COLOUR JETS

最近係中央圖書館借到既有趣英文書, 好適合小學生睇.

圖書館索書號: JF RAY 或者SEARCH "COLOUR JETS"就會SHOW曬出來.

COLOUR JETS

最近係中央圖書館借到既有趣英文書, 好適合小學生睇.

圖書館索書號: JF RAY 或者SEARCH "COLOUR JETS"就會SHOW曬出來.

財爺破天荒改預算派錢六千

財政司長曾俊華宣布修改預算案，撤銷注資強積金計劃而改為向每個滿18歲的市民派錢6千元，市民普遍歡迎。

攪成咁樣, 令我諗起果句: 早知今日, 何必當初.

注資強積金劣評如潮, 開頭做官果個行出來講, 佢既理由堂而煌之, 為左我地將來好. 只係令我諗起古代既一個故事:何不食肉麋

《晉書》原文：

帝又嘗在華林園，聞蝦蟆聲，謂左右曰：「此鳴者為官乎，私乎？」

或對曰：「在官地為官，在私地為私。」

及天下荒亂，百姓餓死，帝曰：「何不食肉麋？」

其蒙蔽皆此類也．後因食中毒而崩，或云司馬越之鴆。

大意係晉惠帝時, 有大臣上奏天下荒亂,百姓餓死, 晉惠帝便問「何不食肉麋」
當時只有有錢人才可買肉吃, 反映出晉惠帝長於深宮, 不了解民間疾苦.

官方成日話要"終身學習", 做官既自己真係要去"進修"下, 咩係為官之道. 唔係去"哈佛大學"上堂, 而係學下"田少", 去住下"籠屋", 食十七蚊一個飯. 

今次大家咁嬲, 只係因為覺得唔公平. 咁簡單既道理, 點解做官既無諗到呢~哎.....

 孔子幾千年前就講過: 不患寡而患不均，不患貧而患不安。

大意係: 不憂慮人民寡少，只擔心財富不能平均。不憂慮國家貧窮，只擔心社會不安定。

兩樣野係相連既, 香港既將來真係唔知會點.

自製環保袋托底

自從膠袋要收錢後, 我相信大部份既人都要習慣帶住個環保袋, 我都係其中一個.

用緊既呢個袋無左個托底, 少左支撐, 拎起身好似特別重, 特別墮手咁樣.

岩岩身邊有張A4卡紙(信紙既封底), 一於自己整個托底.

方法:

1. 用間呎度左個呎吋, 間開張紙.  變成咁樣.

2. 上下2張同呎吋既, 細果張放係中間. 點解~加強承托力羅.

3. 用細膠紙封左四邊, 再用執箱膠紙貼曬成塊紙(闊度岩岩好一樣)

完成. 個袋拎上手感覺即時唔同左.

你都試下整.

太陽報報導

今晚睇返自己既blog, 突然人氣大升. 先至醒起今日"太陽報"出左介紹, 多謝大家支持~ 

負資產師奶慳出人氣

成日話養一個細路要400萬，連自己都養唔起的升斗市民點敢生仔？不過，金融風暴後成為負資產族的「慳師奶」，雖然生活比以前吃力，卻練出各項慳家本領，更於08年開始寫慳家Blog，分類井井有條，有購物篇、生活習慣篇、理財篇、生活小秘方篇及DIY篇等13項，讓網民一目了然。

錢箱看門口

其中理財篇常得到網友正面回應，像她教人學航空公司零錢布施計劃，改為零錢布施自己，在門口放錢箱，每天回家就將身上零錢投進錢箱，這方法的妙處是可儲錢又不會有Hard Feeling。她更教大家每日出門口Mark低自己所有支出，堅持一個月後以了解自己平時浪費了甚麼金錢，再制訂慳錢大計，她說不少網友習慣Mark數後，發覺省了無謂的消費。

除了理財，慳師奶最妙的是推介生活小智慧，例如家裏有大堆藥水樽，她便用來裝沐浴露、洗頭水等，細細支方便家人去旅行、運動後可以用，透明兼有刻度，用了多少都一清二楚。

圖書館巧借新書

不過論到最精彩的，莫過於建議圖書館買新書，原來公共圖書館有「購書建議」的網站，大家可建議買些圖書館現時沒有的書，只要獲接納，圖書館購置新書後就會第一時間通知你去借，慳番買新書的錢。或許大家會說：「咁慳好辛苦喎？」慳師奶卻覺得慳是一種生活習慣，育有一子一女的她還告訴你，養細路不用動輒幾百萬，只要用得其法，不要常常以為慳就是慘，自然可以活得很富足。

原文睇依到.

