信用卡

簽卡買野就個個人都會做咁制, 但一定~~一定~~緊記得: 唔好欠卡數啊!

欠卡數既人真係好傻, 因為信用卡既利息真係非常~非常~咁高. 如果你只係還最低還款, "複息"既力量會令你還極都仲有. 你還比銀行既利息會多過你欠既本金.

唔想欠卡數, 方法:

1. 節制自己買野啦~~

2. 每個月準時還清卡數. 我自己就係一收單就設定預繳, 費事過期, 因為銀行收果個行政費都好甘下~~

3. 如果做唔到 (1) + (2), 咁就唔好用卡, 用現金好啦 (我老公), 因為要去羅錢好煩, 結果就可能買唔成.

識得用, 信用卡其實好好用:

1. 用來一張卡交曬屋企所有既費用(水, 電, 煤, 基金....), 儲分換飛行里數/現金卷等.

2. 自動增值八達通, 唔覺唔覺又儲多d分.

3. 未到還款期, 你d錢係自己處, 變相有"利息"收.