帶飯

最近又帶返飯.

其實自己唔係太主張帶飯, 特別係夏天, 個飯盒好易變壞, 同埋晏晝食返尋晚一樣既送, 其實都相當悶下. 不過唔帶都要帶, 因為家下出街食一餐真係好貴啊~~. 公司附近似樣d既餐廳, 要成$4x-%50一餐. 大x樂果類快餐, 價係無咩點大加, 不過D份量(送+飯)縮曬水, 我係食唔飽既.太離譜啦. 有個同事買外賣焗飯, 竟然得外賣盒半盒咁多咋.

唔帶都要帶, 一星期唔帶足啦, 等自己唔好咁"悶". 一日慳返幾十, 三日慳過百, 一個星期可以加多好多送.

邊個偷左你d錢 (八)

8. 零食汽水啤酒

好多時去超市, 見唔少人買到成架車都滿曬, 我都會好奇, 裝下佢買咩買到咁多~(因為格完價, 我好少會買到一車). 通常車上大部份既野都唔係必需品, 而係"零食飲品".

家下通漲咁勁, 大家都話米,廁紙, 油依d野貴左好多, 不過就算貴左, 一包米其實食到幾耐下, 一條廁紙都用到個零2個星期. 相對同等價錢既零食飲品, 容咩易就食完飲完,

零食食開係有癮, 即係所謂既"口痕". 有d朋友屋企一定要有, 個個星期必定入貨. 入親都一百幾十. 反而"米,廁紙, 油"都唔洗買咁多. 小數怕長計, d錢就咁幾百幾百唔覺唔覺跌左.

註: 食零食汽水啤酒又易肥, 轉頭又要比錢減肥. 兩頭"舌".

寶礦力水特粉劑

依排咁熱, 如果係室外做野或者做運動, d汗肯定係勁流啊, 一定要補充返多d水份, 唔係分分鐘中暑都似. 淨飲水都覺得唔夠, 咁飲咩啊~~好多人都識得飲"電解質補充飲品". 即係:

不過唔講唔知, 多數人識買"寶礦力水特"(上面果款), 不過大部份人(包括網友Frances)都無留意到放係同一個貨架既依款: 寶礦力水特粉劑

依隻粉劑一盒有5包, 賣$42.9-$49.9左右(今年加左價), 每包沖到1公斤. 點解要買依款, 因為:

1. 慳力: 拎依盒野輕鬆過抬5支1公升既水返屋企, 尤其對女士來講,

2. 慳地方: 唔左定(屋企細, 依樣好緊要), 有需要果時即刻可以沖來飲,

3. 方便, 需要幾多份量沖幾多. 又可以就返個人口味來沖.

4. 慳料: 環保, 用少(幾)個膠樽.

夏天我屋企常備, 以便不時之需.

減價啦~出手啦

上星期一連幾日都買衫, 前後買左4件. 點解?? 忽然轉性啊? 點會啊~~江山易改, 本性難移, 尤其係我依種根深蒂, 積重難返既"寒底"人士.

最主要原因係d鋪頭開始減價啦~~ 終於都等到出手既時候啦~~公司附近有幾間鋪頭仔, d衫一向都幾靚, 都好多人幫襯嫁~~不過我依d眼高手底既人, 好難有機會出手姐.

依幾間鋪頭仔, 我日日都會路經, 果日唔覺意立眼見到執左d貨出來, 平時賣3-4百蚊既, 減到$100-$150. 諗住入去行個轉, 點知就即刻睇中件衫, 顏色款色都好岩自己, 睇下個價: 一百蚊. 即買. 第二日行經另一間, 見佢掛左件出來好岩心水, 一問又係一百有找, 又即買.好似買開停唔到手咁, 第三日又買左件外套仔, 盛為$50元, 又成交, 仲買多件比阿妹添.

依幾日特登唔行果條路, 因為買夠啦.費事又見到d靚既, 自己會忍唔到手. 一於眼不見為乾淨.

需要買衫既, 家下開始出手啦. 因為開始減無耐, 比較多款簡.

