Essential免費試用裝

想試用就去登記啦~不過要係中環拎. 如果近就去登記.

登記表格

 

中秋彩燈會

今年中秋特別熱鬧多節目~何解? 因為撞岩咁近60年國慶, 再加埋個東亞運動會, 真係節目多羅羅.

今年既中秋彩燈會詳情係咁樣:

分別在迎月夜(十月二日)在新界西天水圍公園及銀座廣場、中秋正日(十月三日)在市區維多利亞公園及追月夜(十月四日)在新界東沙田公園及沙田大會堂廣場舉辦三個中秋綵燈會，與市民一起歡渡中秋。綵燈會節目內容非常豐富，包括中國民族歌舞及雜技表演、懷舊金曲、燈謎競猜、掌相攤位及巡遊藝人穿梭會場等。

此外，在香港文化中心露天廣場亦舉行中秋專題綵燈展覽《東亞攜手創傳奇》及在西九龍海濱長廊舉行的《花月慶中秋》。

各區節目詳情click依處

預祝大家中秋節快樂~

1949出生人士免費山頂纜車優惠(至10月31日)

慶祝中華人民共和國成立六十周年

山頂纜車為一九四九年出生人士提供免費乘車優惠
(2009年9月21日，香港為慶祝中華人民共和國成立六十周年，山頂纜車誠邀於1949年出生人士免費乘搭山頂纜車。由
2009年9月28日至10月31日期間，每名遊客(12-64歲)於中環花園道山頂纜車總站以成人票價購買山頂纜車票，同行之人士若是1949年出生即可免費獲贈同等類別車票一張。此優惠適用於購買「山頂纜車票(來回)或「山頂纜車摩天套票」(來回)」。

此有港示優指澳相惠定片通適之的行用證護身。於份照。詳本證合情地明資可及換格瀏海取海覽外免外網遊費遊頁客車客。票合需。合資出資格示格的附人香有士港相居須片民親之可身護出蒞照示臨或中香身港環份花身證。份園中証道國、山遊出頂客生纜請證車出明總示書站或往，出附來

www.thepeak.com.hk

超市之抵買價

今期超市終於都有d抵買貨品啦~

1. 金象牌泰國頂上香米 8kg  $77.90 (惠康)

2. 無核紅提子  1磅 $8.80(惠康)

3.莎莉  各種口味蛋糕 $29.90 2件, 平均 $14.95 一件, 抵.(惠康, 百佳)

4. 西蘭花 $8.9 3件

另外我發現左惠康

5. 維他200%朱古力魔力奶, 1 pack 3包 $8.9.

依個產品放係推廣檸檬茶既架上面. 如果買三 pack 檸檬茶就送一pack 朱古力魔力奶, 不過就咁買都得.  正常 1pack 6 包朱古力奶賣$24. 唔好買錯啊~

6. 強生 柔嫩沐浴乳-淡香 250ml試用裝, 賣$8. 平時家庭裝750ml賣 $33.90, 家下買三支試用裝都只係$24, 咁你都識點簡啦~

超市d定價你只要睇清楚, 都可以買到平野~

慳錢生活．水電煤(三)

再續講點樣慳水:

3. 洗衫

- 好似政府係電視賣廣告咁話, 儲埋一機衫先開洗衣機啦~慳水又慳電.

-如果一個人住, 可以考慮用細容量既洗衣機. 市面上有d一人用洗衣機, 細細部慳位又慳水.

- 可以考慮一下人手洗衫.

- 嘗試將d衫著多幾次先洗, 下身著既褲/裙唔需要著一次洗一次, 減少洗衫既次數, 慳得仲多.

- 唔好用厚大毛巾, 轉用薄身細條小小既毛巾抺身. 一家人唔需要每人用一條毛巾, 可以大人一條, 小朋友一條, 抺完身撐開來掛, 等佢快d乾, 使用毛巾既數量減少左, 就可以減少開洗衣機既次數. 因為毛巾都佔洗衣機好多既位置嫁~

- 比起夏天, 冬天時床單/被可以用耐先換.

- 夏天鋪席, 床單又洗少d啦~天氣唔係太熱, 仲可以慳埋冷氣添.

 

國慶活動

灣仔金紫荊廣場及對開海面將於星期日下午舉行海陸空大匯演，屆時將會有特別的交通措施。

依個星期日開始進入慶祝高峰期, 各區都有唔同既節目比大家參加. 詳情入去依處睇下啦~

Ricky Ricotta's Mighty Robot

朋友介紹依套書, 岩岩借到比囝囝睇. 機械人打壞人, 依d題材男仔緊仲意啦~仲要係圖畫大, 一頁幾行字, 岩曬初小既小朋友睇.

書最後果幾頁, 仲教你畫機械人, 好有趣.

全套書

圖書館索書號: JJ PIL

新流感未變種高峰期將至

世界衛生組織總幹事陳馮富珍表示，甲型H1N1流感病毒未見變種，但北半球第二波疫情將至。

開左學幾個星期, 接二連三聽到身邊既人病左既消息, 而我屋企既人亦不能幸免地病左, 仲要係一個接一個,  雖然只係普通既感冒, 但已經令我疲於奔命, 依個幾星期自己真係好攰.

