銅器變靚法

檸檬酸除左令水煲水龍頭"返老還童", 原來對銅器都一樣得嫁~

呢個門柄出曬銅綠

好似對付水龍頭水積咁樣, 照板煮碗用紙巾幫佢做mask~

包左紙巾, 再噴上檸檬酸水, 過夜.

第二朝用乾布捽乾. d銅綠無曬.靚返曬~

 

9月生日免費坐昂平360

九月生日的香港居民，只要你在2011年9月1日至9月30日*期間蒞臨昂坪360，即送你一份生日大禮

• 免費乘坐來回水晶纜車


• 同行親友凡購買標準車廂來回車票亦可免費升級

如果你係9月生日, 就記住呢個優惠啦~

萬紙寧巾$5.9

萬割細包紙巾, $5.9 十二包. 卡通公仔圖案包裝果d好快就賣曬, 想買就要快手啦~

用過紙質都唔錯.

另外, 惠康"倩絲3層盒裝紙巾"買2件$40.40. 即係$5盒左右.

不易散亂的櫃桶收納法

早排介紹左不易散亂的摺衫法(底褲篇), 不易散亂的摺衫法(底衫篇)及不易散亂的摺衫法(T-shirt及短褲篇), 好多blog友都話好, 跟手執好左小朋友既衣櫃. 不過佢亦擔心唔知可以保持得幾耐.

放小朋友衫既櫃桶, 要時常保持整齊, 我仲有另一個方法,  就係: 間隔法.

首先我會用細既儲物盒分放唔同種類既衣物, 好似咁樣.

儲物盒其實亦可以自製, "紙巾盒"就係最好既物料, 好似咁樣:

紙巾盒點樣變身儲物盒可以睇呢到: DIY儲物盒。總之乾淨既紙盒，你都可以發揮創意，自制適合自家櫃桶高度儲物盒，我覺得仲好過街買果d.

之後將細儲物盒放入櫃桶，規定邊格放邊種衣物。

d衫放好之後就係咁樣。

各自歸位。就算小朋友攪亂，都只會係其中的一部份。要還原亦會易好多。

當然，如果佢地既衫少d，你既煩惱亦都會少d.

KFC 肯德基優惠券(至至11年9月13日)

好耐都無優惠卷啦~睇下大家岩用嗎? 印出來就得.

讀名著看世界

暑假又係狂睇書既時間~

"世界名著之所以稱為名著, 因為佢係百看不厭" 我回答阿囝既問題 : "點解同一本書睇左幾次, 次次都有唔同既感覺, 每次睇仲覺得好吸引?"

佢最仲意既名著係"金銀島""八十日環遊世界""海底兩萬里", 都係冒險故事. 圖書館有好多個唔同既版本, 佢睇左兒童版覺得未夠喉, 我搵到呢本青少年版, 佢睇到好滿足~

套書一齊有10本, 圖書館有齊.

1孤雛淚      889 3422
2湯姆歷險記 889 2748
3海底兩萬里 889 5478
4神探福爾摩斯 889 3047
5格列佛遊記 889 9545
6所羅門王的寶藏 889 0066
7環遊世界80天 889 5478
8小天使海蒂  889 9147
9森林王子 889 2417
10綠野仙蹤889 1058

 

 

神奇小蘇打粉清潔法之吸味大法

又證實小蘇打粉既另一神功: 吸味大法)))))))))))))))))))

依排天氣咁熱, 鞋櫃都特別臭. 前晚終於頂唔順果陣味, 漏夜拎曬d鞋出來, 用左一大湯匙小蘇打粉開水抺左.

尋日焗左一日, 夜晚返屋企開櫃, 無曬味

我再自制"吸味杯"放入鞋櫃吸味~

材料方面, 好簡單:

用過既jelly 杯(又廢物利用)一個, 兩大匙小蘇打粉, 廚房紙適量, 像筋一條

方法係:

1. 將兩大匙小蘇打粉放入jelly 杯內.

2. 用廚房紙封口, 再用像筋固定.

得左~做十個八個周圍放(廚櫃, 雪櫃, 廁所, 鞋櫃, 總之有味既櫃都放)都唔洗十分鐘. 真正平靚正. 以後都唔洗再買"吸味劑"啦~果d化學野又貴對環境又唔好.

係唔係好易呢~ 想高級d, 落幾滴精油, 咁就滿櫃生香添.

耐唔時換過佢. 吸過味既小蘇打, 我會用來打掃清潔, 一d都唔會side.

小藥打粉去邊到買?? 我係街市雜貨鋪買, 一斤都係十蚊8蚊咁. 我咁樣存放. 記得要寫個label. 唔好同其他粉攪亂.

我另一個一石二鳥既方式係將小蘇打粉放係用過既香草樽到. 好似咁樣~

貪佢既樽口咁樣.

放入雪櫃當吸味劑, 需要打掃廚房既時候, 就直接打出來用.好方便~懶人又一新方法.

平旦漫畫

呢本漫畫真係好抵死~唔止阿囝睇到笑出眼淚, 我都係一. 連識字唔多既妹妹一拎上手都唔放, 一口氣要睇曬笑曬為止.

