老少平安($11-$20)

材料: 豆腐2件 ($4), 鯪魚肉 ($6), 蛋白1個($1), 瑤柱仔少量(可落可不落)

調味: 鹽適量, 胡椒粉少許

做法:

1. 鯪魚肉加調味拌勻, 豆腐搗爛加入蛋白、鯪魚肉、 瑤柱仔(絲), 2茶匙生粉，拌勻。

2. 蒸約十分鐘，淋上小小生抽及少許麻油即成。

易到不得了.

7月1日開始免費入場~

為響應北京2008年奧運會，同時鼓勵市民多參與體育運動，以及推廣社區體育，藉此提升市民的生活質素，康樂及文化事務署轄下多種收費康樂設施將於2008年7月1日至9月30日期間推行「免費使用康樂設施計劃」(該計劃)，讓市民以個人身份免費使用多種收費康樂設施。這些設施包括：

• 室內康樂設施(如羽毛球場、網球場、籃球場、投球場、排球場、壁球場、乒乓球桌、美式桌球桌、運動攀登牆、草地滾球場、高爾夫球設施、健身室、活動室和舞蹈室)；
  
• 戶外康樂設施(如網球場、草地滾球場、棒球練習場、繩網陣、運動攀登牆、射箭場和高爾夫球設施)；
  
• 公眾游泳池(灣仔游泳池除外)；
  
• 水上活動中心設施(如艇隻及創興水上活動中心日營和露營設施)；以及
  
• 度假營設施(如宿營、日營和黃昏營)。

http://www.lcsd.gov.hk/specials/free/b5/index.php

依個暑假大把野玩~~

為什麼我不能全部都買??

http://www.books.com.tw/exep/prod/booksfile.php?item=0010354195

係圖書館借到依本書,

內容簡介

孩子的成長過程中，都要跨出家庭，進入由更多「他人」構成的小社會。孩子們必須學習理解並尊重他人的不同與需要，才能成為現代社會的優秀小公民。鼓勵孩子探索並思考許多抽象卻重要的議題，譬如金錢的價值、性別的差異、環境與人的關係等等，可以幫助孩子形成正確的價值觀，培養優良的品格。 　　【聰明小公民】系列，針對國小到國中的孩子，以輕鬆幽默的文字與圖像，互動的形式與故事，討論了現代社會五個最重要的議題：金錢、差異、性別、暴力、環境。本系列內容涵蓋三大部分：生活小故事、學習檔案與測驗遊戲，以有趣且具啟發性的方式，引導孩子樂意自動自發思考，讓孩童檢視對主題的理解，形成自己的結論。本系列原創於法國，版權銷售歐、美、日本等十餘國，是風行世界的暢銷作品。 《徹底了解金錢》這本書，探討與金錢有關的幾個主題： ★ 什麼是欲望？ ★ 什麼是需要？ ★ 為什麼我不能全部都要？ ★ 金錢的價值是什麼？越貴的東西就代表越有價值嗎？ ★ 為什麼有人富有，有人貧窮？可以消除金錢上的不平等嗎？ ★ 如果你想買一樣東西，卻沒有足夠的金錢，你該怎麼做？

為什麼我不能全部都買??我諗好多人都想知點解~~

依本書好簡要咁講左幾個(重要既)金錢既概念, 我覺得唔止小朋友岩睇, 其實大人都一樣岩睇.

金錢既概念, 學校入面只會係經濟科提及, 又始終係理論既層面, 唔到肉, 我覺得都係要自己來教先得. 眼見時下好多青年人/大人唔識得管理自己既金錢, 未讀完書已經一身債, 或者d債還極都還唔清, 靠借錢度日, 唔好話唔驚~~

教好小朋友, 起碼第二時唔會成為父母既"負資產".依個係我最低願望.

超市之改價啦~

今日又係星期五購物日, 頭先去超市行左轉, 發現左有d產品既價改左, 比之前平左好多. 咁好死~~我估係近期比政黨查佢價, 報紙又格佢價, 為左挽回形象定咩都好啦, 先肯改價.

發現我成日買開果d:

地捫 菠蘿片, 超市特價: $5.50(之前$6.9), 街市凍肉鋪加左價: $5.0 (之前$4.5)

計下條數: $5.5-$5.0=$0.5/$5.0= 10% 差額收窄左.