流感真係越來越嚴重啊, 大家都要記得: 洗手, 洗手, 再洗手. 小朋友都係帶口罩返學保護自己. 仲話有第二波殺埋來.

免費高露潔牙膏

又免費送比你用啦~

「一人一信」免費投寄日

郵政處有個咁既「一人一信」免費投寄日活動, 今年定於十月九日舉行。已經係連續第六年舉辦既活動，旨在鼓勵市民為摯愛親朋送上書信，表達關懷之意。詳情如下：

投遞安排和條款

本地私人信件的定義

• 信件須以個人名義投寄。
  
• 寄件人和收件人的地址均須為本港的私人地址。

數量限制

• 每人只限免費投寄一封本地私人信件。

體積和重量限制

• 信件須放於信封內或為明信片，體積限制如下：
  最大為167毫米 x 260毫米；最小為90毫米 x 140毫米；厚度不少於0.25毫米。
  
• 每封信件的重量以50克為限。

地址格式

• 信封面須寫上收件人的姓名和地址；信封底須寫上寄件人的姓名和地址。
  
• 信封面須註明"私人信件"。

如何書寫正確地址?

收件郵政局和收件時間

• 全線郵政局（兩間流動郵政局除外）將設置特別投寄箱供市民在營業時間內投寄本地私人信件。

派遞標準

• 一如就派遞本地郵件所訂的服務承諾，本地私人信件會於投寄後下一個工作天派達。

備註

• 投進上述特別投寄箱的本地私人信件會加蓋“郵資已付＂日戳。
  
• 恕不收寄掛號、記錄派遞或本地郵政速遞信件。
  
• 恕不收寄宣傳品，例如直銷函件目錄或商業推廣物品。
  
• 本地私人信件如不符合上述任何投寄條款可能不獲受理或須繳付附加費。

OK便利店$2.9魔力奶(17/9-23/9)

早幾日報左料, 7-11依隻維他200%魔力奶 做特價 $2.9.

今日開始到OK便利店做推廣, 至23/9止. 仲意飲既就快d去掃貨啦~d奶既到期日係10月10左右嫁~

最開心既算係阿囝, 日日都可以 GOOOOGOOOGOOO.

註: 買夠$20仲可以抽"姆明"精品添.

長者咭優惠

有blog友問我, 長者咭有咩優惠? 係播~我都無諗過添. 多謝佢既留言, 我上網搵到依個:

長者咭計劃優惠手冊

港島區的機構/公司

九龍區的機構/公司

新界區的機構/公司

估唔到提供優惠的機構都幾多下, 如果屋企有老人家, 就幫佢地搵下有咩優惠岩用, 寫張字條幫佢地記低啦~

蠔油粟米肉碎($10)

依個餸我自己好仲意食~~點解? 因為蠔油同粟米都係我至愛羅. 如果你都仲意依兩樣野既話, 咁就要試下煮來食啦~

點煮? 又係好簡單既咋~

材料: 粟米一支($3), 碎肉適量($7)

做法:

1. 煲一煲水, 起粟米, 水滾後, 將生粟米粒丟落去煮熟, 隔水備用.

2. 碎肉加少量豉油, 糖, 生粉, 油, 醃一醃.

3. 燒紅油鑊, 落碎肉炒熟, 加粟米同炒, 加小小蠔油調味. 試味後可上牒.

撈飯食~~好味啊~~

粟米係粗糧, 營養成份好好嫁~多食對身體有益. 

於現代營養學的角度，粟米含澱粉、脂肪油、維他命B1、B2、B6及C、菸酸、亞油酸、蘋果酸、檸檬酸、草酸等營養素。粟米的纖維質能促進腸胃蠕動，預防便秘、直腸癌等腸道問題。而當中的粟米油則含不飽和脂肪酸、穀固醇及卵磷脂，有助降低膽 固醇，預防心血管疾病及防止人體血管和和神經硬化。

此外，粟米還含有蛋白質胺基酸，促進細胞生長，以及硒及鎂等微量元素抑制腫瘤細胞生長，預防癌症。另外，粟米的胚芽和花粉含有大量維他命E，可延緩人體衰老。

於中醫藥的角度，明朝時代李時珍於《本草綱目》已載有粟米的藥用價值：『粟米調中開胃，益肺寧心』。粟米鬚和粟米芯是中醫常用以「入藥」的部分，有利尿、降低血糖、利膽、止血、治小兒中毒性消化不良、 慢性腎炎、腎病綜合症、蛋白尿等症

原文

維他200%朱古力魔力奶

7-11做緊特價, $2.9 一包, 平過平時一半. 岩飲就去掃貨啦~

上圖屋仔裝依隻款做特價.

八達通購物優惠

新一期八達通購物優惠.