彩虹勇士號開放日

綠色和平旗艦彩虹勇士號訪問香港!

最新消息！徇眾要求，加推一天彩虹勇士號開放日：

日期：2011年2月26日(星期六)
時間：上午10時至下午3時30分
地點：香港中環二號公眾碼頭

彩虹勇士號2011年2月重臨香港

在過去40年，綠色和平在全球不同地方，與公眾共同為地球掀起一浪又一浪的綠色風潮︰我們曾在阿拉斯加見證和阻止核試，協助保護海洋、釋放被撈獲的吞拿魚，讓海洋生態資源能生生不息；更嘗試追踪並攔截非法運載木材的船隻，以及見証鑽油台與船隻漏油對生態的影響等等。

這些既難忘又驚險的時刻，彩虹勇士號一直與我們一起勇敢航行，她更曾經因此在紐西蘭遭特工暗算而沉沒！後來，綠色和平重新修葺一隻廢棄漁船，成為彩虹勇士II號繼續為地球航行，至今已有21年了。

我們誠邀公眾前來分享與見證彩虹勇士號的傳奇經歷！

彩虹勇士號將會開放四天予公眾參觀。屆時我們除了安排專人為參觀人士講解船上的設施與歷史、分享彩虹勇士號護航地球的有趣事跡，更預備了一系列活動， 讓公眾深入了解綠色和平的行動理念。

活動推介︰

透過互動展覽，與參加者一同回首綠色和平過去四十年的歲月︰上世紀70年代綠色和平首航的歷史照片、我們在各國為環境進行不同直接行動的情況、與及我們多年來為環境護航的抗議道具。公眾更有機會參與製作大型保護環境標語，身體力行，對環境的不公義揚聲。

開放日期間亦有本地有機蔬果和公平貿易團體合作舉辦綠色墟巿，希望公眾在消費之餘亦關顧社會和環境需要，鼓勵公眾選擇不傷害自然的產品，宣揚保護氣候的訊息。

參與綠色墟巿的團體：

• 職工盟教育基金


• 香港青年協會有機農莊


• 綠色生活教育基金Club O


• 樂群社會服務處


• 仁愛堂綠家居


• 聖雅各福群會

彩虹勇士號開放日資料︰

日期︰2011年2月12、13日，及2月19、20日 (星期六及日)
公眾開放時間︰12:00-16:00 (15:30 最後入場)
地點︰中環二號公眾碼頭
公眾查詢︰28548300
電郵︰enquiry.hk@greenpeace.org
Facebook: http://www.facebook.com/greenpeacechina

急凍蔥花

"蔥"係煮餸必備既食材, 對佢真係又愛又恨.

愛既係佢可以增加食物既色, 香, 味, 恨既係佢好易爛, 逼住你要一兩日內用左佢. 而蔥多數都係"搭"返來既, 有時拎到, 有時又拎唔到, 成日都係"蔥"到用時先至無. 真係激死!

最近我得知有一個好方法, 可能解決以上既問題~

方法好簡單, 就係: 急凍蔥花

1. 蔥有多時/得閒就洗淨, 切成蔥花, 放入保鮮盒/保解袋

2. 放入雪櫃上格急凍......

6日後拎出來睇下, 顏色依然係翠綠, 香氣仍在.

放湯蒸魚直接放上面, 無需解凍. 又方便又慳時間, 又唔洗side曬d蔥.

我得左~ 你都試下.

"蒜蓉"都可以用同一個方法處理.