神雕俠侶化身綵燈 元宵降凡間

可以帶小朋友去熱鬧一下~~

【明報專訊】西方情人節未到，元宵節將於2月9日率先來臨。康文署除了會在市區和新界各區舉辦綵燈會外，今年尖沙嘴文化中心外的綵燈展覽更會以《神雕俠侶•射雕英雄》為主題，十多個金庸小說筆下的經典人物化身綵燈

 

仲有其他3個彩燈會:

http://www.lcsd.gov.hk/CE/Entertainment/EntertainmentOffice/09lunarcarnival/index.html

 

 

自制爆谷($2.5)

早排有朋友買左架爆谷機, 好興奮咁報料比我知, 因為佢知道我仔仔好仲意食爆谷.

後來我上網search一下, 原來自制爆谷簡單到不得了. 用個鑊產也可以整爆谷。

係吉吉島買左包最細包$5既乾栗米. 諗住過年得閒試下整來食. 第一次一整唔多成功, 因為燶左d. 再研究過原來係因為落左"牛油"既關係.

第二次整就咁樣乾鑊, 放d栗米粒落去.

加鑊蓋用中火, 一邊焗一邊拎起隻鑊搖下, 以防痴底. 慢慢你就會聽到爆緊既聲, 同埋聞到好香既爆谷味, 你要繼續搖到無聲先開蓋.

登........登......登......成功. 好白好靚~~

之後落一小匙已叮熔既牛油, 蜜糖, 用鑊產炒幾下, 或者轉過去個細既煮面煲處, 加蓋用力拋幾下撈暈d牛油蜜糖, 食得.

真係簡單到你唔信~~小朋友想食幾時都可以整來食.用來做開party既小食一定大受歡迎添.

原來賣爆谷超好賺~~ 果包$5乾栗米可以整到4次. 加埋果小小牛油同蜜糖, 至多咪$2.5. 如果買大包果d, 應該會更加平d. 咁爆谷機就更加......無需要買啦~~$238食到好多好多爆谷啦~~

笑口棗 ($12.5)

過年淨係整左依樣:笑口棗, 請埋大家食~~

祝各位blog友牛年

"笑口常口, 心想事成".

點整, 又係好易, 易到連小朋友都可以幫手嫁~

材料: 自發粉 250克 ($3) 糖 60克 ($0.5) 蛋白一個 ($1) 猪油/生油 2湯匙, 暖水2湯匙, 白芝麻少許 ($3) (加埋用來炸既油, 當 $5) 另備一碗暖水後用.

做法:

1. 將發粉篩入大碗中, 加糖, 蛋白, 水 同油, 搓勻.

2. 將水慢慢加入面粉中, 搓勻令佢成為面粉團. 好似咁樣. 蓋上濕布等30分鐘 .

加幾多水?? 加到個粉團光滑, d粉又唔痴手. (可以叫小朋友幫手加水.)

3. 將粉團搓成長條, 分成細粒, 再搓成細圓球. (小朋友又可以幫手搓, 有得攪攪震, 佢地最開心).

4. 將圓球掃上水, 再沾上芝麻. 沾芝麻既時候, 要輕輕按一按, 炸既時間芝麻就會痴實d, 無咁易跌曬出來.

5. 完成. 做左73粒

6. 可以拎去炸啦. 油熱左之後要轉細火, 火大就好易燶, 切記~要比d耐性慢慢炸~炸到金黃色, 粒粒開口笑就可以啦~~

 

p.s. 依個食譜炸出來既笑口棗, 口感係有d煙煙銀銀~~唔係鬆化果種.

DIY 水仙花

今年一盆花都無買到, 點解?? 因為細妹送左依盆水仙比我~~

我覺得好靚啊~~ 係細妹一手一腳自己刻水仙, 配盆, 種植既. 佢既taste + 心機, 令盆花靚過街賣果d多多聲.

再次講多聲: 多謝細妹~~

亦順帶祝各位blog友:

牛年行大運,

豐衣足食, 心想事成,

身體健康, 萬事如意.

行花市, 學講價

今日年三十, 約左阿囝d 朋友仔(&媽咪)一齊去行花市, 我地講好每個小朋友比$20筆直佢地自由選擇買咩野~~

坐地鐵去緊既時候, 我同囝囝講左有$20任佢洗.

佢問我: $20買唔到d咩野~~

我答: $20係花市都買到野嫁~~仲有, 你知唔知花市買野係可以講價嫁~~如果你睇中左果樣野係超過$20, 都可以試下同檔主講價.

佢又問我: 點樣講!

我答: 你問佢"可唔可以平d啊"咁樣羅.

