【明報專訊】今年係香港回歸兼解放軍駐港15周年，慶祝活動特別多，例如由歌舞、話劇同雜技團組成嘅大型藝術團體「解放軍戰士文工團」，下月2日至3日晚7點半喺紅館舉行兩場大型文藝晚會《愛在香港》，6000張門票呢個周日（27日）免費派畀市民。
6000門票周日派
解 放軍戰士文工團前身係1933年紅軍時期嘅「戰士劇社」，香港回歸10周年時亦曾登場演出，吸引唔少市民捱眼瞓通宵等攞飛。文工團藝術指導邢時苗噚日話， 今次表演較5年前有唔少突破，例如雜技節目《東方天鵝——芭蕾對手頂》同《力與美——男女對手》等，保證頂尖級。同上次表演一樣，歌手張敬軒都會參與。
主辦單位呢個禮拜日上午8點至11點，喺中環軍營東門、槍會山軍營南門，同埋石崗軍營北側正門派飛，每名市民帶同身分證，最多可攞2張飛，派完即止。
發放時間
5月27日（星期日），上午8時30分至11時。
發放地點
1.中環軍營東門（中環愛丁堡廣場2號）
2.槍會山軍營南門（九龍柯士甸道127號）
3.石崗軍營北側正門（新界錦田公路250號）
發放數額
6000張，6月2、3日各3000張。
公開派票只限個人領取，不設團體票。每位市民憑本人有效身分證明，至多領取2張門票。領取門票先到先得，派完即止。
駐軍新聞發言辦公室接受有關門票發放事宜的查詢。聯繫電話：2307 2733，傳真：2307 2633。(即時新聞)
沒有留言:
張貼留言