明愛賣物會

一年一度既明愛賣物會又來了~~ 有咩賣~~根據線人(我朋友)報料, 有小朋友玩具(最多),家庭用品(杯杯牒牒),衫褲鞋, 聖誕節裝飾......等等好多, 多數係廠家捐出來做義賣既. 玩具既包裝可能唔完整啊咁, 幾蚊都有交易~~仲有兒童玩樂設施例如跳彈床啊咁~~ 有平野買又可以做善事~~可以一去~~不過記得自備購物袋/購物車啊~~   2008 明愛籌款活動

今年的明愛賣物會將由 十一月二日起，一連三個星期日在六個地區舉行，詳情如下： ( 一 ) 港島區 - 十一月二日﹝星期日﹞   上午十時至下午六時   香港銅鑼灣高士威道   維多利亞公園 ( 二 ) 屯門區- 十一月二日 ﹝星期日﹞   上午十時至下午五時   新界屯門鄉事會路   屯門文娛廣場 ( 三 ) 九龍區 - 十一月九日﹝星期日﹞   上午十時至下午六時   九龍界限街   花墟球場 ( 四 ) 荃灣區 - 十一月十六日﹝星期日﹞   上午十時至下午六時   新界荃灣沙咀道   沙咀道遊樂場 ( 五 ) 沙田區 - 十一月十六日﹝星期日﹞   上午十時至下午五時   新界沙田源禾路   源禾遊樂場 ( 六 ) 長洲區 - 十一月十六日﹝星期日﹞   上午十時至下午五時   香港長洲 北帝廟遊樂場

運輸同樂日(9月28日)

同一日有兩個活動添, 依個係"港島". 仲意"車"既小朋友一定會好開心~~

自己印入場卷出來啦~~

 

http://www.td.gov.hk/tdday/index_tc.htm

 

《救護服務推廣日 2008》

 

《救護服務推廣日 2008》- 二零零八年九月二十八日
時間	上午十一時正至下午五時正
地點	九龍梳士巴利道十號香港文化中心露天廣場 (場地 A, B 及 C )
活動內容	提高市民對緊急救護服務的認識及宣傳今年的主題「拯救生命要積極，你我同心齊努力」

睇返舊年既資料, 應該有賀賓明星表演, 有救護車/工具睇, 示範表演, 有攤位遊戲玩.

有得玩又有教育意義, 仲意消防車既小朋友一定勁仲意, 因為可以坐上架車處. 得閒不妨一去.

世界氣球日

今年,香港的一眾氣球師會響應第九屆世界氣球日,會在香港首次舉行世界氣球日的活動!

今次一班氣球師會用海洋與陸地兩個主題,在荃灣廣場砌起過千過的氣球。同時也為"親切"這機構籌款。

我們一眾的氣球師與及義工朋友們希望與~你同你的寶寶過一個色彩繽紛的下午!
是次活動的詳情如下:
日期:1/10/2008
時間:中午1時至下午5時
地點:荃灣廣場地下

節目內容:氣球遊戲攤位、親子氣球教室、台上magic show、台上balloon show、兒童雜耍表演、特色的氣球義賣等。

魔術表演會由魔術家協會負責, 我估都會好好睇, 小朋友實會仲意. 大家有係附近又有時間不妨一去. 不過唔知會唔會好多人呢~

金融海嘯

依幾日既"金融海嘯"真係好得人驚~~雖然話各國正苦出左手穩定左, 不過好多香港銀行/金融機構/市民大眾都輸左錢, 人心惶惶, 感覺就好似當年97金融風暴時咁.

未來的日子一定開始緊~大家都會護住荷包, 公司都唔會請人, 銀行仲會裁員(聽講已經做緊), 失業率會上升, 樓價會跌, 各行各業都會收縮. 

