今期超市超抵價, 有依d
1.地捫 茄汁膠樽裝 24oz each, 買 2 件 $19.80, 平均價$9.90 (惠康/百佳)
好耐無試過咁平啦~惠康3號仲有95折.
2.營多 各種麵食買 2 件 $19.90, 平均價$9.95 (惠康)
3. 養養牌 各種麵食買 2 件 $19.90, 平均價$9.95 (惠康)
4.金象牌泰國頂上香米8kg ,
百佳: 買 2 件 $149.90, 平均價$75. 一包HK $78.30
惠康: 買 2 件 $157.80, 平均價$78.90, 買滿$100仲有95折. (惠康) 如果唔急買, 等3號enjoycard仲有95折添.
5.阿華田 經濟環保裝 400gm, 買 2 件 $40.50, 平均價$20.25(惠康/百佳)
6. 維他奶黑朱古力奶/木瓜豆奶 6包裝 $12.50 (惠康/百佳)
百佳仲加: 買任何2件, 即送1年奶他奶豆奶1公升, 好抵啊~
, 
免治豬肉/牛肉係我雪櫃必備既食材, 好多餸菜都係用佢地來煮. 曾經有blog友見到我既食譜, 問我點樣買五蚊免治豬肉啊~
今時今日, 確係無可能買五蚊既 
, 你同豬肉佬講, 佢肯定睬你都傻. 我通常都會買二十蚊分幾次食既. 有時收工先買, 咁就會幫襯超市果d冰解豬肉/牛肉.
我係$10店搵到依個食物盒, 用來存放免治肉非常之岩.
內籠分有四格, 將買返來既鮮肉分開4份. 每分多少就隨你需要. 要煮既時候就取出一份解凍, 十分方便.
如果係超市買肉, 因為已經有包裝, 我就會咁樣分左先放入冰格. 食幾多就拎幾多出來解凍. 當然再分細d都得既.
事先做好d功夫, 煮飯時就慳返好多時間.
一年一度又來啦~
舊年我都有帶小朋友去, 氣氛真係好好.
嘉年華內容:
14/11/2009 (星期六) 10:00am – 5:00pm
15/11/2009 (星期日)10:00am – 巡遊滙演結束 (約4:30pm)
星期六日既中午, 有時好懶唔想郁, 通常我都會整炒飯來食. 當時雪櫃有咩就隨便配搭.
時時炒既有依味: 牛肉芥蘭炒飯
講明係懶既時候整既
, 當然係要簡易快捷.
材料有: 免治牛肉(超市冰鮮) $10, 芥蘭 $4, 蛋一隻 $1, 白飯4碗 $5
做法:
1. 蛋發散, 燒油鑊大火炒蛋, 用鑊剷整碎, 備用.
2. 免治牛肉用糖, 生抽, 生粉略醃, 芥蘭洗淨切細粒. 兩樣材料分別用大火炒至七成熟, 炒芥蘭時可以落小小糖.
3. 燒油鑊落白飯炒至散開, 加入熟免治牛肉, 芥蘭粒及蛋碎, 加小小鹽調味.
得左啦~
食既時候可以加d美極鮮醬油, 我覺得佢同牛肉既味道好夾, 落小小可以提升成碗飯既味道.
$20蚊一家人食得飽飽.
好開心啊~又可以儲分換車飛啦~
詳情係咁樣:
由2009年11月1日至2010年1月31日，港鐵友禮會會員乘搭港鐵、輕鐵或港鐵巴士，每搭$1即賺1分；今期更推出雙倍賺分方法，每次乘搭機場快綫，或使用東鐵綫過境往來落馬洲站，可賺雙倍積分，旅程自然200%滿足！
換領禮品睇依處.
我覺得最岩洗都係"車票".
朗文於10月28至11月2日舉行開倉大傾銷，大量兒童書籍及英語進修書籍，低至1折!
日期﹕28/10 - 2/11
地點﹕崇光銅鑼灣店21樓崇光宴會廳
記得印埋coupon先去啊~
朗文於10月28至11月2日舉行開倉大傾銷，大量兒童書籍及英語進修書籍，低至1折!
