1月15日年宵開倉遊藝會(免費入場)

10am-5pm，葛量洪校友會黃埔校。有人物大巡行、年宵、懷舊小食等.

北海道3.6牛奶布丁 ($3)

成日聽到人地講, 街賣果隻"日本北海道牛奶布丁"有幾好味得幾好味, 都心思思想買比寶貝食, 不過一睇個價錢就.......打退堂鼓. 細細樽賣 $23. 特價都要$17杯. 太貴啦~

近排又聽到人贊, 上網一check, 原來自己整都超簡單~於是的起心肺, 買左材料整. 之前公司有同事食完, 我留起左兩個樽仔, 一於做戲做全套 

登.......登......登......, 似唔似樣呢!

食譜:11杯份量 ($3杯)

北海道3.6牛奶 500ml (半盒) $12-$14

總統版 淡忌廉 200ml (一盒) $17 (超市買貴d, 要$23, 蛋糕材料鋪買平d, $17)

魚膠粉 10g $2

糖 57g $1

 

烹調步驟:

(1) 砂糖和魚膠粉拌勻, 加入100ml鮮奶拌勻至溶

(2) 400ml鮮奶+200ml總統版淡忌廉用小火煮熱

(3) 將(1)加入(2)中拌勻, 煮至完全溶解即可, 不用煮滾

(4) 放進模具內, 置雪櫃內雪最少2小時至凝固即成

 

兩個寶貝食完超贊, 開心到不得了. 尋日返奶奶屋企, 所有人食過都話正, 濃郁既牛乳香, 又滑又軟, 好味到不得了啊~

比起街賣既果隻, 我依個A貨都有90%像真度, 不過慳錢度就多600% . 你地都試下整啦~簡單到小朋友都整得來, 十分鐘攪點.

年尾咁多家人聚餐, 一於整來請家人食, 一定個個都會贊你"叻".

p.s. 加入朱古力粉, 綠茶, 咖啡, 阿華田等, 味道仲意點變都得! 

通利"樂"繽紛音樂嘉年華」

為推動音樂文化，「通利"樂"繽紛音樂嘉年華」每月將特定一個星期天或假日於尖沙咀香港文化中心露天廣場提供免費音樂節目及本地樂隊表演機會，歡迎各界人士齊來參與。節目內容將包括集體鼓樂、流行樂隊及不同樂器演奏等，敬請密切留意本網站最新公布。文化中心海旁約定您！

節目詳情click入去睇.

藥樽的另類用途

藥水樽我諗個個人屋企都會有, 如果家有小朋友就更加多. 家下d醫生好仲意開埋一大堆藥水, 朋友話我知, 睇一次醫生有8枝藥水. 洗唔洗咁多啊~結果每次病好, 都有一大堆既藥樽.

除左recycle, 其實藥水樽都幾好用嫁, 因為樽口可以檸得好實, 包無漏瀉, 所以我會用來分裝沖涼液, 洗頭水, 乳液等等, 帶去旅行/宿營或者做完運動沖涼用, 咁就唔洗特登去買旅行裝來用啦~ 45cc都用得好多次啦.

樽身半透明, 用剩幾多仲睇得一清二楚添.

橄欖維他命E潤膚霜

天氣越來越乾及凍, 除左手腳爆裂, 唔少人亦開始出現"身痕"現像. 身邊要我整搽身"潤膚霜"既聲音越來越多, "最好係一家人都可以一齊用既", 聖誕節之前雖然公私兩忙, 夾硬都逼出時間來研制.

今次用左大家都認識既"橄欖油"做主打, 一次過搵左老中青幼齊齊試用. 捱眼訓整左幾次, 終於都得到一個質感, 滋潤度, 香味大家都滿意既配方.

考慮到搽身既面積比較大, 膏體要軟身, 以便快捷地推開, 用最短時間搽好. 天氣實在太凍啦, 多一分鐘都唔想.

