免費奶粉(900克)試用裝

又有免費奶粉羅. 限1-3歲小朋友. 如果你係會員, 佢地會分批寄比大家. 如果唔係既話, 咁就填左下面既form, 就可以拎到啦~~

Nestle Milk Podwer

點樣先儲到錢 (三: 忘記它)

如果你突然間有一筆額外既收入, 例如: 出左一筆花紅/做到單大刁, 出左大筆佣金/賣股票賺左一筆, 你會點做??

緊係要慶祝下啦~~買d野獎勵下自己啦~~食餐勁既~~同女朋友去旅行啦~~買個名牌手袋比自己啦~~出部最新既手機啦~

依d"魔鬼"既聲音會不斷咁係你耳邊聽到 (你自己同自己講或者係人地同你講), 不停咁樣叫你買買買. 咁通常結果會點樣呢??

唔知點解d錢就會唔覺唔覺咁洗曬/無咩得剩.

如果想d錢可以剩得到, 最佳既方法就係"忘記它". 就當無發生過, 完全無收過依筆錢. 出左之後搵個自己都難拎到既地方收埋佢. 例如: 做一張長期既定期/係一間少分行既銀行開一個戶口/交比一個信得過既人幫你儲起佢.

唔好同其人提起, 自己亦唔好再諗起, 咁樣d"魔鬼"既聲音自然唔會出現. d錢就唔會消失左.

深水埗社區專題嘉年華(6月14日)

6月14日係保安道遊樂場舉行

深水埗社區專題嘉年華

-土生土長嘅樂壇新力軍Over
Time以對音樂嘅熱忱，

帶給大家聽覺震撼﹗YO﹗

-深水埗兒童合唱團悠揚甜美嘅歌聲帶你細味今昔嘅點滴，

咪走寶﹗

-飛鵬木偶團表演嘅提線木偶劇你睇過未？

大家除咗有機會上台試玩木偶，仲可以一齊練習木偶手指功添﹗

-有幾潮？有幾古？睇過你咪知﹗

7A班戲劇組藉著「潮與古」《百業回眸．情永在》向傳統行業致敬﹗

-埋嚟睇、埋嚟玩﹗

智樂兒童遊樂協會為小朋友們泡製咗別具深水埗特色嘅兒童遊戲。

你今日玩咗未呀？

-何謂「人．社區．藝術」嘅互動？

藝術人家嘅面具、敲擊工作坊，同埋開心環境大巡遊誠意邀請你進入富有深水埗特色嘅互動藝術空間﹗

-天馬菁莪粵劇團將會演出四段折子戲，

全是耳熟能詳嘅任白戲寶﹗

-各位街坊，千萬不要錯過由粵劇名伶馬師曾及紅綫女主演嘅經典粵劇電影《搜書院》呀﹗

一齊來尋覓身邊嘅巡遊藝人，無盡歡樂就喺左近﹗

節目司儀：蔡松合

節目都好豐富下播~~得閒不妨去下~

十年, 你累積左什麼??

柴九金句: "人生有幾多個十年". 依排人人周圍都有人講, 三歲既小朋友都識講.

依句說話令我諗起早排有個廣告, 廣告果句係: 十年你累積左什麼?? 依個廣告我係老銅既sogo門口睇到既, 現場仲有個超大既透明箱, 箱入面堆滿左一對對既女裝鞋, 場面都幾"震撼"下. 因為果處係巴士站, 一落巴士就見到, 果下真係打左個突嫁~~

個廣告好似係金融機構賣既. 我果時一睇, 個腦即刻都問下自己. 十年你累積左什麼??好在唔係一大堆鞋姐~~

由負資產開始, 十年我還清左債務, 累積左一筆既"失業保障基金", 一個家庭, 一班好友.

十年來,
發現左原來健康先係無價寶,
發現左原來生活係唔需要太多既物質, 簡單就是快樂.
發現左原來唔需要為將來擔憂得太多, 一切都在改變中.
無野你係掌控得到, 亦無需要去掌控.

十年, 我達成左自己既一個夢想, 做左媽媽. 依家努力向另一個夢想進發.
十年後唔知會點樣, 不過只要去做, 就無憾.

十年, 可能有人吃喝玩樂, 累積左一堆埋既卡數.
十年, 可能有人努力上位, 日做夜做, 累積左一身既病痛.
十年, 可能有人日日打機, 累積左好深既(近視)度數.
十年, 可能有人投資有道, 累積左足夠既資產, 自此退休..

十年, 你又累積左什麼呢??? 不妨問下自己. 人生真係無咩幾多個十年.

小童過境超值車費優惠券

小童過境超值車費優惠券 

請於2009年6月6日至8月30日期間，攜同你所登記的八達通卡到港鐵站內的「e分鐘著數」機，依從屏幕指示，便可獲取「小童過境超值車費優惠券」一張，於推廣期內，每人最多可領取四張優惠券，憑券於優惠期內的星期六、日及公眾假期
，陪同小朋友到港鐵客務中心*，即可以$9購買往/返羅湖站或落馬洲站的「小童過境推廣優惠單程票」一張**，數量有限，售完即止。

立即領取你的優惠券，帶埋小朋友，港鐵入，深圳出，去玩更方便！

*不包括機場快綫、輕鐵及馬場站。
**乘客如需轉綫乘搭列車往/返羅湖站或落馬洲站，必須於九龍塘站轉車。

條款及細則:

1. 於推廣期內的星期六、日及公眾假期，小童乘客由成人陪同於任何港鐵客務中心(機場快綫、輕鐵及馬場站除外)憑優惠券正本，可以港幣9元購買「小童過境推廣優惠單程票」乙張，數量有限，售完即止。
   
   
2. 該車票只於發票當天有效，適用於單程乘搭列車(機場快綫、輕鐵及東鐵綫頭等除外)往/來羅湖或落馬洲站乙次。乘客如需轉綫往/返羅湖或落馬洲站，必須於九龍塘站轉車；於尖沙咀/尖東站轉綫會視作兩程獨立車程，而該車票只適用於首段車程，乘客必須另購車票繼續餘下車程。
   
   
3. 該車票只供3至11歲小童使用。
   
4. 每張優惠券只可購買一張車票。如有遺失，恕不補發。
   
5. 該車票不可退款或兌換現金。
   
6. 香港鐵路有限公司保留隨時更改或終止上述優惠的權利，毋須事前通知。
   
7. 如有任何爭議，香港鐵路有限公司將保留一切最終決定權。
   

嗚門卷豆付菜湯($7.5)

整完烏東剩返半條嗚門卷, 咁岩雪櫃又有d剩餘物資, 我就滾左依個湯.

材料: 嗚門卷半條($4.0), 小唐菜一棵 ($1), 百福豆腐 1/3盒 ($1.5), 雞蛋一隻($1)

做法:

1. 豆腐切細粒, 嗚門卷切片, 小唐菜切小段, 蛋發爛.
2. 煲滾一煲水, 放入豆腐及嗚門卷, 等水再滾起時, 放入小唐菜,
3. 滾到小唐菜7分熟左右, 將蛋液慢慢倒入,
4. 加小小雞粉調味.
5. 熄火後落小小芝麻油.

得左.

KFC coupon

KFC又出coupon. 你拎左未啊?? 如果拎唔到, 上佢地既 web site都有得download.

KFC coupon