老公收到好多朋友電話, 都講驚會無工做. 佢問我驚唔驚, 我話唔驚, 因為我地一直維持住簡單既生活, 已經習慣左慳, 支出比起當年無咩大增加, 負債少左好多, 無論經濟點差, 都一樣可以安心過日子, 一定有飯開~~

JUSCO 免費送維他紙包飲品(250毫升)一盒

由即日起至9月30日(或至換完即止),凡使用八達通於JUSCO 及JUSCO SUPERMARKET 購買超級市場貨品,或於JUSCO $10PLAZA 及BENT EXPRESS 購買任何貨品滿$50或以上(以即日單一發票計算),即可於購物當日免費獲贈維他紙包飲品(250毫升)一盒.

*每人每次只限獲贈品1件.數量有限,送完即止.

長者$4上深圳

尋日打電話搵唔到老媽子及老爸, 到晚黑先收到佢地既回覆, 原來上左深圳買雞, 日用品, 成藥等等. 咁好興致啊~~慳埋都唔知夠唔夠比車錢姐~

老爸好大聲咁講, 佢地用左$4車錢就上左深圳~~點會咁平啊~~遊完深圳, 再用$4返屋企.

方法就係咁樣:

1. 搭港鐵去中環==>轉東涌線去南昌站==>轉去西鐵坐到元朗站

港鐵路線圖

http://www.mtr.com.hk/chi/train/system_map_pop_up.html

依程用左$2, 因為:

於2007年12月2日至2008年11月30日期間，逢星期日及公眾假期，長者用八達通搭港鐵，全程只需$2。

http://www.mtr.com.hk/chi/whatsnew/elders_journey.html

2. 係元朗出閘, 轉坐九巴B1 (元 朗 西 鐵 站 ←→ 落 馬 洲 支 線 總 站)

依程又用左$2, 因為:

由 二 零 零 七 年 八 月 十 五 日 至 二 零 零 九 年 一 月 二 十 八 日，逢 星 期 日 及 公 眾 假 期，六 十 五 歲 或 以 上 乘 客 使 用 長 者 八 達 通 乘 搭 B1 線，每 程 車 費 一 律 為 港 幣 二 元 正。

http://www.kmb.hk/chinese.php?page=next&file=news/service/news2q07/news2007080904.html

 

3. 由落馬洲過關去到深圳, 轉坐深圳地鐵,

 

依程用左$0, 因為:

 

（三）持有效身份证明文件，年龄65周岁以上（含65周岁）的老年人（不限户籍、国籍）可享受免费乘坐地铁。有效身份证明文件包括：《身份证》、《经济特区暂住证》、《敬老优待证》（黄证）、《港澳居民回乡证》、《港澳同胞来往内地通行证》、《台湾居民来往大陆通行证》、《护照》以及《离休干部荣誉证》或《离休干部优待证》；

 

http://www.szmc.net/03service/more.jsp?cateID=83

 

要享用深圳地鐵免費優惠, 係要經"特別通道"入閘, 只要向守閘人員出示証件, 佢就會開閘比你入去.

 

咁抵~~要話比多d"長者"知先得啦.

中秋節晚會

今晚樓下有中秋節活動, 帶左小朋友落去玩左一個鐘. 有攤位遊戲, 猜燈迷, 好熱鬧, 小朋友玩得好開心~~

不過果d燈迷我一個都估唔中, 要問左貼士先得. 反而阿囝猜到一IQ題:

什麼人病了不用看醫生??

其他既燈迷, 我仲記得既有:
1. 一出門比人打~ (猜一字)
2. 十五的月光 (猜成語)
3. 刀下留人 (猜一字)

你又估唔估到.

玩左一個鐘, 又拎到一堆文具.

中秋彩燈會

http://www.lcsd.gov.hk/CE/Entertainment/EntertainmentOffice/08lanterncarnival/index.html

康文處既中秋彩燈會, 港九新界都有. 得閒帶小朋友去感受下氣氛, 都唔錯嫁!

免費CLINIQUE補濕粉底試用裝

http://www.cliniquefoundation.com.hk/

岩用就去登記啦.

$0 檯墊

阿囝返小學, 學校要帶檯墊返去(上美勞用), 去邊處買? 希望係可以摺得埋放書包+輕身(書包已經好重)+防水.

睇過一般食飯用既檯墊($10張)太厚, 要摺起放入書包有d難度.