再來另一樣:

地們 粟米粒, 超市特價: $5.3( 之前$10.90), 街市凍肉鋪長期價: $5.5

計下條數: $5.3-$5.5=$0.2/$5.3= -3.77% 超市仲平小小添, 我即買啦.

依隻奶粉:

美素佳兒 金裝美素樂2號  超市特價$149.00,  藥房一般加左價: $124(之前$119) 依排做推廣, 買6罐900克送6罐400克

計下條數: ($149/900g+400g)x900=$103罐

$103-$124=-$21/$103= -20%, 超市勝.

大家都留意下自己買開既野有無平到啦.

孺子可教也

阿仔早餐最仲意食"格格脆", 依佢喜愛既次序係咁排:

食左幾年都唔厭. 我通常都等大減價時先大手(10盒咁)入貨. 不過真係好左地方. 之前成日都賣$9.9盒, 後來變左$12.9, 依個月變左$14.9-$16.8. 

早2日d存貨食曬, 要去超市入貨. 佢至愛既第(1)款仲係無貨. 第二款賣成$16.8. 好貴啊~~我計來計去, 好似第三款既250克裝平小小($19.90), 叫佢不如食第三款啦. 佢搵過曬貨架, 確定第(1)款真係無貨, 就接受我既建議. 不過仲未死心, 立到職員落緊貨, 臨走前都要再去睇一次. 結果發現職員只係整理貨架咋~~

不過到我發現左依盒只係賣$12.90: 

同第(3)款一樣樣, 分別只在於價錢相差$6. 幾乎有成1/3咁多. 我叫阿仔自己比較下, 佢同意真係一樣樣. 不過我指出除左價錢, 仲有個唔同之處就係:

"貴果盒有"玩具"送, 平果盒就無播"

我以為佢會再諗下, 點知佢即刻就答我: 咁我唔要玩具啦. 我知道其實我地付出既錢包含埋買玩具既錢. 你以前同我講過. 我買依盒平既就得啦".

我確係講過. 當時係老麥, 佢要買兒童餐(要玩具). 我同佢講唔買啦, 因為1. 佢已經有果個玩具. 2. 其實買兒童餐已經包含左買玩具既錢. 唔需要買重覆既野. 3. 同樣既錢買大人餐, 我可以同佢一齊share. 兒童餐既份量太細就唔夠.

估唔到佢記左仲識得用返.唔好以為佢地細唔識, 真係"孺子可教也".

抵飲既紅酒

我家"老爺"好仲意飲幾杯, 紅酒稅減左佢緊係最開心. 平左一大節. 不過作為佐餐既酒, 佢都唔捨得買貴既, 幾十蚊支都ok嫁啦. 一般都係超市買.

試來試去, 都係法國既比較好. 美國既就真係"垃圾", 列入不買名單, 唔飲好過.

早幾日係惠康立到依支酒做特價: $58 (原價$128, 一般平時$78), 即刻想掃多幾支, 可惜得一支存貨咋.

點解要掃, 因為有次同朋友一齊食飯, 大家飲過依支酒, 都覺得唔似百0蚊既質數羅(當時係賣$98). 同埋佢係2種葡萄混埋一齊, 味道有曬2種葡萄既優點. 大家一至覺得飲得過, 超值~~

好似得惠康有得賣.

DIY儲物盒

屋企有小朋友既人就會知道, 多左小朋友之後, 屋企多左好多好多立雜野. . 大件既唔講, 零零碎碎既小玩意, M記玩具, 丟極都係仲有既.真係.....一個好頭痛既問題.

市面有好多儲物盒, 不過我發覺size又唔一定岩, 搵來搵去不如用身邊隨手可得既野自己做啦. 咩野....就係咪就係"紙巾盒"羅.

依隻牌子既紙巾盒比較實正. 我將個頂介開, 再用交紙貼好佢. 好似咁:

底部兩邊都貼交紙, 會實正d, 耐用d.

整好啦. 其實要靚d可以再包布/花紙. 不過我就環保(懶)d, 就咁算.

放d立雜野岩曬. 分左類, 要玩邊d, 小朋友可以成盒倒出來, 玩完佢地又自己可以執返. 就仲有個好處就係烏糟左, 丟左(recycle)換過個就得, 乾手淨腳.

依個盒亦可以放係自己既櫃通處, 格開放d底衫底褲, 同埋絲襪絲巾等等細件立雜野. 櫃通即係整齊曬.

