗傷口深可見骨，塗抹紫雲膏幾個月後傷口漸漸癒合。 　　

（三）尿布疹：如果換尿布的時候發現紅屁股，趕緊塗抹紫雲膏，下次換尿布時你會發現紅屁股已退了百分之八十。尿布疹厲害時會破皮，有傷口自然是紫雲膏的適應症。 　　

（四）蚊蟲咬傷：有些小孩子被蚊子咬得滿腿紅豆冰，塗紫雲膏有效。　　

（五）富貴手：乾燥、脫皮型的富貴手塗紫雲膏會有幫助。 　　

（六）香港腳：脫皮型的香港腳塗紫雲膏會有幫助。其作用可能不是抗黴菌，而是改善皮膚健康狀況，使黴菌無法寄生。 　　

（七）水痘、帶狀皰疹：它們都是同一種病毒引起，皮疹形態都是紅疹上有水泡。曾有88歲老太太得了頸部的帶狀皰疹，除了內服中藥外，皰疹處塗抹紫雲膏，待急性期過後，皰疹吸收不留疤痕。 　

（八）皮膚苔蘚化：有的人皮膚癢，常常搔抓，久而久之皮膚變厚、皮紋明顯，即所謂的苔蘚化。曾有病人內服中藥加上外用紫雲膏，苔蘚化消失於無形。 　　

（九）皮膚皸裂：有的人到了天冷的時候，手掌或腳掌容易皸裂，甚至於出血，塗紫雲膏可改善。 　　

注意之處：
孕婦、蠶豆症或溶血症患者忌用。

中醫治濕疹

我既配方用左紫草、當歸、黑麻油、白蠟, 再加多樣白芷. 因為問過我既中醫師, 依味有"袪風濕, 排膿, 解毒"既作用, 幫忙傷口愈合得快d.

紫雲膏可算得上係萬用膏. 對濕疹病人來講, 係除左"類固醇"以外既選擇. 希望收到既人都用得開心.

配方網上有好多, 只要你 search "紫雲膏"就搵到. 唔難整, 只係"煩"姐.