月見紫草防敏潤手霜

受頻密的冬季季候風補充影響，上月平均氣溫為13.7度，較正常低2.4度，是自1977年以來最冷的一月份。

今個冬天果然係特別長同特別凍, 對於鼻敏感及濕疹人士真係好大既折磨(我家老爺). 如果氣管敏感同濕疹一齊發作, 真係無覺好訓+超辛苦.

 

佢既濕疹生係十隻手指既關節位, 往年都會結成紅紅腫腫厚厚既痂, 唔單止痕, 關節位成日要郁動, 角質層太厚, 一郁就裂開, 流曬血, 好可怕.

 

自用左自家制既膏, 情況改善左好多,至今只有一層薄薄既痂,不過佢都唔敢放鬆, 好乖咁一日搽幾次膏.

 

早幾日, 佢突然向我提出, 可唔可以做出有"紫雲膏"咁樣止痕作用, 潤手霜質感既膏, 佢仲意椰子油帶來既滋潤感. 咁佢就唔洗分開搽2樣膏.

 

"老爺"開到聲, 即刻諗辦法. 又上網搵資料. 係深層手足修護霜配方既基礎上作出修改, 將甜杏仁油改為"紫草根泡浸油"及"月見草油", 再加入荷荷芭油, 因為:

  

月見草油屬多元不飽和脂肪酸.,含高量的亞麻酸及亞麻油酸,可被人體吸收利用, 從而建構健康細胞膜, 維護神經系統健康及幫助人體生化反應. 

月見草油含一種自由基淨化劑, 對於皮膚方面, 可改善乾燥及敏感肌膚, 能有效增加皮膚彈性及防止皮膚早衰, 解決頭皮問題, 異位性皮膚炎、牛皮癬及濕疹等。 

紫草根泡浸油有很好的抗菌，修複及安撫作用，可增加皮膚既彈性，具有保濕抗皺既功效

荷荷芭油富含蛋白質、礦物質，適合各種肌膚，滲透力強。對肌膚有十分顯著的美容功效，可暢通毛細孔，調節油性或混合性肌膚的油脂分泌，並改善發炎的皮膚，濕疹、乾癬、面皰等。對於乾性皺紋肌膚可使其恢復活力光澤。對發炎的皮膚、溼疹和不同質地的頭髮都有治療的效果。

其他既材料:

-           初榨有機椰子油富含中鏈脂肪酸及其他油脂中極少，卻是母乳重要成分之一的月桂酸,不單有滋潤作用，更可去除表面已死細胞，促進新皮層生長，使皮膚光滑亮澤。亦可強化皮下的結締組織，具良好療癒和修補功效，有效改善防止腳跟手肘位脫皮及乾裂，並具天然防曬功效。

-           可可脂源自可可豆中之天然脂肪物質, 具良好滋潤及保濕效果，能在肌膚表面形成保護膜、軟化及滋潤肌膚。

-           乳木果脂, 又名雪亞脂, 具過濾紫外線的保護作用, 它含有肉桂酸, 是良好的保護成份, 也具促進細胞再生及微血循環的作用, 所以對龜裂傷口及皮膚潰傷有療癒效果, 它的抗蛋白質酶(anti-elastase)效果能預防妊娠紋產生, 令肌膚更加柔軟及彈性.

-           蜂蠟  由蜂巢提取之天然物質, 具抗菌, 消炎止痕, 軟化肌膚及促進組織再生的功能。

精油方面就用左茶樹+薰衣草, 因為

茶樹精油，能提振免疫系統能力，抗菌、防腐及抑制黴菌的效果絕佳。 具有鎮靜控油清潔的功效，亦能幫助防止及。

薰衣草精油，能促進細胞再生，淨化皮膚，使傷口愈合，平衡油脂分泌。消炎止痛，改善疤痕，曬傷、灼傷的皮膚。

整好啦~顏色方面出奇地靚(粉紅色係來自紫草根泡浸油)~見到都開心. 薰衣草味嗅上來好舒服啊~

特登搵左個蜜糖樽仔, 分裝帶出街用, 好似士多啤梨果醬啊, 係唔係睇見都想食呢~ 

"老爺"睇住我整, 一見整好即刻搽上手, "止到痕播!"一對手仲變得香香.   

順手整多小小, 送比姑奶作為新年禮物~ 佢有2隻手指同樣都有濕疹, 相信佢收到一定都會好開心.

如果你都有需要, 或者想送比人, 可以留email或者sent email比我.