維多湯 ($27.50, 可以飲2餐)

材料:
蕃茄4個 ($7), 薯仔 2個( $4), 洋蔥1個 ($2),  紅蘿白半條($2), 免治豬肉 ($12.5), 

做法:

1. 薯仔去皮洗淨切粒,，蕃茄, 洋蔥, 紅蘿白，洗淨切粒, 用小小油略炒，備用 。


2. 豬肉用醃料拌勻，落小小油炒熟備用 。


3. 鍋放入適量的水 ， 水滾先放紅蘿白, 薯仔滾30分 鐘 ，放肉碎, 蕃茄, 洋蔥再煮10分鐘，可熄火加鹽調味即可。

　 貼 士 ： 材 料 份 量 可 隨 喜 好 增 減 ， 但 記 得 要 連 湯 及 湯 渣 都 要 吃 。

依個湯酸酸甜甜又飽肚(有薯仔). 以前未有小朋友, 2個人就咁飲湯+法包又一餐. 夏天冬天都飲得.

點解叫"維多湯", 因為d材料有多種維他命羅.

zino 護膚品免費sample

http://www.herbs.hk/zino/memreg_zino.php

希望大家岩洗啦.

慳既最高原則

點樣先可以慳到錢呢? 唔得啦, 要慳d先得啦! 我知道好多人都試過想慳d洗, 不過唔知點解硬係做唔到.

回想返當初自己開始不得不”慳”既時候, 真係好痛苦, 咩都唔敢買, 連街都唔敢去, 去街見到d野想買又唔買得, 仲辛苦過唔去.

有日個腦又係樹盤算緊點樣先可以”慳”d洗. 腦入面浮現出個”慳”字, 突然間叮左一下, 諗通左啦, 就正如個"慳"既寫法(拆開來睇), 最高原則係”心堅”.

“心堅”即係堅定地控制自己既慾念, 唔好比任何既籍口自己, 堅定地執行每日既支出計劃. 完全改變自己既消費/生活模式, 咁就得啦. 否則, 今日洗少左, 聽日一個唔覺意又洗突左, 到頭來係慳唔到既.

其實同減肥既道理都係差唔多, 唔係食少一頭半個月既事, 而係改變飲食既習慣. 否則都減唔到不特止, 可能仲越減越肥.

Dior Sample (Free)

http://www.dickson.com.hk/promotion/hnbeauty/hnb20080613.jpg

就腳又岩用就去換啦.

味噌湯 (可能係$1碗)

"味噌湯"係咩野, 咪就係日本食店一定有既"面鼓湯"羅. 我個人勁仲意飲. 以前係街飲, 後來係日本超市買一包包果d即食返來沖, 果d真係幾貴下嫁 (不過當時自己唔多覺) 

做左師奶之後, 多左個人飲, 唔可以飲咁貴既. 比我左格右格, 試來試去, 終於係吉之島搵到佢依隻自家牌, 真係又平又好飲 :

750克, $25. 我無計過, 不過可以煮好耐好耐, 好多好多碗"面鼓湯".

依隻味噌本身已經加左昆布, 已經有鮮味, 煮既時候只需要落料, 就好夠味啦.

落咩料?? 咩都得啦, 隨手廚房有既料都可以落, 最簡單就係落蔥花羅.. 

我自己多數落咩料, 太多啦, 要分一分料先:

菇類: 茶樹菇, 本菇, 金菇(切後), 秀珍菇, 冬菇, 磨菇

菜料: 白蘿蔔, 娃娃菜, 冬瓜料, 節瓜粒, 芽菜, 大白菜, 小棠菜, 薯仔粒/片, 紅蘿白, 椰菜

海鮮料:  蜆、帶子、魷魚、章魚丸、墨魚丸、魚蛋、魚片

其他: 豆腐, 豆泡, 肥牛........

太多啦, 唔記得曬咁多, 總之自己仲食落咩就落咩, 或者自由組合都得, 至緊要唔好落得咁多料. 點解? 因為味噌先係主角, 太多配料就飲唔到湯既真味. 基本上, 用煮送剩落來果d料已經夠啦. 有時都覺得日本人真係好"慳". 送頭送尾加味噌又整到碗湯出來.