日期﹕28/10 - 2/11
地點﹕崇光銅鑼灣店21樓崇光宴會廳
記得印埋coupon先去啊~
紅磡黃埔花園 船景街本周日（10月18日）下午舉行「歡欣舞動在龍城」，300多名體育舞蹈表演者大跳標準舞和拉丁舞，向市民推廣體育舞蹈。
活動在下午4時30分至6時30分舉行，醫療輔助隊銀樂隊先為節目揭開序幕，300多名8 - 40歲的舞者陸續登場，表演各式標準舞及拉丁舞。
在「百人齊跳查查查」的節目中，300名舞者在逾2,000平方呎的紅地氈上，伴隨節奏明快的音樂，大跳「查查查」。
東亞運動會香港代表隊的6名成員，分別表演探戈、森巴舞及「查查查」；20名香港青少年代表隊的成員表演牛仔舞。
活動設專業粵語現場旁述，歡迎市民到場免費觀賞，不設門票。
如果去開果頭, 不妨去睇下表達
舊年去玩過, 獎品真係幾豐富下~又有吹氣跳床, 小朋友玩得好開心.
機電安全嘉年華是機電安全香港通2009的高峯活動。嘉年華會內容，包括富教育意義的攤位遊戲、歌星表演、吉祥物巡遊、話劇匯演及兒童遊樂區。此外，網上問答比賽及繪畫比賽的得獎者，將於嘉年華會上台領取獎項。繪畫比賽的優異作品，亦將於嘉年華會中展出。
| 日期： | 2009 年 10 月 17 日 (星期六) 上午 11 時至下午 6 時 (開幕禮將於下午約 1時 45分舉行) 2009 年 10 月 18 日 (星期日) 上午 10時至下午 6時 |
| 地點： | 香港銅鑼灣維多利亞公園 5 號足球場 |
| 精彩節目： | 攤位遊戲、兒童角、歌星表演、台上遊戲及豐富獎品等 |
免費入場 無需門券
依個中秋節, 有個親友送左張雪糕月餅卷比我地. 依間雪糕店就出左名貴, 月餅卷既價錢係$288.
中秋節正日我去取餅, 諗住作為當晚一家人團圓既飯後甜品. 去到鋪頭取餅, 店員既服務非常之好, 打開餅盒逐樣比我檢查, 佢一邊講解, 我個心一邊諗: 有無攪錯......有無攪錯.
點解我咁樣諗, 因為依盒月餅完全係"妹仔大個主人婆". 包裝真係太......太過多. 首先係依個盒, 呎吋有成一呎幾. 係一個硬盒, 圖案仲相當之靚添.
打開個硬盒之後, 入面咁樣排左6個細盒. 呎吋係15.5 x 8 cm.
打開個細盒, 再見到有膠袋包裝.
睇下隻手指就估到塊月餅有幾大.
睇到依到, 屋企人都開始都嘩嘩聲, 真係驚嘆個包裝咁.....浪費.
打開個膠袋, 終於都見到要食落口既月餅啦~~登登登登.....真係好細個(相比起個外盒, 完全唔成比例)
結果係: 一家人每人分得果半塊, 真係兩啖就無左. 留低包裝盒一大堆.
仲加無厘頭既野係, 依盒月餅仲加送一個手袋.
依個只係一個普通既布袋, 我地一家人都諗唔通同個雪糕月餅有咩關係. 如果係保溫袋就話姐~
當然羊毛出自羊身上, 依個袋相信亦係打埋個價錢落去盒餅到啦~
咁多年來不停咁呼籲唔好過度包裝, 不過依然有公司完全唔理會, 整出咁樣既包裝, 我完全係反感既, 直頭覺得係好無公德心.
尋日係某地鐵站口, 見到"好立克"推廣檔口, 總共有十個八個人, 其中仲有短裙姐姐添. 不過好奇怪, 無咩人行埋個檔口處, 睇檔口d哥哥仔出聲係咁叫: 過來玩下啦~玩完有禮物. 但係d 路人都係無停底.
見佢地咁"可憐"
, 我即管行埋去睇下有咩攪先. 原來係要玩一個簡單既遊戲, 如果成功過關, 就送三包好立克+胚芽, 如果過唔到關, 都有一包送.
本著佢好(送完禮物可以收工) 我好 (有免費好立克)既原則, 我當然即刻玩啦~都唔洗一分鐘, 禮物到手.
就係依3包野:
每包入面就係咁樣既:
仲有一張美心優惠coupon, 一張茶餐廳優惠coupon送(我無影到).
好立克都係囝囝至愛之一, 可以比佢做早餐.
如果你係街見到佢地既檔口, 就去"支持"下啦~
. 諗下無烏東食不如食意粉啦~ 一樣係"面".
, 差d唔夠食.