好開心啊~收到圖書館比我既回覆email, 早排建議既書佢地買左啦~圖書館通知我可以去借啦~
親愛的讀者：
你所建議我們購置下列資料，有關資料已收入公共圖書館藏館。你可透過公共圖書館網站查看詳情 (www.hkpl.gov.hk).：
| 參考編號 | 書名 | 索書號 |
| CW-2009-243 | 孩子,你的敏感我都懂 | 523.12 0708 |
謹此多謝你對公共圖書館服務的支持。
康樂及文化事務署署長
(黎潔瑩女士 代行)
圖書館係唔係對我好好呢~
唔講可能你唔知, 大家如果睇到咩好書, 而圖書館係無既, 都可以向圖書館提出購書建議, 佢地就會納入購書名單, 如果買左就會通知你去借. 咁當然你要等下, 因為"程序需時". 不過值得等既, 實在家下一本書真係好貴.
點樣提出購書建議? 我通常都係網上做. 上圖書館既網頁:
進入: 圖書館館藏==>購書建議
跟表格要求填好就得啦~好簡單. 圖書館仲多謝你"豐富左香港公共圖書館的館藏及擴闊市民的閱讀空間。"添.
為人為已, 大家都快d幫手比建議啦~
原來圖書館有此服務的呢~
回覆刪除真係唔講唔知, 等我都提議下先, thanks !
回覆刪除[版主回覆03/30/2010 23:07:00]多d提議, 大家多d好書睇.
我都試過, 真的"程序需時", 大約等了三個月才買到我想要的那本書, 而且不會太多本, 有可能要預訂才借得到,不過總好過要自己比錢買. 大家利用這個服務仲要比"購買圖書的理由".
回覆刪除你講果本書我都有買, 原來圖書館有呢個服務, YEAH!! 將我個 book list send 比佢地, 咁真係慳唔少.
回覆刪除一講起就激氣, 以前都唔係咁, 最近一次建議佢買一本學英文的書, 都不知什麼原因, 等左年幾才通知我買左 , 終於通知我, 咁我就去左問, 以前是會hold係櫃台, 今次佢話放左係"新書"書櫃, 我去到時都比人借左啦
回覆刪除