自從上次整左深層手足修護(夜)霜比老爺用來搽腳之後, 奶奶相當欣賞我既手作, 又催我整護手霜. 因為佢成日做家務, 天氣一乾, 十隻手指"被"曬口, 佢就要搽.
難得"女王"咁欣賞
, 當然係二話不說, 火速進行, 研究配方。
今次要解決一個問題, 就係＂手感問題＂。護手霜係日頭搽手用, 搽上手感覺上唔可以太油, 否則會覺得"立". 但係油既份量又唔少得, 太少又會覺得唔夠潤. 
試來試去, 調整配方, 搵埋同事試用, 終於都得到一個自己滿意既配方.
奶奶用左一個星期, 打電話比我, "超讚"隻護手膏, 因為佢搽左幾日, 十隻手指頭無曬"毛頭"
唔再"吉"人, 變返滑滑, 佢超級滿意, 好過曬佢之前用過既所有護手霜, 比我二百分.
仲即刻"加單", 叫我要再整多d比佢, 再比埋姑奶添. 見佢講到好誇張咁樣, 我諗整多d, 比多幾個人試下都好. 話曬姑奶周遊列國, 用過好多好野, 睇下佢用完又點.
又再開爐, 再整左一大樽, 又派"街坊".
護手霜除左用靚油之外, 仲増加左"乳木果".
乳木果, 又名雪亞脂, 具過濾紫外線的保護作用, 它含有肉桂酸, 是良好的保護成份, 也具促進細胞再生及微血循環的作用, 所以對龜裂傷口及皮膚潰傷有療癒效果, 它的抗蛋白質酶(anti-elastase)效果能預防妊娠紋產生, 令肌膚更加柔軟及彈性.
另外既靚油包括:
冷榨有機椰子油: 含豐富月桂酸（lauric acid), 不僅易於被皮膚吸收，發揮明顯滋潤作用，更可助去除表面的已死細胞，促進新皮層生長，使皮膚光滑亮澤。椰子油亦可強化皮下的結締組織，有優良療癒和修補功效，使皮膚豐潤，減少皺紋；同時可防止有害的自由基形成，預防由陽光或老化所致的皮膚色斑。有助去除死皮，令皮膚回復彈性，光澤亮麗
甜杏仁油: 性質溫和、易吸收，富含礦物質、蛋白質及各種維他命，滋潤效果極佳。能有效減輕皮膚發癢現象，消除紅腫、乾燥和發炎。
可可脂: 源自可可豆中之天然脂肪物質, 具良好滋潤及保濕效果，能在肌膚表面形成保護膜、軟化及滋潤肌膚。
蜂臘: 由蜂巢提取之天然物質, 具抗菌, 消炎止痕, 軟化肌膚及促進組織再生的功能。
精油方面就選用左名貴既依蘭依蘭精油, 配合葡萄柚精. 點解簡依兩隻, 因為
依蘭依蘭又名"香水樹", 香味甜美濃郁但清澈, 為當今多種名貴香水的重要原料, 其精油萃取自花朵，是多功能的精油。香氣可調腎上腺素的分泌，放鬆神經系統，使人感到歡愉。可紓解憤怒、焦慮、震驚、恐慌、以及恐懼的情緒。其香氣更能提升女性個人魅力。肌膚療效方面，能淡化細紋，保養肌膚效果絕佳。
葡萄柚精油, 香味清新, 能抗憂鬱，可使人恢復精神，不再鬱鬱寡歡，對於容易在冬天出現的憂鬱或昏昏欲睡等症狀，尤其有效。在皮膚保養方面：能促進血液循環、對於皮膚凍傷、蚊蟲咬傷、嘴巴潰瘍、年齡及肝機能不好引起的皮膚斑點、受傷後的疤痕改善都有效果。
朋友安妮話: 唔錯播!! 原本對手背乾到甩皮，用左三日有改善喇。夜晚臨訓會搽多d，岩岩搽完好似好油咁，但好快就吸收晒.
姑奶收到幾日後, 打電話來, 又係"勁讚", 話依隻護手霜好得. 拍得上法國某名牌. 係佢用過咁多隻護手霜之中最好既(又係果句) . 首先佢仲意手霜既香味, 清幽又唔攻鼻, 好舒服, 唔似得市面某牌子, 得個香字, 香到過曬籠變左"臭", 聞得耐會頭暈
, 搽左手霜身上就好似有陣淡淡既香水味咁樣, 佢可以慳返唔洗搽香水, 一舉兩得. 質感方面, 搽上手感覺好"rich", 洗完手仲好有層保護膜咁樣.
佢仲即時落單訂做20樽, 作為聖誕禮物, 送比朋友. 用行動"讚賞"我既手作, 真係好有成功感啊~
依件事亦令我諗到其實每個人屋企果個"煮飯婆", 日做夜做, 做到對手粗曬, 爆曬流曬血都可能唔會出聲, 每日默默地為家庭付出. 我地真係要多d關心下佢地"對手". 下次再整, 我都一定要整大樽送埋比自己既媽媽. 雖然佢無出聲, 唔代表無需要, 希望媽媽可以保持一雙柔美既手 
.
, 最緊要係知道收禮物既人係岩用.
佢依家係我最忠心既fans. 日日都用緊我整既膏. 細細樽比佢放係手袋用.
), 有記念價值既衫 (阿囝BB果時著既衫, 唔捨得比人等等), 去旅行滑雪買既雪褸, 公司 annual dinner 既晚裝, 化裝舞會既衫等等.塞到個衣櫃實一實.
可能某一日會著返. 
起白邊甩曬皮.
訓著, 不過如果睇下列依套書, 你會笑到訓唔著. 