油脂方面就用左:

初榨特級橄欖油，蘊含大量單元不飽和脂肪酸，當中有人類無法自行製造的亞麻油酸和次亞麻油酸維生素E、K、A、D等及酚類抗氧化物質，不單止能抵禦紫外線的照射, 還能重建皮膚保護膜，消除及延緩皺紋的出現,減緩皮膚老化程度。是適用於所有的膚質的油品。

小麥胚芽油含豐富維他命E，是天然抗氧化劑，其抗自由基的特性，可延緩皮膚老化；滋潤性強，可淡化細紋、妊娠紋、疤痕，增加肌膚濕潤力，對干燥、缺水、老化、皺紋肌膚極有幫助。可減少臉上長青春痘所留下的痕跡。適合各種膚質。

荷荷芭油, 源自沙漠植物荷荷芭果實, 是最接近人體皮膚的油脂, 含豐富蛋白質, 礦物質, 滲透性極強, 可軟化皮膚, 平衡油質, 鎖住水份, 使其回復活力光澤, 是一種治療乾癬. 濕疹及皮膚乾燥的油品. 另含天然抗曬系數, 相當於 SPF4. 適用於各種膚質,

乳木果, 又名雪亞脂, 具過濾紫外線的保護作用, 它含有肉桂酸, 是良好的保護成份, 也具促進細胞再生及微血循環的作用, 所以對龜裂傷口及皮膚潰傷有療癒效果, 它的抗蛋白質酶(anti-elastase)效果能預防妊娠紋產生, 令肌膚更加柔軟及彈性.

可可脂: 源自可可豆中之天然脂肪物質, 具良好滋潤及保濕效果，能在肌膚表面形成保護膜、軟化及滋潤肌膚。

甘油，是一種由植物提煉出來的天然的補濕因子，性質溫和，適合各種皮膚。

精油方面就用左兩種:

葡萄柚精油, 香味清新, 能抗憂鬱，可使人恢復精神，不再鬱鬱寡歡，對於容易在冬天出現的憂鬱或昏昏欲睡等症狀，尤其有效。在皮膚保養方面：能促進血液循環、對於皮膚凍傷、蚊蟲咬傷、嘴巴潰瘍、年齡及肝機能不好引起的皮膚斑點、受傷後的疤痕改善都有效果。

薰衣草精油，具抗菌力，能促進細胞再生，淨化皮膚，使傷口愈合，平衡油脂分泌。消炎止痛，改善疤痕，曬傷、灼傷的皮膚。清澈的花香，具有前中後味的變化，能安眠，消除疲勞，舒緩壓力。

整好之後, 第一個受益人當然係屋企既寶貝啦~以身試膏咁多次, 總會有回報既! 囝囝每次沖完涼都自己搽, 唔會再好似隻馬騮咁成日R身R勢, 家中既老人亦收到. 老人與小孩既皮膚一樣, 都需要留心保養. 

如果你都有需要, 可以預訂, 留email或者sent email比我.

UA 戲院小食買一送一優惠卷(28/2/11)

印定係身, 如果去睇戲, 可以用得著.

1111

今日係四條一, 11年1月1日.

新年要回顧過去, 展望將來.

舊年開始2樣新嘗試: 做瑜伽  & DIY 保養品

開始做瑜伽係因為發現自己既身體每下愈況, 體力及持久力就一年差過一年. 係妹妹既引導之下, 開始學瑜伽.

亦因為學習瑜伽, 認識到要身體健康, 必須保持身心潔淨, 身既潔淨係飲食方面, 要多食素, 少吃肉. 從而令我聯想平時外用既護膚品, 亦應該要盡量轉用天然既植物油, 家居方面亦盡量減少化學用品, 因為皮膚係我地人體最大既"器官". 

岩岩姑奶老爺既皮膚過敏既情況惡化, 係用過我整既天然保養品之後得到改善, 加強左我既信心, 去為身邊既人做出更多既日用保養品. 唔整唔知, 原來我地一個人唔知唔覺由頭到腳都用左好多既化學品, 唔講唔知, 原來好多人都有唔同程度既皮膚問題. 一直以來, 不停咁收到大家既回應, 原來自己整既野都幫到大家, 真係好鼓舞!

來緊既一年, 除左希望繼續比多d"慳"料大家(來緊又通漲), 亦希望為身邊既朋友家人健康, 做出更多合適既保養品.