有日同事同我呻自己既支出好大, 所以儲唔到錢. 我
再聽落, 原來佢每日放工返屋企途中, 都會買野. 
原來係咁樣~咁無錢剩就一d 都唔出奇~
依種情況之前都聽過, 果個仲誇張, 就係咁樣每日都買d野, 長年累月之下, 積積埋埋d 卡數, 最後攪到破產.
所以唔好睇少依d"隨意式"既消費習慣, 因為每天都買, 唔買就好似唔舒服咁樣, 俗語話: 少數怕長計. 每日兩百蚊, 二十日就係四千蚊.
咁點樣停止呢?
我既方法係:
1. 換一個返屋企既路線, 咁樣可以避開現存係路上既"誘惑".
2. 搵代替品, 例如真係好想好想買野, 就去超市, 限自己買一樣日用品.
3. 唔帶信用卡, 銀包只袋少量既現金.
當然, 最重要都係你自己既"決心"啦~
由於唔想屋企多咁多無謂野,所以依家我買野係好理性架!
回覆刪除買之前要諗下:係咪有用呢??買左用唔用呢??係咪真係靚/岩自己呢??
仲之就諗一大堆問題啦~當你諗得哂果陣,就唔會再想買果樣野啦..
所以我係行親街都好難買到野..因為我最重要係諗,呢樣野係咪好好好中意,超有衝動非買不可??唔係既..就唔買LO...=V="""
係呀隨意式消費習慣都會駛咗唔少$$架!!
回覆刪除以我為例(fulltime mami)送完仔仔上校車,跟住食個遲LUNCH $22(2:30PM下午茶餐),食完無無聊聊行下超級 $30-$50, 買下餸$30-$50,未計有時買咗無謂野,每日$100幾十都用咗得好唔值架!
所以我宜家怕自己隨意式,無謂消費,我會買足一星期餸(肉,魚),一星期去一次超級,睇晒一星期嘅錄影節目,咁我就唔會無聊行超級駛$$,都慳到DD架!!
另外每次想買野時都係會問自己一D問題(老公俾$$時就唔自問^^)!
1-係米必需品,無咗佢係米完成唔到某D野.
2-屋企有無同類嘅野,買咗佢,係米以後只係用佢
3-買咗佢,要丟晒屋企D,只可以用佢.
通常我諗第1條...已經放低件物件^^
yes , 我都係咁 , 以前係儲唔到 $$ , 但現在我巳經改咗壞習慣了 . 買之前問自己屋企冇咩 , 有啦 , 唔使買啦 , 屋企個 D 都未用完 , 唔買住啦 . 用咁o既方法 , 以前是自己份糧都唔夠使 , 而家可儲到可觀o既私己 $$$.
回覆刪除