我的家在紫禁城

帶小朋友去左, 幾好玩既一個展覽. 好多圖片及動畫短片介紹紫禁城, 仲有互動遊戲玩. 值得一去.

我的家在紫禁城
日期﹕即日至10月15日
地點﹕港島東太古坊康和大廈一樓ArtisTree
時間﹕上午10:00至晚上8:00
費用﹕免費
導賞活動逢周六、日上午11:45及下午3:45，
每節1小時，即場參加，每節20人，免費
查詢﹕2232 0003
網址： http://www.rhfamilyfoundation.org/ForbiddenCity_Exh_HK.html

仲有一個一小時的導賞，導賞哥哥講得好太生動，推薦大家參加導賞團.

「一人一信」免費投寄日(2010年10月9日)

又可以免費寄信, 不妨寫封信比屋企人, 比個驚喜佢地.

「一人一信」免費投寄日活動定於二○一○年十月九日舉行。香港郵政連續第七年舉辦這項活動，旨在鼓勵市民為摯愛親朋送上書信，表達關懷之意。詳情如下：

投遞安排和條款

本地私人信件的定義

• 以個人名義寄出，並寫上寄件人和收件人的姓名和本地地址。

數量限制

• 每人可免費投寄一封本地私人信件

包裝、大小和重量限制

• 放於信封內或以明信片形式投寄
  
• 信封須妥為封好，恕不接受信封末端開口的信件。
  
• 大小上限為167毫米 x 260毫米，下限為90毫米x 140毫米。
  
• 厚度不少於0.25毫米和不多於7毫米
  
• 重量以50克為限

地址格式

• 信封面須註明"私人信件"及收件人的姓名和地址
  
• 信封底須註明寄件人的姓名和地址

收件郵政局和收件時間

• 在全線郵政局櫃位（兩間流動郵政局除外）的營業時間內投進特別投寄箱

派遞標準

• 投寄後下一個工作天派達

家計會60周年 優惠60歲婦女 $60做子宮頸細胞檢查

家計會1950年成立，今年慶祝六十周年，因此以港幣$60優惠價，由護士為1950年出生的婦女作子宮頸細胞檢查，名額600個。

符合資格並對此優惠有興趣的婦女，請致電2919-7745與本會傳訊組預約。符合資格就診者如預約「婦女健康檢查」，亦可享有以$60接受子宮頸細胞檢查之優惠，使原價$370「婦女健康檢查」減至$280。有興趣者請致電查詢。

此項子宮頸細胞檢查優惠將於2010年12月底結束，先到先得，額滿即止。

紫草潤膚乳

自從搽左自制既紫雲膏, 姑奶既濕疹終於受控制~無再大爆發啦~

不過都唔可以因此就掉以輕心. 因為天氣一轉, 好容易就返發啦~預防濕疹發作, 其中一個主要既方法就係保持患處濕潤. 尤其是依家開始秋風起.

好在我一早準備左, 三個月前浸左既"紫草根當歸泡浸油"依家可以出場啦~

參考左多個配方, 左試右試, 終於制出左依支"紫草潤膚乳".

依次既油品不惜工本咁選購左一隻無咩芝麻味既手工冷榨黑芝麻油, 咁樣姑奶幾時都搽得, 唔會成身都係"出前一丁"味.

除此之外, 潤膚乳加添左沒藥, 乳香, 薰衣草精油.

沒藥係咩~咪就係耶穌出生時, 東方三博士送上既三份禮物, 其中既兩份羅, 當時同黃金一樣咁珍貴嫁.

講返正經先~

沒藥精油，具優良殺菌潔淨能力，同時能防止組織退化，對於老化和乾燥的肌膚，有極佳的滋潤效果。還能改善亀裂的肌膚，有效對抗濕疹及香港腳。

乳香精油，調整受刺激的肌膚和老化肌膚，平復皺紋，平衡油性皮膚，促傷口癒合。幫助改善乾燥、發炎、敏感的皮膚。

薰衣草精油，具抗菌力，能促進細胞再生，淨化皮膚，使傷口愈合，平衡油脂分泌。消炎止痛，改善疤痕，曬傷、灼傷的皮膚。清澈的花香，具有前中後味的變化，能安眠，消除疲勞，舒緩壓力。

另外, 亦加左小麥胚芽油同甘油, 補濕加去印~

小麥胚芽油含豐富維他命E，是天然抗氧化劑，其抗自由基的特性，可延緩皮膚老化；滋潤性強，可淡化細紋、妊娠紋、疤痕，增加肌膚濕潤力，對干燥、缺水、老化、皺紋肌膚極有幫助。可減少臉上長青春痘所留下的痕跡。適合各種膚質。

甘油，是一種由植物提煉出來的天然的補濕因子，性質溫和，適合各種皮膚。

中秋節果日當禮物送左比姑奶, 佢收到之後好開心, 淡淡既薰衣草味, 佢最鍾意! 細細支, 隨身帶住, 幾時都唔怕乾. 當 handcream搽都得.

效果點樣? 尋日打比我叫我整多2支比佢. 仲話之後佢既生日禮物, 聖誕禮物, 新年禮物......全部唔好買其他野, 淨係送依支cream比佢得啦~ 

呵...呵...呵...今次真係慳返好多.

如果你都有興趣, 可以留email比我.

香港國際音樂節- 戶外音樂會(03/10/10)

來緊個長假期, 仲意Jazz既朋友, 有一個免費既節目啦~

為香港國際爵士音樂節打響頭炮的「戶外音樂會」，將來自世界各地的頂尖表演者，匯聚香港展示爵士樂的精髓，為這個文化之都增添一份藝術色彩。齊來投入音樂世界、置身多變的節奏、在秋日的下午體驗爵士樂！

原圖

青瓜炒豬潤($6.5)

夏天最當做既菜就係"青瓜". 係街市見到有瘦身長條, 好多刺既青瓜, 食落類似日本青瓜仔咁爽脆, 但係價錢就平一大節, 一條只係$1.5. 日本青瓜仔一包要成$7-$9包. 味道差唔多, 我當然就轉食平價依隻啦~

青瓜好易配搭其他食材, 有好多變化, 炒豬潤味道一清一濃, 好夾. 

材料: 青瓜一條 ($1.5), 豬潤 ($5)

做法:

1. 青瓜洗淨鈄切片, 豬潤切片, 用淡醋水略泡, 瀝乾水份, 加入小小醋. 生粉醃一下.

2. 燒油鑊, 落一片薑爆一爆, 落豬潤, 快手炒幾下, 加入青瓜同炒, 落調味後可上牒.

幾靚~(自己贊自己添).

真係非常之容易. 你都試下.

歐樂B兒童牙膏牙刷特價

百佳做特價, 2支 $21. 仲平過藥房. 用開既快d去入貨啦~

牙刷都有特價

歐樂B STAGES迪士尼兒童牙刷(5-7歲)