圖書館有齊十本:

《搞鬼課室》《尖子特攻》《河蟹校長室》《火星同學會》《戀戀班房》《星光學堂》《爆笑師生團》

暑假想輕鬆下笑下, 借呢套書來睇就岩啦~

索書號: 948.11 1024

熱燙珠

係今年書展, 見到有"熱燙珠"賣, 好似幾好玩咁樣,可以發揮小朋友既創意~已經有d心郁想買比佢地玩. 不過再諗下, 一盒仔分十二格, 話有5000粒, 賣成$80. 都幾貴下~拎起又放低.

問起朋友, 原來宜家傢俬店都有相同產品賣, 一大桶都只係$58. 去到一睇, 真係好大桶, 即買~

你睇, 個桶有成12cm x 12cm x 12cm, 真係唔知有幾多粒. 就咁用肉眼睇, 比起書展果款, 起碼多3倍.阿囝數下, 有成十隻色.

急不及待就開來玩~ 屋企有兩塊先前唔知點來既底板, 兩個一人一塊神神秘祕咁砌又唔比我睇. "燙紙"就係本來已有, 係整蛋糕既果卷牛油紙剪2塊出來墊住燙~ 坊間有d手工包話要用"專用燙紙", 真係識既握唔識.

整好一個啦~叫我估下邊個係邊個整既~

仲洗估, 男仔女仔既風格好明顯唔同啦~

"星星"可以用來做杯墊, 阿囝盛意拳拳咁樣推薦.

試下先~又真係得播. 咁樣飲茶都幾開心~

之後又整左好多個"心心". 話送比姑媽, 爺爺, 女麻女麻.......等.

好啦~繼續創作啦~反正咁大桶, 真係可以玩埋呢個暑假.

發現佢地根本唔需要"圖紙", 亦唔需要參加咩班咩班~自由創作最開心.

P.S. 宜家傢俬都有"底板"賣,一套4件, $29.90. 只係mega box 先有貨. 呢款熱燙珠係細粒既, 寫就話要4歲以上先岩玩, 我估5-6歲先至掌握到. 玩具反斗城有d大粒小小既, 岩3-4歲既小朋友. 不過都幾貴下, 一樽仔要$29.

不易散亂的摺衫法(T-shirt及短褲篇)

冬天時同大家分享過一目了然衣服收納法, 可以收埋多d衫之餘, 又唔會只係著來著去面果幾件. 不過呢個方法到左夏天就有d問題發生.

夏天衫薄好多, 佔位又少左, 個櫃如果塞唔滿既話, d衫就好似無腰骨, 軟曬落來企唔直.

要解決呢個問題, 用新既摺衫法就得啦~

去片~

短褲的摺法:

 

T-shirt 的摺法:

 

得左, 睇下個櫃, 就係咁樣~

就算比小朋友自己拎衫換, 都唔會攪亂曬成個櫃桶.

 

健力士世界記錄大開眼界(太古城中心)

尋日去睇左魔術表演, 果然精彩.  小朋友睇到目瞪口呆! 得閒真係值得去下.

表演詳細時間表睇依到.

 

蘆薈抗痘面膜

朋友個仔開始進入"青春期", 今年面上出現左好多"青春"荳. 好難睇啊~為左防止貪靚既仔用手去擠暗瘡, 佢緊急向我救助!

"有無天然既產品可以消暗瘡嫁!"

"有既有既~", 諗下就有.

蘆薈抗痘面膜

主要天然成份有: 蘆薈, 高嶺土, 甘油, 薰衣草精油

蘆薈: 可說是肌膚的天然保養聖品, 具消炎、抗菌、止癢、止痛、消腫功效，特殊既酵素成份，可促進肌膚分泌血管收縮素來促進傷口癒合。因此也被廣泛運用於面皰、青春痘、過敏、紅腫

高嶺土:  具良好的深層清潔功效，可以清除老舊角質層，有效排毒，促進肌膚新陳代謝。有效清除毛孔內的多餘油脂

甘油: 天然保濕因子

薰衣草精油 : 具清炎鎮定安撫作用.

整好之後諗起奶奶既印姐, 又係生到成面大暗瘡, 一於又比佢試用下先.

以下圖片可能引起不安, 請留意~

幾大粒瘡~

幫佢搽一層厚厚既分量係暗瘡部位(足以遮住粒暗癐), 跟住去訓覺.

第二朝起身, 洗左面, 見到粒瘡已經結焦~, 佢開頭都唔信~, 睇清楚d, 真係謝左 , 佢開心到見牙唔見眼~

我都估唔到咁快手. 蘆薈加高巔土對付暗瘡果然勁.

到左晚黑, 粒瘡又再謝多d~

我將結果話左比朋友知道, 佢好心急一拎到手就幫佢個仔做額頭, 一樣都係"膜到瘡除" .

效果咁好, 我又整左一樽比老公, 油性皮膚都岩用, 可以深層清潔+吸油.

如果你都有需要, 都可以留email比我預訂.