佢細細聲咁學講: "可唔可以平d啊"

我話: 你咁細聲檔主聽唔到嫁~~要大聲小小先得. 不過都唔可以大叫出來嫁~~

入左花市, 行左幾檔, 佢見到風車檔就行埋去睇, 跟住問人地幾多錢啊~~人地答 $38. 佢就講: 可唔可以平d啊~~ 人地再問: 即係幾多啊~~ 佢答: $20. 人地答佢: 唔得啊~~佢就走過來同我講: 媽媽, 唔得啊~~ 我話: 唔緊要, 前面應該仲有好多檔係賣風車既, 再睇下先啦~

再行下好快又見到一檔, 佢行埋去又試又玩左一陣, 同行既小朋友都想買, 一問個價錢: $28, 又超支~~佢地就行開左先. 阿仔仲係處死磨. 我問佢係唔係想買啦~~佢點頭話係. 我叫佢問下幾多錢羅.

佢問個姐姐, 姐姐答: $20 蚊啦~~(原來款款唔同價).

阿囝又講果句: 可唔可以平d啊~~

姐姐諗下答: 唔......$15蚊啦~~

阿囝好開心咁轉身望下我. 講價成功~~我比$20佢找數. 買到依個雙層既"彩虹風車":

跟住我地追返朋友仔, 同佢地講我地講價成功~囝囝仲有$5剩添. 佢媽咪都鼓勵佢下次都試下講價. 大家再行多幾行, 朋友仔睇中左個紙巾套, 一問個價: $25. Oh! 又超支. 點算呢~~朋友仔媽咪叫佢去講價, 佢行到埋檔主前面, 諗諗下都係怕羞講唔出口, 轉身話唔講價啦~~依個時候, 妹妹又指住同一款式話佢都好仲意.

企係一邊既囝囝出聲: 我幫你講好唔好啊~~朋友仔當然話好啦~~

佢行埋去個檔口前面, 抬高個頭望住檔主問: 依個幾多$啊~~

檔主望下佢: $25羅.

佢又係果句: 可唔可以平d啊?? $11 得唔得啊~~( 囝, 你有無再狼d啊~~)

路人甲都忍唔住出聲講: 嘩~~你咁識講價既~~

檔主望下佢, 好串咁答佢: 送比你好唔好啊~~細路~

佢望下檔主, 好平靜咁樣再還價: 咁$12蚊啦!

檔主無佢咁好氣, 答: 你洗唔洗一蚊一蚊咁樣講價~~(我死忍住笑)

佢再講: 咁$15蚊啦~~(聽檔主話, 一加加多左$3蚊啦)

檔主都係串串咁話: 唔得啊~

(朋友仔媽咪靜雞雞同囝囝講: 你還佢$20蚊啦~)

囝囝再講: 咁$20蚊啦~~

檔主望住佢諗左一陣, 把心一橫咁講: 好啦~~好啦~怕左你啦~~$20蚊就$20啦~~

跟手仲將個$25價錢牌meet埋添.

好野~~又講價成功. 妹妹同朋友仔都用左佢果$20買左依個:

檔主改左價, 圍係檔口既人一湧而上, 好多人都比錢買. 可能囝囝係幫左佢去貨都未定  

囝囝既表現係我完全估唔到既. 後來我問佢點解要出價$11. 佢話係因為想幫妹妹慳返$9. 咁樣妹妹可以有錢再買多一樣野.

原來佢企係一邊果時已經計過曬數既. 今次行花市真係收獲不少.

大新銀行多啦A夢戶口

近期少有咁多禮物拎既銀行推廣, 加上Doraemon都係我既至愛, 實在太好啦~~

開3個戶口, 即場禮物係: Doraemon圓筒形錢罌 2個 (一個銀色, 一個粉綠色底), 一張廁所地墊 (多拉A夢頭).

信用card交齊資料, +送一個Doraemon浴室磅

由即日起至2009年4月30日前:

開Doraemon 兒童儲蓄戶口，HK$5,000或以上並維持一個月，可得Doraemon錢罌(8吋高)一個

帶同下列文件到任何一間大新銀行分行辦理手續：
1. 小朋友的出生證明書正本
2. 小朋友之相片(1.5"x1.5"彩色半身正面護照相片)
3. 父母之最近三個月有效住址證明文件
開戶金額為只需HK$500，不設任何低額結存服務費。

開大人戶口,$5000 keep一個月, 可得: 

限定版Doraemon毛毯一張(48吋X 60吋)。

由即日起至2009年6月30日，成功申請Doraemon信用卡主卡, 2個月簽 $2800 (包括八達通增價), 可得其中一份禮品：

Doraemon多功能電熱鍋
 可打邊爐、煲湯、煎、煮等，樣樣皆能                      
 高強度不黏塗層內鍋
 高溫可達攝氏 220 度
 強大火力，輸出達1300瓦功率
 符合IEC國際標準，安全可靠
 一年保養
 
或者:

Doraemon旅行喼
 尺寸：20"(高) x 9"(深) x 12.5"(闊)
 主要物料：600D 尼龍
 附設3數位密碼鎖
 內櫳可擴大
 符合國際手提行李尺碼
 一年保養