原圖

雀巢咖啡優惠卷

如果你係飲開, 就記得print出來用啦~~

雀巢咖啡優惠卷

Bossini送金寶湯+優惠卷

依個推廣好有創意~~click下面玩下遊戲, 拎定張coupon都無壞既.

http://www.bossini.gig.hk/

水務署推用水效益標籤計劃

(明報)2009年9月10日 星期四 14:00

水務署    今日開始推行自願參與用水效益標籤計劃，水務裝置癑麂膋獄s造商、進口商等可向水務署申請登記。

計劃是香港特別行政區    政府的一項節約用水措施。消費者將獲得參與計劃的水務裝置和用水器具的耗水量及用水效益資料，以便消費者選擇具用水效益的產品，從而節約用水。

首先推行用水效益標籤計劃的產品是沐浴花灑，其他各類水務裝置和用水器具將分階段推行。沐浴花灑的標籤採用不同顏色標示四個不同的用水效益級別，以第一級最具用水效益。

註冊計劃今日開始接受申請。水務署鼓勵花灑製造商、進口商及其他相關經營者參與計劃。申請人須提交認可實驗所就器具耗水量發出的證書，證明花灑符合計劃所訂要求。註冊展開後，市場上將逐步出現貼有用水效益標籤的花灑，以供消費者選擇。

計劃的資料已上載於水務署網頁（www.wsd.gov.hk）。

早就應該做啦~~不過遲到好過無到. 都比

齊抗金融海嘯大聯盟派「消費優惠券」(9月9日開始)

齊抗金融海嘯大聯盟 9月份「消費優惠券」派發地點：

2009年9月9日下午2:30時後，可於以下列地點派發，派完即止：

1. 銅鑼灣時代廣場客戶服務部
   
2. 上水廣場顧客服務中心
   
3. 尖沙咀海港城詢問處
   
4. 各參與商號，或
   
5. 附上$2.2郵票之回郵信封，郵寄至葵涌國瑞路45 - 51號10樓齊抗金融海嘯大聯盟索取

消費卷詳情

路經可以去拎返本.

聖安娜西餅 coupon

聖安娜又有coupon, 睇下岩唔岩用~

 

原圖

日式芝麻醬拌冷面($12/$6)

今年天氣真係特別熱, 岩岩過左既八月係幾十年來最熱既, 真係熱到個人都無胃口~

咁熱既天氣, 自然就想食涼野, 不如就整下冷麵啦~

以前係日式拉麵店都食過冷麵, 就照板煮碗來整啦~以我記憶所及, 日式冷麵既材料有(兩大兩小份量):

日式拉麵4包($8), 溫室小青瓜2條($2), 蛋2個($2), 蟹柳 4條($4), 火腿3片($10), 蟹籽($4)適量, 即食紫菜1小包, 日式芝麻沙律醬適量(約$6)

做法:

1.  煲一煲水, 水滾落麵, 邊煮邊攪拌, 防止麵黏埋一齊。 煮到8分煮(你要夾起來試下), 過冷河, 隔水待用.

2. 青瓜洗淨切絲, 火腿片及蟹柳用凍滾水略沖後切絲, 蛋成煎蛋皮切絲, 蟹子解凍後隔水備用.

3. 將(1) (2)材料放入雪櫃雪到凍. 取出排好.

話咁快就得左~~就係咁樣.

d顏色都幾靚下~

再按各人口味拌入芝麻醬.

老公話: 食一啖先~~唔......好味啊~~

又滑又彈牙既麵, 冰涼既配菜, 芝麻醬既香, 混埋一齊味道好夾啊~ 成本價 $12.

拉麵, 蟹柳, 蟹籽, 日式芝麻醬都係日式批發買既, 價錢先有得咁平. 

日式芝麻醬係1.8公升一支, 我同同事朋友四個人分一支. 除左整冷麵, 用青瓜, 蟹柳, 蟹籽, 粟米加日式芝麻醬, 就成為"日式沙拉".

 

蟹籽1kg 一包, 都好多下, 我同朋友一人分一半.

每一粒都好飽滿.

除左加入冷麵中, 炒飯既時候加d, 食起上來口感好特別. 當然仲可以整"壽司"啦~

急速解凍法

我諗好多人都試過: 唔記得預先拎凍肉出來解凍, 但係又夠鐘要煮飯啦~時間急迫, 點算呢?

我試過用微波爐解凍, 效果唔好~一唔小心邊果d肉直頭熟煮左. 用水沖, 又浪費食水, 後來老爸教左我依個急速解凍方法.

就係: 將要解凍既食物, 放係一個金屬既托盤上面(如下圖), 由於金屬傳導比較快, 可以吸收周圍的熱源, 再傳達到肉上面，達到急速解凍既功效, 時間起碼快一倍.

多士爐果個托盤都可以用來解凍食物嫁~

7-11優惠卷(至9月17日)

可以印出來用, 睇下有無野岩.

click: 7-11優惠卷

免費太興冰鎮奶茶

如果你係MegaBox果頭返工就岩曬啦~

原圖

 

KFC coupon

如果你拎唔到早排報紙果張, 可以印依張出來用.

KFC 優惠卷