依個中秋節, 有個親友送左張雪糕月餅卷比我地. 依間雪糕店就出左名貴, 月餅卷既價錢係$288.
中秋節正日我去取餅, 諗住作為當晚一家人團圓既飯後甜品. 去到鋪頭取餅, 店員既服務非常之好, 打開餅盒逐樣比我檢查, 佢一邊講解, 我個心一邊諗: 有無攪錯......有無攪錯.
點解我咁樣諗, 因為依盒月餅完全係"妹仔大個主人婆". 包裝真係太......太過多. 首先係依個盒, 呎吋有成一呎幾. 係一個硬盒, 圖案仲相當之靚添.
打開個硬盒之後, 入面咁樣排左6個細盒. 呎吋係15.5 x 8 cm.
打開個細盒, 再見到有膠袋包裝.
睇下隻手指就估到塊月餅有幾大.
打開個膠袋, 終於都見到要食落口既月餅啦~~登登登登.....真係好細個(相比起個外盒, 完全唔成比例)
結果係: 一家人每人分得果半塊, 真係兩啖就無左. 留低包裝盒一大堆.
依個只係一個普通既布袋, 我地一家人都諗唔通同個雪糕月餅有咩關係. 如果係保溫袋就話姐~
當然羊毛出自羊身上, 依個袋相信亦係打埋個價錢落去盒餅到啦~
咁多年來不停咁呼籲唔好過度包裝, 不過依然有公司完全唔理會, 整出咁樣既包裝, 我完全係反感既, 直頭覺得係好無公德心.
唉~對佢好失望呀!!
回覆刪除所以我都好耐無買月餅啦！無理由買一款食物要加咁多「唔啦肺」嘅垃圾，不如用心做好d產品啦！
回覆刪除[版主回覆10/10/2009 21:47:00]我就用'不可理喻"來形容.
個包裝咁.....浪費, 但消費者又仲意, 唔系都唔會買,好矛盾!!
回覆刪除[版主回覆10/10/2009 21:48:00]我估買果個人都未必會知. 因為佢只係買餅卷來送禮, 無睇過實物.
The over-packaging of the moon cake has been criticised a lot over the last few years since now the ppl are more aware of preserving and protecting our environment, I would ban this mooncake!
回覆刪除[版主回覆10/10/2009 21:49:00]我自己都唔會買.
agreed w/ 如風!
回覆刪除唔大盒, 點覺得重手, 唔覺得重手, 又點可以收二百幾蚊咁貴呢?
回覆刪除[版主回覆10/11/2009 00:41:00]收過之後就發現原來最重係個盒, 其實感覺係好差.
美心冰皮七星伴明月有特色,好味耶！這家雪糕月餅如何？
回覆刪除[版主回覆10/11/2009 00:42:00]唔....食完已經唔記得. 無咩特別.
哈哈~~~個盒好正呀~~~我之前屋企都有盒~~~但最終用黎裝番自己髬既冰皮送俾人~~~~反正朋友仔都知係我整~~~無咩所謂~~嘻嘻
回覆刪除[版主回覆10/11/2009 00:43:00]個盒我都留起重用. d細盒仔就用來放小朋友d濕碎野.
很認同你，它實在太過了．．．．．．．．
回覆刪除[版主回覆10/11/2009 00:43:00]所以我忍唔住要寫出來.
你好似係食包裝多過食月餅囉 !
回覆刪除[版主回覆10/11/2009 22:44:00]如果d包裝真係食得落肚就係.
間公司咁大規模，原來都係咁唔識諗!! 一點環保的意識都無
回覆刪除[版主回覆10/14/2009 01:08:00]唔知係唔係越大間越惡呢~我都唔明點解家x雞轉曬碗牒, 老M仲用緊即棄?