反貧窮 在日本﹕貧乏階級求生指南

【明報專訊】編按﹕朱凱迪的日本行遇上奇人松本哉，訪問中途松本哉醉倒跟前，迪事後徵得其同意，准將其新書《貧乏人の逆襲》譯成中文，我們將當中的反貧窮攻略在此摘譯刊出。

最近「格差社會」一字在日本甚為流行，當中最荒謬的，要算是人們「為了向上爬」所承受着的壓力。「成為大公司職員後努力工作、結婚之後生小孩、再借 30年按揭來買房子，這就會成為『勝組』了吧？」你可是搞錯了，只有最貧乏的人才是這樣！事實上你看最富有的人不是整年都不工作，他們的口袋自自然然就有錢了嗎？你可能會說是「為了可以遵從自己喜歡的方式而生活着，所以需要更加努力地工作着。」

為了「治癒工作疲勞」而走到街上買東買西，但東西剛買下就被新產品所吸引了。人們一直被不知從什麼地方來的消費慾所驅使着。即使是人工好一點的傢伙，一收下10萬日圓    的花紅後就立即用來買像是高級微波爐這種白癡的東西，瞬間就沒錢了。

事實上我們即使沒有這些物質上的東西，也是可以自由自在地生活的。這書並不是為希望成為「勝組」的奴隸們而寫的，而是為我們這些貧乏人階級而寫的「實用求生指南」。

我覺得亦是不少香港"中產"人士的寫照.亦令我想起最近幾日自殺果幾人兄~~"咩野係"成功"???

住家味千拉面 (最慳可以係$5 碗)

今日係吉之島順便買埋依隻味千出品既豬骨拉面. 特價$20 2 pack (最平依個價). 一包有2份面 + 2份豬骨湯底.

點煮? Very Easy 岩曬大熱天時唔想煮飯既"懶人"==>我.

 

佢個湯液同係鋪頭入面既差唔多(咁正), 不過個價就......差好遠.

想豐富d, 我會抄下人地鋪頭咁做, 炒/十d椰菜($3), 開一盒栗米粒($5.5), 買$20 x 燒 分3份. 鋪上碗面, 就成為一碗A貨拉面啦. 每碗都只係盛惠$14.5.

當然, 仲可以加粒魯水蛋, 魯水雞翼, 牛展, .........自己仲意加咩就加咩啦.

註: 想扮得似d, 放好d 料, 成碗入微波爐叮一叮, 成碗暖曬.

涼拌青瓜($7)

材料: 溫室小青瓜一包 (超市街市都有得賣, 約$7包, 有5-6條)

咁樣 (依包係吉之島買既

調味料: 糖 1 湯匙, 黑醋1湯匙(白醋都得), 豉油 1 湯匙  麻油 小小(味道可因個人喜好 , 自行加減)

做法:

1. 青瓜洗淨切薄片，灑上少少鹽醃15分鐘等軟化, 用大湯碗裝水放係上面壓一壓 (等d青瓜水快d出, 一間調味易d入味) 
   
2. 用小量凍滾水稀釋鹹度，稍微抓洗瀝乾
   
3. 加入調味料(用一個碗仔攪好曬, 自己試左味先) 
   
4. 最後加上麻油，放入雪柜雪一個鐘(想入味d, 預早一日醃仲好味).

食得啦:

註: 食得辣可以加d辣椒絲

依排咁鬼熱, 真係唔想開爐煮野食, 飲得太多水, 胃口又唔好, 整依個涼拌菜色, 顏色又靚, 酸酸甜甜, 入口又冰涼, 開胃又下火. 至緊係唔洗煮到一身汗.

青瓜夏天又當做, 仲有好多好處:

青瓜（Cucumber, Green）生吃，甘涼可口，味道惹人。在減肥餐單中，如什菜沙律，許多時都會吃到青瓜，故在健康食品中，青瓜實在不可少。 青瓜的營養成份，在瓜類中，則是表表者；它含有重要的礦物質和多種的維他命，有蛋白質、鈣質、磷質、鐵質、維他命Ａ及Ｃ。由於青瓜可清肺熱利尿，凡暑期熱重、咽喉腫痛的，生吃青瓜，療效極佳。

http://www.happyandhealth.com.hk/gourds.htm

仲有:

http://hk.knowledge.yahoo.com/question/?qid=7007102804314

又平又有益又易整, 食得過~~

上月通脹擴大至6.1%

統計處公布，6月份消費物價指數上升6.1%，較5月的5.7%，上升0.4個百分點。

各類消費項目中，食品（不包括外出用膳）價格在6月份錄得較大按年升幅（綜合消費物價指數中上升18.9%）。價格大幅上升的食品項目有米（綜合消費物價指數中上升64.0%）；牛肉（上升50.8%）；豬肉（上升48.2%）；罐裝肉類（上升39.2%）；食油（上升32.2%）；淡水魚（上升27.7%）及其他肉類（上升26.8%）。

 d數字好得人驚啊~~唔知香港以前試過咁樣未呢. 點開飯啊~~

消暑特飲---柑橘露

依幾日一無落雨, 真係熱到傻啊~~出一出街返來, 真係要即開冷氣再加杯凍飲至得.

