需要才買

我覺得"慳"既一個大大原則係"為需要而買".

例如: 你見到一條覺得幾好既"裙"突然大減價, 由$900減到$500. 咁緊係即刻想買. 覺得買左就慳左$400. 當你想比錢時, 個售貨員又介紹你買一件外套, 話好襯你條裙. 外套減得仲多, $1200 減到 $600. 嘩~~計下買曬2件, 慳左成千銀. 於是好開心咁比錢, 離開時拎走左兩件貨, 放低左$1,100.

我咁計數:

1. 本想只係想買條裙$500, 結果洗左$1,100. 即係洗多左$600. 你話唔係啊, 我買多左年外套, 多件外套著, 但其實衣櫃入面已經有好多外套(唔需要再買). 加上好多時係依種情況下買既野, 拎左返屋企多數都好少著(我自己都試過係咁樣). 所以一定要保持清醒, 買一件就一件.

2. 另一方面, 應該諗下係唔係"需要"果條裙. 好多時覺得好, 只係價錢貴先唔買. 突然一減價就不加思索去買, 因為覺得"抵左". 如果你停一停, 比自己一兩日時間考慮一下, 或者返屋企打開衣櫃睇下, 可能已經無左買既衝動. 咁連果$500都慳返.