點整. 易到不得了(岩曬懶人)

將所需要既切細/片, 水滾落料滾到熟, 落味噌(2-3湯匙), 攪幾攪就息火.

味噌唔止好味, 亦好有益. 睇下人地點講:

http://shop.club-o.org/shopnews/SN009/sn00901.htm

http://www.360d.com.tw/phpBB/redirect.php?tid=842&goto=lastpost

http://health.atnext.com/index.php?fuseaction=Article.ListArticle&sec_id=6349037&iss_id=20080322&art_id=10889318

除左滾湯, 都可以用來做煮面/烏東既湯底. 以前一個人果時, 成日就加d急凍水餃, 幾條菜, 一包烏東, 加一匙味噌, 煮出一大碗面. 冬天食到暖立立.

煮送都得既. 不過我無試過.

明報格價網 今起助你精明購物

【明報專訊】通脹持續，市民每花一分一毫都要精打細算。為了協助市民對抗通脹，「明報格價網」(http://price.mingpao.com)今早11時起正式推出。格價網參考消委會每年做的大型超市價格調查籃子，監察百佳及惠康兩大超市約200件貨品的價格變化，並將它們分成11類，每天上午11時公布。
格價網選兩大超市為監察對象，是因為超市已經成為市民購物的主要管道，而兩大超市均表明同一貨品在不同銷售點均會價格劃一，因此網上價錢極具參考價值。格價網有3項功能供消費者參考

將與民主黨公民黨合作格價
明報網站下一階段會將格價範圍擴展至其他小型商店，並曾聯絡民建聯、民主黨、公民黨及自由黨商談合作，現時民主黨李永達及公民黨余若薇已表示願意合作，並由政黨的地區支部去格價，若發現有小型商店出售本報監察範疇內的貨品而價錢更低，便會向本報格價網提供資料。自由黨田北辰表示有興趣合作，具體細節有待商討。民建聯則表示不會參與。

希望個價真係update既. 希望遲下真係可以格埋d小型商店, 咁我地d c9 可以慳返d眼力.

羅漢果茶

早排報紙上介紹左"羅漢果茶"既神奇功效~好多人係網上互相傳閱. 有無咁神奇我唔知. 不過"羅漢果茶"係自細飲到大既涼茶, 阿媽成日都煲, 對我來講係平常到唔平常既野, 對於有好多人完全唔知道係咩野, 我先覺得奇. 

報紙介紹既煲法:

羅漢果茶的製法﹝使用乾燥果實﹞
取羅漢果一個壓碎外皮，將種子分開；
在煲中放入二公升水，放下壓碎的羅漢果一個；
用中火煲二十分鐘﹝以水滾後計算﹞，關火後，放置十分鐘；
完成後可以直接熱飲，或過濾後放入冰箱冷藏，可保存一個月。在冰箱取出的可以用熱水稀釋濃度當淡茶來喝。

註：要揀靚羅漢果，首先最好將羅漢果輕力由距離檯面一、二吋的地方放下，如果像「乒乓球」般的會「彈起」，証明不是「空心」，亦即是上品。又或在耳邊輕輕搖，搖得響便是不好的。

我阿媽教落既煲法係:

羅漢果一個洗淨, 一分為2-3份, 放4碗水, 中火煲半個鐘. 煲好就倒起熱飲. 

味道好甜, 有d"流"添. 去痰, 咳都好見效. 因為係甜味既, 小朋友飲亦得. 網上面講原來:

從「祛邪扶正」的中醫角度看羅漢果
 羅漢果味甘，性涼，無毒。具有清肺止咳、涼血止血、生津潤腸的功效。入肺、脾經。

 根據中醫理論：肺主氣，司職呼吸，與喉嚨及聲音相關，又肺與大腸為臟與腑相表裡，故與腸道相關聯。外感風熱或燥邪所引起的病變，如咳嗽痰黃，口渴唇乾，心煩氣燥等症，都可用羅漢果清肺止咳潤燥。假如陰虛肺熱或是火熱灼肺，損傷肺絡所引起的咳血吐血，也可以選用羅漢果取其涼血止血之功。

不過如果懶起上來, 唔想煲, 介紹你飲依個:

效果一樣有. "為康"家下做買二送一, $9.9x2/3=$6.6一包有12粒. 5毫半子一杯, 抵到爛.

老公都識得自己買來放係公司飲 (唔洗等我煲).