現金回贈」計劃II        簽賬越多  回贈更多
憑Doraemon白金卡消費，每HK$200可享HK$2「現金回贈」(普通卡每HK$200回贈HK$1)；於生日當天每簽賬HK$200，更可獲額外HK$1「現金回贈」。「現金回贈」將直接誌入信用卡賬戶，讓客戶於消費的同時，更可得到最實際的回贈。客戶可選擇同時為子女開立Doraemon兒童儲蓄戶口，有關「現金回贈」將直接誌入兒童儲蓄戶口內，培養子女建立良好的儲蓄習慣之餘，子女更可與Doraemon一同分享成長的喜樂。

仲有:
Doraemon限定版個人八達通I
於2009年5月31日或之前成功申請主卡及「八達通自動增值服務」之客戶，可免費獲Doraemon個人八達通及HK$10八達通儲值額。「八達通自動增值服務」更備有HK$250或HK$500增值額任選擇，方便快捷，省卻到櫃位或增值機增值八達通的煩惱。而增值之金額更可享獲「現金回贈」計劃之回贈優惠。

 

http://www.dahsing.com/tc/html/deposit/kids_account/doraemon_deposit.html

ABC粉 ($5)

呢味係近期阿仔阿囡既至愛.又係好易整~~

材料:

ABC粉 半包 ($2.5), 肉碎少量($5), 洋蔥半個($1), 番茄磚一格($1.66),  番茄醬少許, 糖少許

做法:

1. ABC粉先出水備用. 肉碎調味後備用, 洋蔥切碎.

2. 落油炒肉碎, 再加洋蔥碎炒至軟身, 落小量水及番茄磚一格, 番茄醬適量, 糖少許.(自己試味)

3. 加入ABC粉炒至收水.

開餐啦~~

又係粒聲唔出食曬成牒. 圍起每牒$5左右.

p.s.我用既係$10店既茄磚. 一包有6磚, 除左整ABC粉, 平時整番茄既餸, 加一磚都特別好味(香草味). 又一平靚正既選擇. 有佢就唔洗買意大利粉醬(成$2x一樽好貴啊~).

出口冷衫特賣店

早排凍左一輪, 聽講新年又會再凍返. 不過我已經做好曬準備---樽領厚冷衫+冷外套+羽湧褸 無由怕.

講起d冷衫, 幾年來我都係尖東一間香港廠商既門市部買, 果間門市係寫字樓入面, 唔係識途老馬, 係唔會為意到.我買得落手既, 當然要係平~靚~正~.

香港仲有廠商~~無錯, 係"MADE IN HONG KONG".釘得依個牌, 都唔會係平價貨(無可能啦, 成本咁貴) 當中大部份都係出口歐美既著名老牌子.

依2件樽領每件$150, 100% lambswool. 好暖啊~~

依件著左2年, 最近先發現原來係"J P G"牌. 我其實買野係唔睇牌子, 至緊要質地好, 仲加要價錢平啦.

依件$100, cotton. 牌子係出左名有格仔圖案既(Bxxxx Bxxxxxx)

依件同牌子既, 就係Merino/silk/cashmere質地既, 貼身著~~又滑又暖.$150

依件外套又係$150. 100% Lambswool

 

cacual著既純綿質衫, $50

男裝一樣有好野執:

依件剪牌既綿質外套, $50.

依d都係$50, 平過係左單奴果d t-shirt啦~~

冷外套$180 (8折). 100% wool, 剪牌

 

最近見有Bxxxx Bxxxxxx剪牌多色男裝V領過頭昱冷衫(xl & xxl), 大特賣$80. 專門店都係賣$80, 不過係美金. 真係去邊都搵唔到. 仲有d 名牌cashmere冷衫外套, 摸上手真係唔捨得走(係我咁心堅至會唔摸). 都係$3xx-$700(長外套). 一樣係歐美名牌. 家下仲做緊8折添. 中童(9-12)歲既都有少量(bxxxx bxxxxxx), $120. 晚裝都有$250. "Arrow"牌男裝shirt 衫$70件.

不過去依d鋪頭買野, 唔好預招呼好, 呎碼齊. 好多時都係得一千零一件. 你當去尋寶咁樣會開心好多. 時時都會有驚喜. 仲有, 著過依d"靚"質地既衫, 其他鋪頭果d真係著唔慣(唔好著) & 買唔落手(唔值).

如果你係怕凍人士, 又有需要買冷衫過年, 可以一去. 記得帶cash好啦(雖然果處都收card)~~以防買到失控~

ps. 有得試衫嫁~近窗果堆$50 cotton衫, 時時尋到寶物.

想要詳細資料, 留"私人信息"比我啦~

新年開放時間: 1月24日至2月1日休息, 二月二日初八啟市. 10:00am-6:00pm