飲得汽水檸茶依d飲品多, 不單止對身體無益, 圍起條數仲幾貴下, 小數怕長計. 淨飲水又太寡. 舊年夏天係超市行行下無意中發現左依個: 柑橘露 

研究左佢既成份同埋功能:

成份: 柑橘, 蜜糖, 冰糖, 蔗糖, 鹽, 不含防腐劑或人造色數.

功能: 清潤滋養, 生津止渴, 具消炎止痛功效, 有助舒緩喉嚨不適, 常飲有益.

原產地: 馬拉

雖然個包裝係老古d,  諗起老公耐唔時都會有喉嚨痛, 望下個價, $20.90 (惠康)500g 都唔貴(平過蜜糖/柚子蜜), 即管試下啦.

我用個一公升既凍水樽沖, 筆2-3湯匙, 再用筷子攪攪佢, 雪凍來飲, 飲落甜中帶咸, 都幾好飲. 難得阿仔都欣賞. 我用來招呼公公爺爺, 佢地都贊好.

一樽沖到5公升左右. 當然沖淡d味都得, 各人喜好啦. 

尋日發現華潤都有得賣, $18.90咋. 不過比人掃剩一樽. 我即刻立埋佢啦.

消委會擬請學生主婦格價

(星島日報報道)消委會主席張炳良表示，政府額外撥款五百萬元給消委會，增加超市及商鋪格價次數，由每兩星期一次，增至每星期一次，同時增加格價產品的項目，由十五項增至四十項。消委會計畫增聘約十名員工，以及兼

正苦終於都肯出手, 總好過咩都唔做, 由得d無良商人混水摸魚.

為慳兩元車資 徒步句鐘領取

(星島日報報道)不少前往食物銀行求助的人士，面對放下尊嚴或解決一家飢餓的兩難局面。有無業丈夫為尊嚴拒到食物銀行，妻子唯有偷偷前往求助，要求機構轉以超市膠袋盛載食物，以隱瞞丈夫；有窮困市民為省兩元車資，


今時今日既香港, 竟然仲有人係三餐不飽既, 夠競係邊個既錯? 我地既正苦又做左d咩野呢??

填問卷可免費獲得康鈣C 10片 (9月30日止)

http://31053633.1638.info/novartis/novartis_0807/voltaren/microsite/ep-v0/index.php?AID=

快d去填啦.

SKII 15g sample (抽獎)

http://sk2.she.com/promotion.php


Answer : Y/N/N/Y/Y
希望抽到啦.

CLINIQUE Free Sample

http://3step.clinique.com.hk/3step/zh/home.html?utm_source=BeautyEx&utm_medium=SubpageBanner&utm_content=creative2_SubpageBanner&utm_campaign=3step#/home/skinAnalysis/

岩用就去玩下啦.

 

泡泡浴

幾乎每個小朋友都仲意沖泡泡浴(有d大人都好仲意), 放一大缸熱水, 浸曬成個身入去, 由得d泡泡包曬成個身, 再吹下拍下玩下d泡泡, 真係人生一大快事. 不過沖得咁開心係要付出"代價"--水費都好甘.

又要慳水又要浸泡泡浴, 咁唯一個辨法就係一缸水多幾個人沖, 好似d日本人浸浴咁, 除開每個人就唔係用太多水. 我地多數係星期日(夏天)先來浸浴, 2個小朋友浸泡泡浴先, 佢地玩夠啦, 再到我去浸, 如果d水涼左, 會再侵d熱水.

小朋友日日沖涼, 佢地浸完d水烏糟極有限. 我浸完浴再用花灑沖沖身, 咁就乾淨曬啦.

當然依個方法, 有潔癖人士係唔岩洗既.