橄欖卸妝潔顏乳

太陽伯伯開始發威, 真係熱到滴汗, 女士們又要拎曬d防曬妝備出來啦~

妹妹就習慣搽BB Cream,, 一來防曬, 二來可以令皮膚睇落去靚d.  BB Cream都需要落妝嫁, 所以佢叫我幫佢研制天然成份既落妝用品.

日日都要用既清潔用品, 佢希望性質溫和, 但又要洗得乾淨~如果有埋美白補濕功能就更好啦~女人個個都係貪心既~

為左要一次過滿足佢三個願望, 我不惜捱更抵夜, 博覽群書, 終於比我配出左滿意既配方: 

成份有: 初榨特級橄欖油, 葡萄籽油, 植物性起泡劑, 維他命E, 薰衣草精油, 檸檬精油

點解用油既, 會唔會好油啊~

用油既原理係: 只有油先可以洗走油.

BB cream或者粉底, 都係油底來. 要落得乾淨, 原理就係用油先將粉底溶解, 再加水, 植物性起泡劑就可以將溶出來既油污洗走.

植物油唔損皮膚之餘, 仲有滋潤既作用, 源自植物既起泡劑, 清潔得來又溫和, 符合妹妹不損皮膚既要求.

擠出來係咁樣, 乳液狀.

加水輕輕捽幾下, 泡泡就出曬來.

薰衣草及檸檬精油, 就有安撫及美白皮膚既作用. 味道聞起上來又舒服.

一次過滿足曬佢三個願望! 佢用完既評語係: 岩曬佢要求~

咁好, 整多幾支派比屋企既女人用先.

諗下其實油性皮膚亦岩用. "以油洗油"嗎! 整左支比老公, 日日收工返屋企已經滿面油, 洗一洗清爽曬~

要控油, 將檸檬精油改為"茶樹"就得啦~聞起上來感覺 MAN D.

如果你都需要, 可以email/留email比我訂做.

my email: thriftyhousekeeper@yahoo.com.hk