係日本城見到d膠枱布, 1roll 好大果d, 一呎$14.90, 如果cut 2呎,  返屋企自己裁size, 可以分到3張($10張). 水洗又得,又可摺得細細張帶返學. 另外睇到d現成長方形既膠枱布, $14.xx., 應該都可以cut到 3張既. 仲薄d輕d添

另一個方案係用牛皮紙(綠色的)，文具店已有一張張cut好的，($0.5/pc), 未cut就$2一卷，可cut4張．

再諗到有百貨公司既宣傳單張, 好似依d, 一開二就岩岩好.

不過最後比我諗到公司包影印紙既包裝紙, 其中一面係膠面防水, 夠輕, 又可以摺,  整污糟/整爛/唔見左就換過張, 洗都唔需要洗, 慳錢又慳功夫.  長期有"供應", 又"環保"添.

 

免費李斯得林250ml一支

http://www.listerine.com.hk/

登記可得免費李斯得林250ml一支.

選入"淡香草李斯得林". 再選"免費試用".

註: 不過要去旺角新世紀廣場羅.

http://www.listerine.com.hk/vanillamint/coupon.html

仲有$5優惠卷.

點樣先儲到錢 (二: mark 數)

唔知大家有無試過mark下自己一個月洗幾多錢呢~~我諗好多人都無. 咁煩~~ 我自己就mark過. 一個月約莫用三千五蚊左右, 包括自己返工+買屋企既食物. 即係一日約百鬆d蚊.

點解要mark數. 你想儲錢, 首先就要了解左自己點樣洗錢, 洗左去邊到, 洗左幾多錢. 咁先可能制定慳錢方案.

mark數就好似"照妖鏡"咁, 你會知道一個月用左幾多錢買衫, 買鞋. 又或者用左幾多錢係出街食飯果處. 清楚咁睇到自己邊方面洗費最多, 有幾多其實係非"必要"既支出~~亦會令你知道自己幾時洗錢洗得最多, 係平日/假日. 咁樣, 需要限制支出既時候, 就知道由邊處入手. 平日放工即刻返屋企, 定係假日唔好出街呢!

另一方面, mark數亦可以令你醒覺到自己有無超支, 即時做到補救. 即係今日洗多左錢, 聽日控制返洗少d, 平衡返. 咁就唔會超出太多. 好多碌爆卡既人, 都只不過係不知不覺咁洗大左咁姐~~ 積積埋埋, 爆煲先發覺~~

點樣mark?? 我就係由出門口開始, 記低交通費, 早餐, 午餐, shopping既錢. 試下堅持做一個月, 你會更了解自己.

獅球嘜芥花籽油

今日百佳獅球嘜芥花籽油 900ml, $36 2支, 從未試過咁平. 網上都一樣係依個價, 入貨就快手啦.

唔通食油價都開始回落.

獅球嘜芥花籽油

今日百佳獅球嘜芥花籽油 900ml, $36 2支, 從未試過咁平. 網上都一樣係依個價, 入貨就快手啦.

唔通食油價都開始回落.

Nivea Sample

http://www.niveadoubleffect.com/

手快有手慢無.

DIY 名字label

開學啦~~真係好多野要準備. 其中一樣就係名字label. 所有帶返學校既物品都要貼上. 市面上既名字label花款好多, 有防水公仔圖案果d $3x一張, 打label機 $2xx部.

阿囝返幼稚園果時我唔識, 又學人整左張防水公仔圖案果d, 結果係用左3年字唔曬.點解? 因為佢間幼稚園幫每個小朋友整左個木印, 學校派既野都幫佢地貼好曬label. 我亦學到野, 原來可以咁整:

用普通既label (書局買又得), 手寫/蓋印仔/電腦印好個名, 貼係物品上面, 再貼交紙係label上面(要大過張label), 咁就唔甩+防水. 洗完都無事.

好過出街印果d.

咁校服上面又要寫名, 市面又有名字mark頭, 花款多多. 我就咁用CD marker寫係校服本身既mark頭上. 鞋就直接寫名係鞋底同埋條鞋"舌"果處. 簡單直接.